在職全職

跳至

首頁
1

尾頁
   0


大宅

積分: 2929


發表於 08-12-12 14:41 |顯示全部帖子
對幼兒教育愈來愈有興趣,亦想多d時間陪自己既小朋友,所以好想試下轉行。有冇做緊既媽咪可以share下苦與樂, 同埋要讀d咩課程先可以入行?人工大概如何? 

我本身大學畢業,中英都算好,冇讀過任何幼師課程。

[ 本文章最後由 hanahaha 於 08-12-12 14:49 編輯 ]


別墅

積分: 748


發表於 08-12-13 15:57 |顯示全部帖子
如果你想多d時間陪小朋友, 我覺得你就唔好入幼兒教育呢行, 我有d朋友都做呢行, 佢地話都好多野做, 如果老闆(校長)好鍾意舉辦活動, 亦都要幫手做, 我d朋友有時都要將工作帶回家中做, 如果你做幼兒園可能仲遲收工, 因為通常幼兒園有延展服務, 有d幼兒園晚上8點先關門, 佢地會分更, 有些老師返工返早收早, 返遲收遲以方便返工既父母。要識彈琴, 唔需要好高級, 但起碼都識彈, 人工我就唔清楚。如唔做老師, 可做學校書記或文員, 雖然唔會直接教小朋友, 但有d學校可能要你入課室幫手, 書記人工約$8500, 文員約$6500, 但亦視乎學校能否比呢個人工價錢

其他做幼兒工作既媽媽分享吓, 唔知我d資料正唔正確


珍珠宮

積分: 30772

好媽媽勳章 醒目開學勳章 畀面勳章


發表於 08-12-14 01:56 |顯示全部帖子
如果要做就要去讀書,我忘了要讀幾多年,攞牌註冊,大約萬一起薪.頂點就二萬多d,過多兩年就所有老師都要有學位,先做得.
如果想多d陪小朋友就唔好做,實在太多嘢做,尤其是幼兒學校,個個都帶野返屋企做,晉升機會不多,最多做主任和校長.但一間學校得一個主任位,當年紀大時,又好難搵工,好難做到退休,你去第二間時,人地又可能俾番起薪點你.


別墅

積分: 748


發表於 08-12-15 01:20 |顯示全部帖子
原文章由 sukkiu 於 08-12-14 01:56 發表
如果要做就要去讀書,我忘了要讀幾多年,攞牌註冊,大約萬一起薪.頂點就二萬多d,過多兩年就所有老師都要有學位,先做得.
如果想多d陪小朋友就唔好做,實在太多嘢做,尤其是幼兒學校,個個都帶野返屋企做,晉升機會不多,最多 ...

書記同文員好做嗎? 我曾經都想做, 我現在做普通文員, 人工唔多, 而公司冇(錢)途, 好耐都冇加人工, 老闆成日都話市道唔好, 加一百都好啦, 都叫有調整, 而且我公司冇任何褔利, 只係得12個月人工, 有時我睇到書記或學校文員既人工仲高過我(哈哈! 都怪自己唔勤力讀書), 但又唔知好唔好做?


大宅

積分: 2929


發表於 08-12-15 09:37 |顯示全部帖子
多謝分享呀! 原來幼師都好多野做, 又成日要開OT, 真係辛苦!其實幼兒教育真係好重要, 小朋友好多價值觀都係幼年形成! 只係得萬幾二萬蚊點吸引到有熱誠同有資歷既人做?
原文章由 sukkiu 於 08-12-14 01:56 發表
如果要做就要去讀書,我忘了要讀幾多年,攞牌註冊,大約萬一起薪.頂點就二萬多d,過多兩年就所有老師都要有學位,先做得.
如果想多d陪小朋友就唔好做,實在太多嘢做,尤其是幼兒學校,個個都帶野返屋企做,晉升機會不多,最多 ...


珍珠宮

積分: 30772

好媽媽勳章 醒目開學勳章 畀面勳章


發表於 08-12-15 15:13 |顯示全部帖子
原文章由 小齊 於 08-12-15 01:20 發表

書記同文員好做嗎? 我曾經都想做, 我現在做普通文員, 人工唔多, 而公司冇(錢)途, 好耐都冇加人工, 老闆成日都話市道唔好, 加一百都好啦, 都叫有調整, 而且我公司冇任何褔利, 只係得12個月人工, 有時我睇到書記或學 ...

一間幼兒學校就一個文員,好唔好做,睇個校長錫唔錫你,我以前個校長會叫 亞二幫手做,亞二好唔服氣,話請文員唔知做mud


侯爵府

積分: 20828

睛靈勳章


發表於 08-12-17 12:49 |顯示全部帖子
做幼兒工作唔一定係教書, 補習, 教 playgroup 都可以架!


大宅

積分: 2929


發表於 08-12-17 14:40 |顯示全部帖子
其實我都有興趣教playgroup, 知唔知無經驗既人可點入行? 可以有d咩野course可以讀下?
原文章由 Meisuen 於 08-12-17 12:49 發表
做幼兒工作唔一定係教書, 補習, 教 playgroup 都可以架!


