其實H plan應該同以上的都沒有直接既關係，H既高低取決於銀行借貸既態度、美金的強弱、投資者既態度、政府的貨幣政策。簡單D講如果好多人都想借錢投資，而大部份銀行又肯借的話，就會令銀行體系結餘少咗錢，因供求因數而令H會好高，情況就好似2007年咁，雖然P無咩點加不過股市暢旺令H長期高企。相反好似而家咁，雖然有好多人想借錢，但銀行唔肯借而令銀行體系結餘水浸，所以H會好低。
其實我大約以2006年1月至2008年4月這個時期的H計和P計劃比較過﹝當時的H計劃係H+0.3%─cap是細P-3.25%，而P計劃係細P-2.9%；細P既range由7.5%-5.25%﹞，結果發現H計劃比P計劃平21點子﹝即0.21%﹞；如果H計劃係H+0.45%─cap是細P-3.25%；P計劃係細P-2.9%，咁H計劃仍然比P計劃平10點子﹝即0.1%﹞。但要注意我係以每日既11點公佈的1個月拆息去計，但有D銀行係會同業主定死一日既拆息計算的，而這個拆息可以係唔同期數，例如一個月或3個月，因此計出的結果會有分別的。
還有我發現H如果遲續高或低，P係會過一排就反影返出來，即係話，P雖然有少少delay，但仍都算係同H同步的。
總括來說H計劃底唔底要視乎H加幾多。其實銀行係計過哂數，長期來講，可能H plan 和 P plan的差別並不大。但如果以我test 既年期去計算，H會比P平。
發表於 
返回列表
