在職全職

收藏本版
發帖
返回列表
跳至頁

首頁
12

尾頁
   0
littlehei2008


大宅

積分: 2583


1#
發表於 08-12-9 15:24 |只看該作者
真係好想係黎度揾個空間俾自己發洩一下..... 我尼幾日因為家事好唔開心, 喊左好幾次.... 唔知好唔好揾人過黎我屋企湊囝囝~

我都係一個在職新手媽咪, 個囝囝只有4個半月大, 由未出世個陣都揾緊人湊囝囝, 但好倒楣, 我未生之前新請個工人走左佬, 無辦法之際, 我媽咪就免為其難同我湊住先 (我媽咪一開始都叫我請工人湊囝囝), 依家都湊左2個月啦。可是, 係尼個月裡面, 我媽咪都有意無意咁同我發脾氣, 有一次對住囝囝講婆婆唔會再湊您, 等工人姐姐黎到您就好番去您阿媽到住 (星期一至五囝囝都住係我阿媽屋企), 您唔係跟我地姓架, 您要番您阿媽到, 知唔知道! 尼句說話我都大大話話聽左2次啦 (因為我媽咪好重男輕女, 仲未抱內孫, 我好唔開心!)

岩岩星期日又抱番囝囝去我阿媽屋企, 當日我阿媽因我阿妹結婚金錢既問題(佢同我阿爸之間) 借意發洩鬧左我一大輪, 又提埋d以前唔開心既事, 又話我唔當佢係長輩之類... 我真係好無'故', 又話我有本事自己辭左份工湊番個囝, 我唔會同妳湊, 我捱夠喇! 我當時喊左出黎, 連飯都唔食放低囝囝就走左去..... 自己個女同個孫都咁樣講! 今日, 阿爸打電話俾我安慰我, 叫我唔好唔開心, 唔洗理我阿媽, 話佢只係講吓發洩一下, 佢黎兩日都好似以前一樣湊番個孫。話叫我唔好理咁多俾佢湊湊到揾到新工人黎到為止.... (起碼等到明年2月-3月)

我好唔開心, 唔知店做好.... 多謝大家聽我呻!
私人傳訊

leonora1227


大宅

積分: 3224


2#
發表於 08-12-9 15:31 |只看該作者
你阿媽咁唔幫你，你咪快快請個工人返黎，唔洗佢湊囉，洗乜求佢喎！你比得多唔多錢佢湊架?多就請完工人，一個先都唔好比佢.
澄澄的空間
私人傳訊

貓姐


禁止訪問

積分: 33575


3#
發表於 08-12-9 15:35 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

mymelody2003


男爵府

積分: 8643


4#
發表於 08-12-9 16:06 |只看該作者
老人家湊BB真係幾辛苦, 既然妳媽咪都開到口唔湊, 快D諗下點安排啦, 育嬰院 或 本地EE 或 請工人湊, 各有各好, 最終都係睇你彩數, 因為本地EE都有好有壞的

我係你唔會再勉強媽咪湊, 以免彼此關係惡化, 因為湊BB的責任都係自己

私人傳訊

ookiinome


大宅

積分: 1972


5#
發表於 08-12-9 16:07 |只看該作者
始終都係自己媽咪....你唔好怪佢啦...佢可能都係心情唔好姐...

你快d揾工人啦...等佢唔洗甘辛苦
私人傳訊

Einerie


洋房

積分: 85


6#
發表於 08-12-9 16:49 |只看該作者
唔好唔開心啦, 我未生果時都同你一樣咁 WORRY.. 都係無人幫我湊, 我媽媽又有野做, 奶奶我又唔會放心俾佢湊. 又唔想請工人, 又搵唔到HKG 的姨姨湊. 結果我搵左間託嬰園 先解決到問題咋. 唔係 我的命運同妳差唔多啦.... 依家未又係要收工返去TAKE CARE 番.
私人傳訊

yantabo


大宅

積分: 2708


7#
發表於 08-12-9 17:39 |只看該作者
原文章由 littlehei2008 於 08-12-9 15:24 發表
真係好想係黎度揾個空間俾自己發洩一下..... 我尼幾日因為家事好唔開心, 喊左好幾次.... 唔知好唔好揾人過黎我屋企湊囝囝~

我都係一個在職新手媽咪, 個囝囝只有4個半月大, 由未出世個陣都揾緊人湊囝囝, 但 ...

我同你o既情況差唔多.......工人換過3個,冇個得
因為我返shift o既,又要出trip,夜晚老公又湊唔掂,所以放阿女係育嬰園唔work
同c6傾過都係自己湊返,不過從此就要慳lu
私人傳訊

foggyao


珍珠宮

積分: 37846

2024年龍年勳章 2018復活節勳章 熱血勳章 好媽媽勳章 畀面勳章 wyeth冷知識勳章 環保接龍勳章 大廚勳章


8#
發表於 08-12-9 22:32 |只看該作者
原文章由 littlehei2008 於 08-12-9 15:24 發表
真係好想係黎度揾個空間俾自己發洩一下..... 我尼幾日因為家事好唔開心, 喊左好幾次.... 唔知好唔好揾人過黎我屋企湊囝囝~

我都係一個在職新手媽咪, 個囝囝只有4個半月大, 由未出世個陣都揾緊人湊囝囝, 但 ...


