吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› QE催生分享

懷孕前後今日: 0|主題: 330433

收藏本版

發帖

返回列表

跳至頁

查看: 8275 | 回覆: 15

QE催生分享 [複製鏈接]

lazywoman

大宅

積分: 1312

1^#

發表於 17-3-11 00:22 |只看該作者 |倒序瀏覽 |打印

本帖最後由 lazywoman 於 17-3-11 01:12 編輯

我bb而家5個幾月,想記錄低自己生產過程,得閒睇返回味呀！一直抽血都怕既我,原來都可以捱過終極一戰,生左個b仔出黎~
成個懷孕期間都叫舒服,冇嘔,食得訓得,係試過有d喉嚨痛同流鼻水,但休息兩三日都自然好返,係後期訓底起身腰痛,可能個肚比較重。。。

之前一直照聲波都知bb頭大兩三週,重量都算中大碼,醫生尾期已經叫我臨尾個月行多d,同埋唔好再食甜野,否則怕bb再大難生,但我都有d忍唔住口食左甜野。

一直都未緊張,去到前二放產假,就開始心急想快d黎料,日日期待作動,已經西瓜涼野食唔小都係冇反應,去到最後一次產檢,比左催生期,個期係40週6,期間依然日日想作動,但都冇發生。。咁只好等入院催生。。。。

0 0 0

私人傳訊

lazywoman

大宅

積分: 1312

2^#

發表於 17-3-11 00:39 |只看該作者

本帖最後由 lazywoman 於 17-3-11 01:13 編輯

入院當日,6點幾起身去食早餐,之後坐巴士去醫院,8點去到搞入院手續,入左去病房,老公唔入得,咁我叫佢返工先,有乜先打比佢,果時8點幾佢就去返工啦,咁我換宗衫就去床等check野,先係駁機聽心跳,聽完就等睇文件同簽同意書,再等醫生黎,果時仲好輕鬆。。。終於有醫生黎啦,佢問左兩句就話要check宮頸,我點知點樣喎,原來係隻手指一野伸入下面係咁撩,其實都痛架,仲係咁叫我放鬆,我自問做唔到放鬆,check完佢就問我今日同我催生好唔好,我話好,其實果時唔係好明塞藥同催生兩者既關係,總之你話叫我今日生就生啦,果時9點幾,我問佢係咪今日會生到,佢話而家先9點幾,應該今日會生到,之後姑娘就同我抽血同種豆,果下開始驚啦,問姑娘係咪而家叫老公黎,佢話陣間會比時間我打比老公,不過我都叫佢可以準備坐巴士黎,唔洗咁趕..好快佢就黎到,早知唔好叫佢返工。。。

私人傳訊

lazywoman

大宅

積分: 1312

3^#

發表於 17-3-11 00:55 |只看該作者

本帖最後由 lazywoman 於 17-3-11 01:21 編輯

之後一直等,期間食左舊蛋糕同飲水,好彩食d野,因為之後果11個鐘冇得食野飲水！！等埋另一位媽媽,可以行去產房了, 去到有個姑娘叫我換衫,要快,因為佢地好忙,唔容許你慢動作,果時11點左右,又係等,駁機聽心跳,check宮頸,佢叫我老公出去食飯先,唔係陣間有排等。。咁check完就開始吊藥,果時大約11.45am,因為唔比開電話,所以冇乜記錄,全部都係憑記憶諗返出黎。。。

吊藥後姑娘間中會黎睇下,而我就只可以係床,乜都唔做得,期間check過幾次宮頸,要平訓,唔比側訓,所以過程都幾唔舒服,吊藥後一直冇乜感覺,直到下午兩點幾開始有d痛,聞下笑氣咁,我係咁吸,但吸唔到有氣,仲比姑娘罵我亂咁吸唔岩,我堅持話吸唔到,佢地check下原來支野冇晒要換！！！！咁之後一直都係痛下咁, 慢慢越黎越痛,但次次check都係開得唔多,冇印象姑娘話開到幾度,總之係小啦,後尾頂唔順用左止痛針,其實唔知有冇止痛。。期間仲插支野係下面放尿,好得人驚。。。。全程十分口乾,靠口水過活。。。到8點幾,其實已經好痛,感覺就係好肚想柯屎,但係條街找唔到廁所唔柯得果種痛苦.....果時8點半左右醫生黎check,叫我痛就柯。。。。。

