吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 坐得巴士,請尊重巴士規例及巴士司機 (有點長篇) ...

自由講場今日: 2597|主題: 1331104

收藏本版

發帖

返回列表

跳至頁

查看: 2514 | 回覆: 49

坐得巴士,請尊重巴士規例及巴士司機 (有點長篇) [複製鏈接]

12 3

fengfeng

大宅

積分: 4650

1^#

發表於 08-12-6 20:22 |只看該作者 |倒序瀏覽 |打印

今天在巴士上遇到一件不平事,但好在有一位男乘客企左出來為司機申張正義! 但我聽到個女乘客抄左個司機名,可能想去巴士公司屈個司機,等我都喺度寫出我親眼見到的事,等有事發生時,希望可以做個見證.

今日 (12月6日) 上午大約 11 時,我在南昌西鐵站坐 K16 巴士去尖沙咀. 上車時見到有三部嬰兒車 (!!) 在巴士下層,好少可一次過見到咁多嬰兒車,所以我都有留意. 後來發現有三個細路仔坐在座位上.

我經過時傷殘人士放輪椅位置, 有個約三十來歲的男乘客 (應該是爸爸)正在摺一架嬰兒車, 而女乘客 (應該是媽媽)則站在另一架嬰兒車旁. 但那架嬰兒車好像是不能摺的. 另外, 仲有一架嬰兒車在近門口的座位旁, 不知是否屬於這家人的.

開始發生爭吵聲時,是因為媽媽乘客罵另一位女乘客佔了她的位 (在小孩旁邊的位置), 她很沒有禮貌和很大聲. 大意是個位有人、你唔知唔識問架咩之類, 我覺得她很沒有道理, 所以我開始留意她的行為.

那個被罵的女乘客,坐了另一個位置. 雖然有不滿, 但並沒有跟她嘈交.

然後, 車長 (我後來聽到好像叫劉健榮或梁健榮) 來看發生甚麼事, 並且勸諭這名媽媽乘客要把嬰兒車摺好擺在自己座位附近, 不要妨礙到其他人.

這名媽媽乘客開始發難, 很大聲地罵司機. 說她就是不想妨礙到其他人所以把嬰兒車放在輪椅位,有傷殘人士咪攞返走囉之類,但我眼見司機並沒有跟她爭執,後來返回司機位上.

後來司機說如果有乘客不遵守乘車規則,他便不能開車. 於是這個媽媽乘客不斷地繼續罵,並到司機位看司機名牌,說要投訴他.

這時候,後座有個男乘客大聲說唔該這位媽媽乘客搭得巴士就要聽從巴士司機指示,但媽媽乘客發惡鬧關佢咩事 ... 然後她老公也幫口鬧.

後來好像是有人在拍了片,所以那對夫婦便不再出聲...而巴士司機也開車了.

我覺得這個媽媽乘客好自私,帶咁多嬰兒車出街,又唔收好先上車, 又鬧其他乘客坐左佢個位, 司機勸喻佢時仲要大大聲發惡, 下下都話要投訴司機. 人地都係打份工啫! 作為一個巴士司機, 責任就是維持車廂秩序和安全, 若然無端端俾人投訴, 我為佢不值囉. 所以我都想把我見到的寫出來, 等有關人士需要時可以翻查!

最後, 我覺得身為一個女人, 我為嗰名媽媽乘客覺得羞恥 ... 在自己的小朋友面前無理取鬧兼潑婦罵街, 兼教育佢「投訴文化」,真是非常惡劣的家教!

[ 本文章最後由 fengfeng 於 08-12-6 20:27 編輯 ]

0 0 0

私人傳訊

mum-LCC

侯爵府

積分: 21867

2^#

發表於 08-12-6 20:35 |只看該作者

而家好多人真係唔識自重, 濫用投訴機制

私人傳訊

蜆介鯪魚球

珍珠宮

積分: 41363

好媽媽勳章醒目開學勳章環保接龍勳章

3^#

發表於 08-12-6 20:38 |只看該作者

私人傳訊

kittynleo

大宅

積分: 4466

4^#

發表於 08-12-6 20:39 |只看該作者

你不如將呢段文字email比巴士公司
等佢地知道，萬一真係要調查，
都有証據!