你媽都真係開到聲，就真係自己諗掂佢算啦! 仲要你媽對住bb咁講，bb係feel到，再係咁都唔係辦法!

你99湊唔湊？你又放唔放心比佢湊？

如唔得，你諗諗育嬰院，而家都好興啦，一都唔慘，小朋友自理能力都高，但你就要辛苦喇，但呢個係做父母責任嘛，辛苦都要捱，好快過!

育嬰院唔得，就搵本地姨姨，但真係要搵個好先會放心。

咁咪一路等住工人囉! 但工人到都唔係一了八了，請同教個工人真係好煩!

我女女都係工人湊，不過我好彩，婆婆係幫我湊女女到10個月大先由工人接手，我感覺上女女已大，好似好。但講真，自己人湊會放心好多，工人湊，你返工時會好心掛! 同埋，工人湊，真係比有屋企人湊細路學少好多!
私人傳訊

mavisw


別墅

積分: 923


9#
發表於 08-12-10 01:42 |只看該作者

回覆 #8 littlehei2008 的文章

唔好唔開心. 我當年嘅比你仲hurt (由安胎到ｂｂ出世），我亞媽比左唔少說話我聽，比佢毫無理由鬧都試過．既然你亞爸支持你，暫時先比你亞媽揍．馬上找育嬰院揍ｂｂ到工人到．凡事都有解決辨法．切記要保持心情開朗．唔好影響自己健康．
私人傳訊

angelymama


男爵府

積分: 5908


10#
發表於 08-12-10 09:24 |只看該作者
我托阿仔時都諗住比99湊, 點知到7個月都無表示, 我叫c6開聲佢先話湊, 到我生完出院佢就話請個陪月幾錢..請個菲傭又幾錢...大佬o個時我失緊業, c6又唔係搵得多, 我都係諗住慳錢先比佢湊, 後來把鬼火, 叫阿媽幫手睇下有無鄰居ee湊, 好彩搵到個同一層樓, o個時佢又唔捨得阿b。 我理鬼得佢。

哈哈...到阿b一歲就請工人。 唔使擔心啦, 自己阿媽都唔幫你, 你就唔好理佢囉。
私人傳訊

CYK


大宅

積分: 4240


11#
發表於 08-12-10 10:28 |只看該作者
我覺得若你爸爸支持你的話,俾婆婆湊住先,現在都12月,好快就到2月/3月啦,中間有聖誕,新年,搵ee/托嬰院都唔係咁易,忍下啦,始終都係自己媽咪,咁若你奶奶可以幫到手湊,咪試下俾奶奶lor...其實請工人湊,你都要受工人氣啦...老人家有時係口是心非的,遲D可能到婆婆唔捨得阿B啦...
私人傳訊

ahmaymay


男爵府

積分: 6878


12#
發表於 08-12-10 11:29 |只看該作者
littlehei2008
首先唔好為左你媽媽的說話而難過啦..成日諗無咩幫助的.
你可以有3個choice..
1)請工人,
幫你湊bb,幫你打理家頭世務,你會舒服d.
但有時會好激氣..成日因為佢d少問題而唔開心or發脾氣.仲要教工人湊bb的技巧,如果你本身識湊的話要教唔難.
係唔係已經申請左工人啦???

2)請你屋企附近的ee湊
佢地本身有小朋友,識得點湊,有時還會教你湊.最緊要近自己,
但屋企所有野都要自己做番.俾出去的錢可能貴過你請工人

3)育嬰園
而家d育嬰園都唔錯架..不過每日要自己湊出湊入羅,如果你唔怕辛苦的可以試下找找,睇下price係點樣..最起碼唔洗受氣.

我果時都好急找人湊的.原本confirm的親戚放飛機.攪到我要返工前落實邊個湊,自己mon要返工,奶奶退休年齡大了,試過請工人但都俾我fire了,到最後找到一個本地ee湊到而家,雖然貴過工人,屋企d野又要自己打理,但湊得我小朋友好好.我覺得自己辛苦d都是值得的.
你都自己諗下點樣係對bb同你最好的辦法啦..
私人傳訊

Doraemon_ng


伯爵府

積分: 16277

好媽媽勳章


13#
發表於 08-12-10 11:47 |只看該作者
原文章由 ahmaymay 於 08-12-10 11:29 發表
littlehei2008
首先唔好為左你媽媽的說話而難過啦..成日諗無咩幫助的.
你可以有3個choice..
1)請工人,
幫你湊bb,幫你打理家頭世務,你會舒服d.
但有時會好激氣..成日因為佢d少問題而唔開心or發脾氣.仲要教工人湊bb的 ...

