醫護健康今日: 0|主題: 7610

收藏本版

發帖

返回列表

跳至頁

查看: 13421 | 回覆: 2

前庭炎(長篇) [複製鏈接]

Tracywai1017

別墅

積分: 988

1^#

發表於 17-1-17 17:16 |只看該作者 |倒序瀏覽 |打印

我想同大家分享一下我既經歷，我由4年前開始一直徘徊在婦科醫生同泌尿科醫生，我最先係因為成日覺得小陰唇痛同痕所以去睇婦科，醫生只係開左藥膏比我搽同塞藥，好番之後冇幾耐開始尿頻、小陰唇痛同痕，我再去睇婦科..我問過個醫生..會唔會因為婦科病而導致尿頻? 個醫生答我唔會…個一次醫生都依然只係比藥膏我搽，之後同老公行埋既時候有時會痛，有時第2日就會尿道炎..個一年只係半年我已經發左5次尿道炎，而且抗生素只係得１隻口服係冇抗藥性，我家庭醫寫左封轉介信比我去睇泌尿科，個泌尿科醫生安排我入醫院作個詳細檢查，報告冇咩大問題只係成日尿道炎導致尿道壁有息肉，但係醫生話咩都唔洗做，等我滿心歡喜之制，試下行埋啦．結果依然係第二日都係會尿道炎。因為之前試過得多所以都係睇家庭醫生就算，由個陣開始我就對行埋好有陰影，好怕行埋，而且陰蒂開始會痛．．試過半年都冇行埋，男人始終有需要，佢開始埋怨，咁半年冇試過行埋所以冇試過尿道炎咁咪又試下囉，點知．．．又開始尿痛有尿血，呢次我睇左婦科，驗左小便種左菌．醫生話我陰蒂有紅腫所以比左藥膏我搽，種菌報告話我隻菌已經冇口服抗生素可以食要去醫院吊抗生素所以比左轉介信我去搵醫院，最終我去左仁安入院住左３日，吊針一共要吊７日．所以出左院之後都仲要每日番去醫院打針，我有問過泌尿科個醫生，我話我個陰蒂會痛，佢話可能係尿道炎所以影響到仲話如果吊晒針都仲係痛既佢就再轉介我去婦科．個次之後我個人已經好頹廢，機緣巧合下．我上網搵資料既時候無意中搵到台灣一個婦科醫生既blog．呢個醫生有研究前庭炎，原來前庭炎會影響尿頻，我留言比個醫生講晒我既病歷佢叫我搵支棉花棒係尿道口附近位置篤下自我測試下先，我發覺個Ｄ位係真係痛，所以我同老公商量左決定去睇呢個醫生，由於我有台灣朋友，所以朋友幫我book左時間，我過到去就有得睇，醫生首先幫我用超聲波睇下膀光先然後再叫我去小便，小完便再照多次，話睇下有冇積尿，我因為個陣時有尿道炎所以都積左唔小尿，咁醫生就插支管去尿道放尿，個下好痛但係放完小便個人係好舒服，我有同佢講我係香港睇左好幾個婦科同泌尿科都搞唔掂，佢話前庭其實係一個好細小既位置，可能香港醫生冇留意呢個咁細小既地方，開始檢查既時候．醫生用支棒放入陰道前後左右咁問我痛唔痛，我係痛到飛起，佢話我係前庭炎，所以幫我打左針，唔係１針，而係4針定5針，唔係打手腳，而係打陰道入面，走既時候比左一個月藥膏我同口服既尿道炎藥，埋單我怕好貴始終香港人去台灣睇都算係外國人收費，點知都只係2400新台幣，為番起都係6百蚊港紙倒，如果真係冇事就真係好抵。KEEP住一直有搽藥膏，尿頻情況好左好多，陰蒂痛都好番好多，中間經期既時候陰蒂都係會痛所以我打去台灣問醫生，佢怕我好快搽晒Ｄ藥膏，所以本來一日２次減到一日一次，依家都仲有搽緊，下個月再去台灣覆診，今時今日已經好番７成，早幾日連續３日有行埋都冇再尿道炎，如果各位絲打係香港睇極都唔好可以試下搵呢個婦科醫生，佢可能會幫到你。