私人傳訊

建男媽咪

大宅

積分: 3472

5^#

發表於 08-12-6 20:45 |只看該作者

我老公都係巴士司機, 所以我聽過好多呢D事件, 我老公上個星期都身受其害, 事原有個鬼婆同鬼佬一齊搭車, 唔知佢哋因咩事遲咗打鐘(已過了很久),佢好無理要我老公停車, 我老公梗係無停啦, 當時在迴旋處(點停呀),點知個鬼婆走到司機位, 抄低我老公個名打電話投訴, 我以前都唔相信有D咁麻煩的人, 但我老公話原來係好多的, 雖然佢公司唔會有D咩處分, 但係佢哋都會打電話叫番司機解釋番係咪有件咁既事, 同埋會記錄在案, 有一次仲攪笑,係我親眼見到的, D人真係好無聊, 你知有時機件故障梗有, 司機關門後有D叮叮聲響, 我唔知關個司機咩事囉, 有個女仔覺得D叮叮聲好嘈,佢當時坐喺司機後面, 我就坐佢對面,佢要求個司機停咗D聲, 咁個司機話無得停喎, 點知每個站關門都有聲, 個女仔忍唔住, 我睇住佢打電話投訴添呀, 人哋都係打份工啫, 咁呢D野又唔係過司機控制既, 何必趕絕人啫

私人傳訊

fengfeng

大宅

積分: 4650

6^#

發表於 08-12-6 20:46 |只看該作者

原文章由 mum-LCC 於 08-12-6 20:35 發表
而家好多人真係唔識自重, 濫用投訴機制

令我驚訝的是這對夫婦看來年紀輕 (~ 30 歲) 而且應該受過教育! 並不是盲毛, 為何連尊重別人也不懂?

私人傳訊

哈哈媽咪

伯爵府

積分: 17113

7^#

發表於 08-12-6 20:47 |只看該作者

D人而家都打橫黎！自己唔岩仲要投訴人地！咁霸道。不知所為！我覺得現在坐BB車坐巴士果D人。好似惡晒咁應為自己大晒。成日都唔收BB車！我應為巴士公司應該強硬規定BB車要收好先開車。成日都有D咁既投訴司機！個司機好難做！

私人傳訊

美維

大宅

積分: 2820

8^#

發表於 08-12-6 20:48 |只看該作者

南昌站轉K16全愛得幾個字，冇位坐咪企下囉，咁都有得鬧。咁睇佢架態度，我諗如果真係有傷殘人仕上車，我估佢都唔想讓位。

私人傳訊

fengfeng

大宅

積分: 4650

9^#

發表於 08-12-6 20:49 |只看該作者

原文章由 建男媽咪 於 08-12-6 20:45 發表
我老公都係巴士司機, 所以我聽過好多呢D事件, 我老公上個星期都身受其害, 事原有個鬼婆同鬼佬一齊搭車, 唔知佢哋因咩事遲咗打鐘(已過了很久),佢好無理要我老公停車, 我老公梗係無停啦, 當時在迴旋處(點停呀),點知個 ...

我覺得嗰啲咩都投訴一餐的人好討厭

而家呢一代,好似唔識咩叫包容、尊重, 個個都自我中心, 中國人的傳統美德不知去左邊度

私人傳訊

fengfeng

大宅

積分: 4650

10^#

發表於 08-12-6 20:52 |只看該作者

原文章由 哈哈媽咪 於 08-12-6 20:47 發表
D人而家都打橫黎！自己唔岩仲要投訴人地！咁霸道。不知所為！我覺得現在坐BB車坐巴士果D人。好似惡晒咁應為自己大晒。成日都唔收BB車！我應為巴士公司應該強硬規定BB車要收好先開車。成日都有D咁既投訴司機！個司機好難做！ ...

佢地仲要帶唔止一架 (至少兩架,但現場有三架) 又一家大細咁, 我相信他們是搭免費車的 (因 K16 是接駁巴士), 否則咁大棚人應該會搭的士囉

既然是免費服務,是否更應守規矩呢? 帶住 2 個/ 3 個細路兼嬰兒車咁辛苦, 係咪唔好去咁遠呢?

sorry, 講到離左少少題. 但我自己都係女人, 我都知湊住小朋友好辛苦, 但佢地真係好無理取鬧囉