其實二三月先有工人的話, 不如睇下附近有無ee幫你湊住先, 或者搵育嬰院暫託幾個月先咯~
私人傳訊

vvvv


洋房

積分: 132


14#
發表於 08-12-10 11:58 |只看該作者
你住邊區?
我可以幫你！
唔好唔開心。
私人傳訊

littlehei2008


大宅

積分: 2583


15#
發表於 08-12-10 12:02 |只看該作者
好多謝妳地既意見, 我知呢度有好多"過來人", 我係新手媽咪, 妳地都有經驗, 我黎幾日真係喊左好多次, 其實我每日唔可以見到個囝囝巳經好唔開心, 好掛住個囝, 平時一個禮拜上去婆婆度三次左右(因為我地住得好遠); 我知有時俾老人家湊bb都有好多問題, 我係知我阿媽既脾性, 所以每次同佢講起囝囝既野都避重就輕, 好多bb既野我都會主動做番, 等佢可以輕鬆下 (有時連親子時間都無), 又叫佢要小心自己手肘, 因為抱bb都好辛苦... 我通通都了解, 都好關心佢.... 我個心好"痛", 係點解我做咁多野諗咁多野為大家著想, 點解無人為我著想諗吓, 其實我都係人, 我都有感情的!


我明白到凡事都有解決辨法, 我相信明天會更好, 但尼幾日真係好煩, 好唔開心, 依家揾緊ee湊bb...
私人傳訊

ilovenatalie


複式洋房

積分: 157


16#
發表於 08-12-10 12:21 |只看該作者

do not upset la.........

如果你亞媽唔湊、你咪搵個本地ee湊住日頭先囉、
(明愛有呀~~9am-6pm is around HK$6000/per month)
OR
(你住o既地方附近, 有無鄰居幫手呀!! / 如你唔熟, 可問樓下看更)
放工自己湊返、係就係辛苦d、但係可以日日見到bb添!!


***********
我都係無家人幫手湊BB, 完全明白你o既感受,
BB太細唔想請工人, 但係又無家人幫忙湊B!
初頭都有d唔開心, 但後來唸落勉強無幸福;
如果係唔願意o既, 佢o地都湊得唔開心, 什至唔會鍚BB!
(再者, 全職湊BB真係好辛苦嫁..../更何況係老人家湊???)
所以後來我寧願請工人或放BBo係育嬰園!
私人傳訊

ricoheng


複式洋房

積分: 132


17#
發表於 08-12-10 14:50 |只看該作者
原文章由 littlehei2008 於 08-12-10 12:02 發表
好多謝妳地既意見, 我知呢度有好多"過來人", 我係新手媽咪, 妳地都有經驗, 我黎幾日真係喊左好多次, 其實我每日唔可以見到個囝囝巳經好唔開心, 好掛住個囝, 平時一個禮拜上去婆婆度三次左右(因為我地住得好遠); 我知 ...


你住係邊？睇吓我幫唔幫到你？
私人傳訊

littlehei2008


大宅

積分: 2583


18#
發表於 08-12-10 15:18 |只看該作者
ahmaymay
1) 係呀, 原先入左紙落實請工人, 店知等左一個月, 個工人都出唔到passport; agent 要我地再揾個個... 我都算黑仔, 請左半年都未請到, 所以預計最快都要明年2-3月先請到工人

2) 我都揾緊請屋企附近的ee湊, 請問市價要ee黎我屋企湊(9-6pm)係點計架? 每一日/ 每個月, 分別幾多錢架?

3) 最後選擇...

Thx~




原文章由 ahmaymay 於 08-12-10 11:29 發表
littlehei2008
首先唔好為左你媽媽的說話而難過啦..成日諗無咩幫助的.
你可以有3個choice..
1)請工人,
幫你湊bb,幫你打理家頭世務,你會舒服d.
但有時會好激氣..成日因為佢d少問題而唔開心or發脾氣.仲要教工人湊bb的 ...
私人傳訊

ayaya86


禁止訪問

積分: 15092

醒目開學勳章


19#
發表於 08-12-10 17:39 |只看該作者
提示: 作者被禁止或刪除 內容自動屏蔽
私人傳訊

Rabbitcarol


別墅

積分: 916


20#
發表於 08-12-10 17:57 |只看該作者
我都好明白...

我阿媽都好抗拒湊我阿B架，所以我唔期望搵佢幫手，上個月BB入左廠出黎，我無法之下搵左阿媽過黎幫手湊B兩個weeks，等工人arrive，佢都湊到好累好勞氣，我放工都即刻飛去幫手，希望減輕佢負擔，查實自己都累到想死，不過沒計啦，最重要俾佢覺得你唔係放低左就唔理阿B，由得佢自己一個人辛苦！

有日阿媽捱到病左，我即刻請個PT陪月日頭幫手煮飯仔整兩餐，等佢唔好"林"低，終於都捱過左兩個weeks，工人一到佢就即閃！

所以長遠黎睇...都係請工人著數d...ee可以幫你日頭o者，夜晚仲有大把野要做，咩親子時間都無晒啦！尤其日後BB要返學，同佢一齊做功課真係仲慘呀！

我會suggest你依家BB四個月都仲可以請ee，不過到左一歲就請工人啦！
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy