吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 痛！懷孕16週要終止懷孕，養和定政府

懷孕前後今日: 5|主題: 330200

收藏本版

發帖

返回列表

跳至頁

查看: 52885 | 回覆: 52

12 3

積分: 39

1^#

發表於 17-1-5 22:33 |只看該作者 |倒序瀏覽 |打印

本帖最後由 maggieflfl 於 17-1-5 22:36 編輯

原來好期待bb的出世，又係我地等一胎，但事與願違。
12週去政府醫院做初唐檢查，仲係覺得好平常，度頸皮2.3，姑娘都話below 3都正常。直到幾日後收到電話話報告係高危，要見醫生。老公係不停安慰話好多政府醫院Oscar的結果都唔准。自己都即刻上网睇，真係睇到好多媽媽分享，有啲1:12，有啲1:xxx, 大部分最後都冇事，即刻心安啲，心唸人地1:12都冇事。我應該都ok掛。因為之前已經私人醫生同政府2邊睇，所以老公話不如book去私家做埋t21。係去政府聽報告前一日去了做t21，睇見個bb又大左啲，仲係好活躍，醫生特登照下心，脚，都話已經有鼻骨，睇落去好正常。心入邊好開心，不過佢都話等埋t21報告先。
第日去到政府聽報告，睇到自己21條係高危到1:2，即係2個中1個，即刻傻咗。不過都對bb有信心。

24號聖誕節收到c+電話，姑娘話等等要醫生同我講，果一刻已經有不好預感。果然醫生話t21報告證實21條係多出一條，即係bb係唐氏bb。果一刻乱到後面醫生講啲嘢都聽唔到。同老公原本食緊飯，即刻冇胃口。嗰種痛只有自己知。連喊都喊唔出。只係傻左，一直問點解會咁，六合彩未見我中，點解bb會係唐氏。返去同屋企人講，媽媽講左一句，我地仲有1%的機會。冇放棄。于是我地又book左另外一個私家醫生做抽羊水。中間同好多朋友傾計，發覺其實有啲朋友都有唔愉快的經驗。好慶幸自己有好多朋友不停鼓勵，99特登去拜拜，佢都係好堅強的人，佢都同我講冇放棄，但我都見到佢眼框泛紅。从來未見過老公喊，果晚佢都忍唔住喊，佢喊我又喊。就咁樣過了幾日。

前日收到電話都係話羊水報告證實係唐氏bb. 聽到電話果一刻反而我好冷靜，也許已經預左，也許不敢俾自己太多希望。我同老公講，呢啲都係緣份。我地一定會再生返個健康嘅bb。雖然咁講，但晚晚瞓唔著。

而家要确定到底係政府定係私家做引産。想請問有冇係養和做過終止懷孕的？係咪塞完葯大部分都係會刮宮？因為我醫生話早期的通常都排唔清。

0 0 0

私人傳訊

Karen0811

大宅

積分: 3500

2^#

發表於 17-1-5 22:57 |只看該作者

Sad to you
小天使一定會再返黎
加油
養和我唔有冇得做
仁安就有做

私人傳訊

jennyp

大宅

積分: 2203

3^#

發表於 17-1-5 23:45 |只看該作者

好好保重身體！祝福您！

私人傳訊

BREADWING

珍珠宮

積分: 35654

4^#

發表於 17-1-6 00:04 |只看該作者

回覆樓主:

睇完你講都好唔開心，心好痛，不過大家都唔想，bb會明白，如果堅持比佢出世，將來既路更加難行，比而家辛苦好多倍，如果經濟冇問題私家當然好d,服務都比較好

私人傳訊

YOKOMIMI

大宅

積分: 1432

5^#

發表於 17-1-6 02:58 |只看該作者

保重身體加油

私人傳訊

Fan0129

大宅

積分: 1475

6^#

發表於 17-1-6 03:24 |只看該作者

塞完藥排出組織如果排得清就唔會刮宮。
祝福你！好好養好身子！再等待健康小天使嘅來臨！

私人傳訊

littlepiggy_c

大宅

積分: 1676

7^#

發表於 17-1-6 09:45 |只看該作者

樓主，保重身體！坐好小月，調理好身體，小天使會返來你們身邊！

如果經濟許可或者公司保險有得claim，當然是在私家做，起碼感覺舒服d，因為本身的心情已經唔好

我都試過早期流產，當時在仁安做流產，最初我揀藥流，含脷底丸，要留院的，隔幾個鐘姑娘會俾我食藥，monitor 住我的血壓＆心跳，住左一晚，24小時都排不到組織，到第二朝，醫生同我check時，我決定做刮宮，排到手術室就即日做，手術成功，當日黃昏就出院。

私人傳訊

cutiemiaowu

別墅

積分: 881

8^#

發表於 17-1-6 11:28 |只看該作者

睇完好心痛。你要是要好好養好身體，bb一定會再有的，加油啊！

私人傳訊

gfsying

大宅

積分: 1428

MommyPanel勳章開心吸收勳章

9^#

發表於 17-1-6 11:47 |只看該作者

聽到好心痛, 不要太傷心, 小天使好快會再黎搵你地!
祝福你！好好養好身子呀!