私人傳訊

lazywoman

大宅

積分: 1312

4^#

發表於 17-3-11 01:10 |只看該作者

本帖最後由 lazywoman 於 17-3-11 01:20 編輯

無奈我真係好冇用,又唔識用力,柯左好多次都柯唔到,果時應該係開到9度試生,但唔成功醫生叫停唔比再柯,又等。。。好辛苦好想柯,但唔比,等到9點半應該開到10度,醫生叫我快d柯,得一粒鐘,柯唔到就要用其他方法,我真係冇乜意志,柯左一粒鐘都柯唔出,好冇用好想喊, 好啦,10點半都柯唔到,醫生叫停,成班人入黎,順便趕左我老公出去,嚇死佢。。。醫生話要吸出黎,佢話會危險,只有三次機會,唉,我真係好冇用,吸左兩次都柯唔出, 我果下就發顛,怕bb有危險,佢地同我推肚,終於第三次吸到bb出黎。。。佢地整理左一陣就抱bb黎問我係男定女,之後就叫我老公入黎。。。

唔記得幾時剪左,feel到的,但冇乜感覺,之後就聯針,都係feel到但冇乜感覺。。搞掂就抱bb比我地影相啦。。。我果下即時請姑娘比杯水我飲。。。

一直抽血都驚既我,原來都可以順產生個4.02kg既仔出黎,覺得好難以相信！！

多謝收睇

私人傳訊

j_sweet

大宅

積分: 2217

認識瑞士牛牛第一回

5^#

發表於 17-3-11 01:17 |只看該作者

恭喜哂同謝謝分享

私人傳訊

Tomyumyum

別墅

積分: 979

6^#

發表於 17-3-11 03:50 |只看該作者

恭喜曬! 你同阿b都好叻! 生b真係唔容易，祝bb身體健康!

私人傳訊

fabsum

大宅

積分: 1998

7^#

發表於 17-3-11 19:26 |只看該作者

恭喜唒! 我都係QE 摧生, 你的經歷,流程差不多和我一樣,只是我冇吸到就生左出來

個種痛真係好難忘,感恩BB出世健康

私人傳訊

fandy121

洋房

積分: 99

8^#

發表於 17-3-11 19:38 |只看該作者

好叻啊媽咪你！！你講得好似好輕鬆不過我相信你個日應該勁難捱(emoji)(emoji)(emoji)(emoji)(emoji)(emoji)
我依家35周都係QE生，依家望一切順利ja！！！

私人傳訊

cometingliu

男爵府

積分: 6723

9^#

發表於 17-3-11 20:44 |只看該作者

恭喜晒！原來吸出黎得3次機會！係咪吸就唔駛用力？有咩感覺架？好恐怖喎3次都唔得即係點？第一次睇催生分享，我好好彩起催生前一日見紅，催生當日朝早生左

私人傳訊

lazywoman

大宅

積分: 1312

10^#

發表於 17-3-11 23:24 |只看該作者

fabsum 發表於 17-3-11 19:26
恭喜唒! 我都係QE 摧生, 你的經歷,流程差不多和我一樣,只是我冇吸到就生左出來

個種痛真係好難忘,感恩BB出 ...

你幾時生架？？

呀,忘記了,仲有入左產房後人工穿水,感覺又係好唔舒服~

私人傳訊

lazywoman

大宅

積分: 1312

11^#

發表於 17-3-11 23:29 |只看該作者

fandy121 發表於 17-3-11 19:38
好叻啊媽咪你！！你講得好似好輕鬆不過我相信你個日應該勁難捱(emoji)(emoji)(emoji)(emoji)(emoji)(emoji) ...

加油呀,我係入院前一晚先開始緊張,醫生話果日生果下我就驚到想喊。我係第一胎。我咁怕痛都捱過去,你都一樣會做得到,加油^^

私人傳訊

lazywoman

大宅

積分: 1312

12^#

發表於 17-3-11 23:40 |只看該作者

cometingliu 發表於 17-3-11 20:44
恭喜晒！原來吸出黎得3次機會！係咪吸就唔駛用力？有咩感覺架？好恐怖喎3次都唔得即係點？第一次睇催生分享 ...

其實我都唔知有冇聽錯醫生話得三次機會,因為果下已經超口乾,又肚餓,對腳撐到發晒軟蹄,個人根本冇晒意志,好想佢一野推我入手術室。。。吸要用力,佢係塞左舊銀色野係下面,應該侒我用力時bb個頭出左小小,舊野吸住bb個頭幫我合力整佢出黎,唔知有冇眼花,我見到舊野直徑大約係可樂罐咁上下,因為果時個人已經蒙蒙地。。。