吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 上胎無奶, 今胎求教！

母乳餵哺今日: 0|主題: 85706

收藏本版

回覆發帖

返回列表

跳至頁

查看: 2854 | 回覆: 8

上胎無奶, 今胎求教！ [複製鏈接]

marah

別墅

積分: 626

1^#

發表於 17-1-16 23:29 |只看該作者 |倒序瀏覽 |打印

BB剛出生, 你哋通常隔幾耐要餵一次呢？
有啲人話一喊就餵, 然後搞到一個鐘餵一次，幾乎全日都餵緊奶！但.....係咪要咁先會有奶呢？

我就嚟生第二胎喇, 好緊張.....因為第一胎無奶......

(當時我情緒好差, 同埋係拖到近三個鐘先餵)

同埋, 上胎我第5日先上奶喎, 點解會咁耐？第6日石頭胸, 第7日先啫返少少奶出嚟！就咁阿B就食咗奶粉.

0 0 0

私人傳訊回覆引用

yyyy.mama

男爵府

積分: 6327

2^#

發表於 17-1-17 11:40 |只看該作者

marah 發表於 17-1-16 23:29
BB剛出生, 你哋通常隔幾耐要餵一次呢？
有啲人話一喊就餵, 然後搞到一個鐘餵一次，幾乎全日都餵緊奶！但... ...

初生B係要密密餵架, 最小都2個鐘餵一次, 一日8~10次, 所以坐月基本上係冇得訓...慢慢適應返D時間, 你可以隔耐少少(i.e. 3個鐘)先餵下一餐

我大b埋身+泵食到22個月, 頭2個月都係一喊就啜, 不過有時佢會當奶咀啜住訓, 但埋身就慳好多功夫, 唔洗洗泵洗樽, 出街拎條餵奶巾就得

細b唔識埋身, 全泵, 而家9個月仲餵緊, 因為用樽餵知佢食幾多, 頭1個月已經戒左夜奶(基本上我冇起過身泵夜奶, 可能我有經驗), 唔好處係出街好麻煩, 一係夾返食奶時間, 一係要拎好多野出街(冰袋, 奶泵, 熱水用黎座奶, 仲有枝奶)

人奶路初頭係難行架, 但呢度有好多人同你一齊行, 唔好放棄(當然都唔好俾自己咁大壓力)
一生完就埋身, keep住密密啜就會有奶, 如果bb唔係身邊, 就用手搾奶啦, 要搾到10ml以上先用奶泵(因為太少奶, d奶基本上痴哂係個泵既配件上面, 泵黎哂氣)...

加油~~

私人傳訊回覆引用

JpAurora

別墅

積分: 987

3^#

發表於 17-1-17 23:11 |只看該作者

回覆樓主:

最重要就带定個泵入院，一生完有時間就泵，泵得密就水奶，所以實夠奶，唔會冇，放心！

私人傳訊回覆引用

marah

別墅

積分: 626

4^#

發表於 17-1-17 23:50 |只看該作者

回覆 yyyy.mama 的帖子

我都希望自己做得到呀！多謝你呀！

私人傳訊回覆引用

marah

別墅

積分: 626

5^#

發表於 17-1-17 23:52 |只看該作者

回覆 JpAurora 的帖子

你覺得用泵好過手擠?我正諗緊帶唔帶泵…

私人傳訊回覆引用

Happybabyhbb

伯爵府

積分: 15987

6^#

發表於 17-1-18 10:15 |只看該作者

marah 發表於 17-1-16 23:29
BB剛出生, 你哋通常隔幾耐要餵一次呢？
有啲人話一喊就餵, 然後搞到一個鐘餵一次，幾乎全日都餵緊奶！但... ...

我第二胎陀住時飲好多湯，順產第二日已經有奶，一路都全埋身，一喊就食，到bb兩個月先久唔久飲pump出來嘅奶。

私人傳訊回覆引用

yyyy.mama

男爵府

積分: 6327

7^#

發表於 17-1-18 12:16 |只看該作者

marah 發表於 17-1-17 23:52
回覆 JpAurora 的帖子

你覺得用泵好過手擠?我正諗緊帶唔帶泵…

醫院有泵借架, 可以唔洗自己帶都OK
你如果未有奶(手擠少過10ML), 用泵既就會哂料, 因為D奶/抗體只會痴哂係個泵既配件上面(姑娘同我講)...

私人傳訊回覆引用

joetreemo

子爵府

積分: 14243

8^#

發表於 17-1-18 16:47 |只看該作者

本帖最後由 joetreemo 於 17-1-18 16:54 編輯

其實隔幾耐餵, 睇好多因素, 唔係單單用人奶, 奶粉去斷定.

我上胎唔知何來呢個心態, (可能因為痛,唔想埋身餵, 又唔想2餉鐘就泵一次),
見阿仔3個鐘就要食, 泵又唔係好夠, 於是就比奶粉, 點知都係3個鐘就食 !!! 我覺得中伏.

要睇胃口幾多, 鍾意食定鍾意瞓, 媽媽多唔多奶等等因素.

我覺得心態先係最緊要. 可能有左上胎的經驗, 知道坐月係無可能有覺好瞓既, 所以我今胎面對BB食得密, 我都處之泰然.
我覺得埋到身餵, 縱使阿B成日都食, 咪瞓上床, 攤係度任佢食. 真係成隻狗乸咁 <-- 其實係最多休息時間而且係唔洗怕無奶既. (當然要睇你屋企情況, 我就同BB搬左去外家, 完全唔洗做家務; 大仔就搵男家人湊, 一星期見兩三次)

我第一胎半人奶餵到15個月, 第2胎都要第5日先上奶. 由於一出世阿B就入兒科, 所以頭7日, 阿B都有飲奶粉既. 但係一返屋企就埋身餵, 最終我準備左果罐奶粉, 係丟左既. <-- 浪費, 但係都係開心事黎既. (飲奶粉又令到我阿B完全無黃疸問題, 唔洗返健康院覆診, 真係可以好好坐月)

入院我無帶泵, 因為第2胎真係12小時就出院. 而且未上奶係「唔受泵」. 泵會痛, 而且無奶出. 我覺得用手去按摩仲好. 而且好實好谷唔出奶, 我係腋下有兩粒波子. 我除左上身衫, 胸浸熱水, 之後去醫院比B啜下, 應該係阿B口水同nipple接觸到有化學反應, 之後返到屋企泵就有奶出喇. (當時已經係第6日了) 腋下果兩粒波子, 在阿B返屋企之後全埋身左2日, 就退去了.

加油啦! 只要你肯堅持都可以架, 我呢啲有少少天生缺憾既都做到全人奶, 雪櫃有成40餐儲備. 阿B係生長線75. 你都可以, 祝BB健康.