私人傳訊

王面婆

禁止訪問

積分: 503

10^#

發表於 17-1-6 12:32 |只看該作者

提示: 作者被禁止或刪除內容自動屏蔽

私人傳訊

man1024

別墅

積分: 693

11^#

發表於 17-1-6 13:11 |只看該作者

正常保險應該冇包懷孕所產生既一切費用,
除非你另外有買

當時我既私家醫生建義我反去公立醫院做,
因為OVER 12 week 既終止懷孕程序都係一樣,
先塞藥等組織出黎,清唔晒醫生先會做刮宮.

而且未必塞一次藥組織就會出黎,
當時我塞左4次藥,around 12 hour 先出到.
所以私家醫生唔會中意接ED case.

我係東區醫院做,D姑娘同醫生都好好, 完全冇黑面等等,
而且好快可以安排到入院.

私人傳訊

Chocolateleung

大宅

積分: 1589

12^#

發表於 17-1-6 18:43 |只看該作者

回覆 maggieflfl 的帖子

睇到你個post 都唔開心，因為我都要等BB 照完結構先知有無問題，之前出過水痘有機會影響發育。T21 我剛做了要等結果，但做了Oscar 暫時無咩，希望一切平安。
我之前都小產，去左私家醫院做。塞藥每3 小時塞一次，最多塞5 粒。第二粒開始少少肚痛，第三粒我穿水、排血塊，第四粒開始無反應。醫生話唔係人人對藥物有效。最終入院第三天早上，醫生幫我做手術刮宮取出來，下午就走得。埋單2 萬幾，保險唔包所有關於懷孕費用。

你要堅強樂觀面對！好好調理好快再有！別人說小產後3-5 個月最易有！5 個月後我就再懷孕了！所以你要相信難關一定會過，之後就是晴天！加油！

私人傳訊

maggieflfl

洋房

積分: 39

13^#

發表於 17-1-11 11:42 |只看該作者

多謝大家的鼓勵，噚日入瑪嘉烈，塞左2次葯就開始發燒，所以佢地都冇再塞，凌晨就自己排出來了。今朝照完，醫生話啲胎盤仲有少少未排清。但先唔做手術，俾啲葯我食先。睇下可唔可以自己排出。不過如果食完又發燒今日就出唔到院，真係慘。有冇jm好似我咁食葯俾少少胎盤ga？

私人傳訊

luismama

大宅

積分: 1026

14^#

發表於 17-1-11 15:41 |只看該作者

樓主︰

好明白你嗰種心情，當初我去政府度頸皮時，度到2.8，姑娘話唔合格(威院指標好低，過2.4已經話你係唔合格)，唔係唐氏高危都係結構有問題，我當堂喊咗出嚟。後來感恩O既係做T21都事，不過一日未照結構，一日都唔敢放鬆心情。

我都係第一胎，仲要係等咗好耐捱咗好多苦先有O既第一胎。祝福你，小天使一定一定好快再回來。

私人傳訊

sanjoe

珍珠宮

積分: 48252

15^#

發表於 17-1-11 17:26 |只看該作者

養好身子再黎過

加油

私人傳訊

#EE_baby

複式洋房

積分: 294

16^#

發表於 17-1-12 00:53 |只看該作者

maggieflfl 發表於 17-1-5 22:33
原來好期待bb的出世，又係我地等一胎，但事與願違。
12週去政府醫院做初唐檢查，仲係覺得好平常，度頸皮2.3 ...

睇倒你嘅post 我都好心痛，眼淚都忍唔住流，因為都同你有一模一樣嘅經歷。。在政府做完Oscar，醫生已經即時見倒頸皮厚，聽倒之後個心已經好亂，當場喊咗出黎，當時醫生話安排抽絨毛球再check，但因為好擔心，所以即刻call 自己嘅私家醫生再睇。兩日後去私家再睇，醫生都話好大機會係唐氏BB，結果T21都唔做，就直接抽絨毛，在屋企日日以淚洗臉咗幾日，報告都確定係唐氏BB，自己真係好傷心，所以我真係好明白你而家嘅心情。。。我結果選擇咗在仁安做咗人工流產，個心好痛，足足喊咗一個月

但我想講比你知，你千其唔好灰心，傷心過後一定要從新出發，好好調理身體，要令自己嘅心情開朗返，一定要相信BB 會再次健健康康咁返黎你度架，因為佢知道你好掛住佢。。

而我自己人工流產之後3個月，我嘅小天使真係返咗黎我度，我同老公都非常興奮，而之後嘅Oscar ,T21和結構都通通過關，雖然之前嘅經歷令到我再次懷孕存在好多嘅擔心，但我對BB 好有信心，知道佢一定會健康。。我BB 下星期就出世了，所以我想在這裡鼓勵你唔好灰心，你嘅小天使都等緊你身體復原架，祝福你好快會有個健康嘅BB 。