男爵府

積分: 8469

畀面勳章 貢獻勳章


發表於 08-12-22 23:31 |顯示全部帖子
原文章由 hanahaha 於 08-12-17 14:40 發表
其實我都有興趣教playgroup, 知唔知無經驗既人可點入行? 可以有d咩野course可以讀下?



我是現職幼師,告訴你,已有小朋友的,妳就不要入行
因你的時間不再是你自己的

我有的同工也在幼稚園教半日,自已組playgroup,基本上,教playgroup都不是玩玩下,家長會問你的問題,也要有專業知識去答,每個playgroup的活動在設計前,也要想想小朋友的年齡、能力、了解/觀察幼兒的喜好去做。

我想不是喜歡就可以做~入playgroup做協作,是一個普通妹妹仔也可做吧~~不過,你有興趣可試試,不過,錢太少
自己開group又要想想點搵學生

如你有美藝的專長,可做美藝方面的playgroup
如你有點音樂/樂理的底子,你可做音樂playgroup
如你有適體能的資格,playgroup可用適體能做賣點
如英文好好,我也不建議做英文playgroup老師,因香港人喜歡外國人教英文

如果,你入坊間的centre,由低做起是至基本,
不過,如有專業的資歷,家長會更信任你呀~~

我覺得,不如你幫人補習(小學/中學)

以上是個人意見
而幼稚園老師的工作範圍,我去yahoo copy來看看~


男爵府

積分: 8469

畀面勳章 貢獻勳章


發表於 08-12-22 23:43 |顯示全部帖子
copy~yahoo知識~~

--------------------------------------
有人問:
我剛開始在幼稚園教書,有朋友對這份工作也挺有興趣,但我現在又不太清楚,所以想看看你們能否幫個忙。
1)幼教是否比小學及中學輕鬆?
2)幼教辛苦嗎?有什麽辛苦事?
3)如果學校是跟政府新金表,一般幼教的起新點是多少?那最多又是多少?
4)加人工是不是遠遠比商業機構來得慢和少?一年才幾百塊或一千左右?
5)除了教學,到底學校會可能叫你做什麽?
6)假期是不是很多?是有新假期嗎?
7)平時學生放聖誕,新年,你們是否都要上學?要的話,做什麽?
8)我朋友沒有讀過QKT或CE,不過他大學畢業的了,現正在一些商業機構工作。他有機會轉行嗎?沒有那資格,能先做助教嗎?助教要有什麽資格?
這都是他問過我的問題,我不太確定,望你們若知道能告訴我。我該介紹他入行嗎?

有人答:
1.唔好以為幼稚園幼兒園工作量比小學中學輕鬆

事實岩岩相反, 樣樣都要負責做 , 每日返家都係做學校野 !!

隨時可以做到冇時間休息訓覺!!

2.返工時時刻刻都要睇實小朋友 , 驚有乜大小意外發生難以向學校及家長交代

放學後有一大埋每日評估 , 幼兒評量 , 教案 , 教具 , 教材 , 自己課室壁報 ,

學校其他範圍佈置要做 , 你話辛唔辛苦丫 !!

3.幸運入到政府都仲要睇下你做全日定係做半日喎 !!

現多數半日 $79xx 全日 $ 11xxx ,

可參考教協網 , 內有最低幾多人工 , 最高幾多人工

但入政府學校唔易 , 就算好彩比你冇乜經驗咁入到去做

仲要做全日有萬幾蚊人工

但都要你適應先得 , 好多新入職同工 , 做一個月已比學校留難 , 攪到自己離職

4.唔好同文職比較會好d

依家間間學校收生都收唔到學生

好多都隨時做多一兩年就唔做

你話當學校收生唔好時

會唔會加人工比你丫

凍薪已經命大

唔駛你減人工 ( 減幾百或一千就有可能 !!!! )

5.大把野比你做 , 睇你做乜學校

有錢學校可能做o既係教學上o既準備...

攪下活動..同d 家長傾下電話打好關係

冇乜錢o既學校

課室內o既所有野你都要做, 唔係只係教書咁少

教案 , 教材 , 教具 , 工作紙 , 改簿 , 剪手工 , 執美勞用品

做壁報 , 每個星期轉課室角落 , project , 參觀聯絡 , 出通告 / 便條

小朋友去廁所你都要睇實 , 幫手撕廁紙比女仔去小便

課室有小朋友倒瀉水 / 嬸嬸未到你要幫手疏散學生

如果嬸嬸要攪幼兒班 3 歲小朋友屎尿

隨時你自己抹埋

幫學校做完吊飾要爬到好高o既 v 字梯上吊

隨時企唔穩就係咁先

如果要彩色影印某d 文件 , 你家附近有得影 , 請你去影埋 !

唔知你覺得夠多未 .... 我未打完 , 但手都開始軟

6.7.唔一定多

學校有全日班時

老師要返學校當值

一般聖誕節新年長假...紅日唔駛返工...另當值三日左右

依家開始有好多學校冇學校假期

一年放十四日大假 , 除紅日外 , 每個長假放幾日...

幾個長假同暑假加埋總數係 14日咁多 !

學校叫你返去就實有野比你做

你課室未做好d 野都冇得比你做

你要做左學校準備比你o既野先

如 : 更新學校某d 角落佈置..吊飾..睇全日班等

8.請你朋友唔好諗呢行

大學生都要去讀學院先

讀完入行時 , 搵萬一二左右

比人點到暈都唔定

做乜都可能會比人挑剔...跟住話你冇經驗

呢行前景唔理想

年年簽約..所以隨時都冇工做

或者今年做全日萬幾蚊

出年屈你做半日七千蚊

你自己諗下咁o既情況你做唔做丫

做o既話...條氣唔順

唔做經驗唔多...得果兩三年...好多學校都揀餐死

會唔會揀你 , 請你做全日呢~

睇完我諗你都知道介唔介紹佢入職好啦 !

____________
我只能說 心酸 不只你和我 還包括..幼教人士的家庭
上面說的人很有道理 但還是要加上一項:
經常有自評啦~小組會議開會啦~還有出外交流團.(即晚上都不能回家那種)
另外還有 如果嬸嬸人手短缺..
很多時倒瀉水...倒瀉粉 都是老師自己拿地拖拖..和自己抹的
抹完一個 另一個又接著倒瀉...有些又大小便 (只有1-2個)助教就要
跟著帶他們去小便 回來後 再幫班主任剪美勞用具 或者繼續幫小朋友進行
分組活動等 還有機會被嬸嬸罵...「又唔知早d去廁所..又放學先去丫?」
有些小便忍不住 尿在地上幾次,嬸嬸又會話小朋友幾句
老師聽到又心酸,額外抽時間安慰小朋友心靈並且與嬸嬸進行輛導
小朋友是有自尊的,而且心靈會受傷 還沒計
當時要進行主題教學~~ 認真........唉。
還試過茶點時間沒茶點^^自己去廚房拿 ..幸好都算近
這是沒有辦法之中的辦法^^~

又有人在blog分享



我識彈琴...每逢各式表演我都要參與...如錄歌...跟小朋友練習.
我識電腦,每逢同事們不懂得怎樣入分、怎樣打字、怎樣upgrade...我都要幫忙
...
我識維修機器...每逢幼稚園的打印機、過膠機、影印機壞了...我都要打開來看看怎麼回事...又真的十次有八次我都能修復
...
我手定,校長認為我適合幫忙拍攝錄影...每逢學校大大小小活動...我都要做影相和攝影
...
我識剪片...每逢錄影過後,finalize和燒碟都要一腳踢
...
我記性好...每逢學校有新的意念或有教育人士推廣教育產品...我都要開會並分析當中好壞
...
我打字快...每逢校長趕出通告或趕功課...我都要在放學時間幫手打
...
我識普通話...每逢有操普通話的家長打來...校務處的人都叫我幫手聽
...
我說話沒有懶音...每逢學校大大小小表演或活動...我都要做司儀
...
我節奏感強...每逢學校有敲擊樂表演...我都要幫手跟小朋友練習
...

這些這些,還未曾說到真正教育小朋友的工作,課堂準備...改功課...寫教案...寫學習報告
(portfolio)...

我後悔自己把所有法寶公開,固然在學校會有較鞏固的地位,但工作就是忙過不停
...
所以我將會放棄這一行...我放棄讀ce
~
雖然可惜...但我的身體快將承受不住...精神開始緊張
...
常常覺得自己有很多事還未完成...迫自己不停思考...做事
...



就算我幾鐘意同小朋友相處,幾愛佢地都好

都會有對自己份工作感到厭倦既時候
但最可悲既係"厭倦"唔係對小朋友,而係學校/校長/政府既要求囉
其實而家市面睇落開始好渴市
間間都請人,間間都俾得出好好既人工
不過咁又點丫,學校付出左咁多其實就係要我地付出多100%既工作量
個個幼教又要讀書又要兼顧學校既要求真係好辛苦
外人見到我地有咁好人工就唔應該嗌辛苦
但佢地又有幾多個人會明丫
眼見同自己同期畢業既朋友有D都轉左行
雖然人工唔高,不過真係會做得開心
而家既幼教同以前好唔同喇
真係辛苦好多好多...
唔知自己幾時先可能好似樓主咁脫離哩個行業呢

有時真係會對住D paper work做到心都淡
反問自己其實做哩行係為左咩呢....



幼師,一定會將心比已,因大家在未來也有小朋友,也會讀幼稚園不過,也想家長將心比已





[ 本文章最後由 babycherry22 於 08-12-22 23:45 編輯 ]

首頁
1

尾頁

跳至