吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 咁的情況好吾好接返bb自己湊

在職全職今日: 0|主題: 48002

收藏本版

發帖

返回列表

跳至頁

查看: 4419 | 回覆: 16

[全職媽媽] 咁的情況好吾好接返bb自己湊 [複製鏈接]

mif_fy

複式洋房

積分: 382

1^#

發表於 17-6-29 17:58 |只看該作者 |倒序瀏覽 |打印

bb出世到而家十個月都係畀婆婆湊，但因為我有一個哥哥，佢都有一對仔女(四歲同六歲)，所以婆婆加埋湊我個女係一湊三，其實我好感激我媽媽咁辛苦湊我個女，不過一湊三始終都有以下問題

1. 有時睇我個女冇辦法睇得咁緊，有時都會疏忽，例如亂擺嘢入口肚屙，玩嘅時候唔可能睇實佢，會撞到個頭等，但礙於畀婆婆湊，人哋係幫你，就算心痛個女都唔能夠點出聲

2. 婆婆學識唔多，生理需要都叫還可以照顧到個女，但個女越嚟越大，需要嘅唔止係生理上，心靈上做人道理，價值觀，管教方面，婆婆都未必能夠完全勝任，而且佢一湊三好忙，都唔好期望佢會時時刻刻觀察到個女嘅行為，即時糾正個女做得唔啱嘅嘢，或者同個女有好多心靈上嘅教導，亦唔能夠要求婆婆完全用自己個套去教個女，但其實我好重視個女嘅德育教導，覺得由細就要開始教佢

3. 我哥哥湊仔女嘅方法比較隨性，例如仔女鐘意玩手機，成日食零食，睇電視，呢啲都係我唔係好鍾意嘅，但個女日對夜對，始終都會好易學咗佢哋唔好嘅嘢，而且日對夜對都好難糾正番

4. 雖然其他兩個小朋友都係我嘅家人，但始終係哥哥嘅小朋友，係第二個家庭，我好難要求哥哥嘅小朋友跟埋我嗰套，在婆婆屋企只用我套方法去湊小朋友，根本冇可能實行到

其實三個小朋友係一齊都唔係完全冇好處，例如我個女學識群體生活，有人陪佢玩冇咁悶，但認真考慮，我仍然覺得壞處係多過好處，而且到時2歲返n班，有同學都可以學習群體生活，所以我個人覺得喺咁嘅情況係偏向想自己湊番，各位姊妹其實覺得我係咪自己湊返好啲？

其實老公份工收入都負擔到，我要做全職媽媽係ok嘅

如果真係做全職媽媽，仲有一個問題，就係我想從小教導個女道德觀念，其實咩時間自己接返嚟湊最好？因為我而家係在職媽媽，如果只係生理需要，婆婆係算應付到，我都想賺多幾個月錢先，到佢真係明白我教佢嘅嘢，我先想接返嚟自己教，咁其實即係應該幾大自己湊番呢？

希望大家解答我嘅問題，有乜嘢我忽略咗嘅都可以提出，謝謝

0 0 0

私人傳訊

Alicefong

洋房

積分: 50

2^#

發表於 17-6-29 18:50 |只看該作者

個人認為越早接返手湊會係最好，其實我覺得細細個已明白你講咩！
我都係全識媽媽，由出世到宜家都係自己教，就算婆婆喺度幫我手，婆婆都係跟我做法去做，暫時到宜家我都覺得阿b唔太扭計！
如果一人搵錢都負擔到，就襯細個自己教，返幼稚園再諗返工嘅嘢！

私人傳訊

小小飯團

別墅

積分: 552

3^#

發表於 17-6-29 20:43 |只看該作者

越细越好，呀仔8個月已知咩野唔做得，所以BB時開始教，佢地可以跟住你教嗰套

我覺得同其他小朋友相處係好事，但如果大嗰D唔乖，细跟住学就要有適當引導，而婆婆年纪大，睇住3個已经頭都大，相信好難分身去教，而樓主既然可以做ftm, 一定係对小朋友最好，只要平衡到金錢就可以

私人傳訊

Christinamama

別墅

積分: 706

4^#

發表於 17-7-3 15:37 |只看該作者

回覆樓主：

本帖最後由 Christinamama 於 17-7-3 15:38 編輯

如果有能力當然自己湊番比較好小朋友吸收能力好快一歲打後已經識得邊個好蝦邊個會鬧佢你做乜佢做乜！加上我深信將來孩子係好係壞都唔會怨人因為係自己一手一腳湊大既

私人傳訊

bosch

瑪瑙宮

積分: 128504

2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

5^#

發表於 17-7-3 16:19 |只看該作者

回覆樓主：

本帖最後由 bosch 於 17-7-3 16:47 編輯

你已經有咁多野睇唔過眼，你老公唔反對咪自己湊番，至多多d 上婆婆屋企，咁三老表咪又可以成日玩。自己湊係有d 唔同。

或你搵錢後小朋友去搵其他人湊。

行為道德果d，我唔敢講ftm 既細路真係好，或特別乖，d 細路仔末返學時一定係乖d，但一返學後幾日就開始學左人地d 衰野返屋企講同做。

我三個仔女係遲入學，佢地d 言行有乜唔啱我可以督住佢地，佢地亦唔敢太放肆，不過有時佢地好似較易俾人烚，好聽d 咪叫斯文d 定性d，當然亦同每個家庭教法唔同同小朋友性格有關。到將來小朋友再大d，朋輩影響會一定大過我地，到時可能教都冇用... 我個point 係唔好太神化ftm既小朋友。

私人傳訊

已刪除用戶

已刪除用户

積分: 24878

6^#

發表於 17-7-3 16:47 |只看該作者

回覆樓主:

提示: 作者被禁止或刪除內容自動屏蔽

私人傳訊

mandy952

琥珀宮

積分: 169042

7^#

發表於 17-7-6 17:17 |只看該作者

mif_fy 發表於 17-6-29 17:58
bb出世到而家十個月都係畀婆婆湊，但因為我有一個哥哥，佢都有一對仔女(四歲同六歲)，所以婆婆加埋湊我個女 ...

第二點都係我做ftm嘅其中一個原因，冇可能要求老人家去教，佢地做到照顧嗰part已經好好，而家一得閒就帶阿仔去圖書館，唔好睇書呢part,鍾意睇書連帶小學時中文常識科都唔使理，自己湊一定好好多

私人傳訊

8MEI

大宅

積分: 2235

8^#

發表於 17-7-8 16:29 |只看該作者

mif_fy 發表於 17-6-29 17:58
bb出世到而家十個月都係畀婆婆湊，但因為我有一個哥哥，佢都有一對仔女(四歲同六歲)，所以婆婆加埋湊我個女 ...

首先我覺得你媽好勁，可以一打三，真是超辛苦！許可就盡快自己湊番，重點不是點教你個女，而是第一重要是親子，親密關係建立！你同女關係好，佢先會跟你，聽你講同教！時間不等人，建立親密關係，頭三年是最重要，唔好以為佢係BB唔知！其實已儲存在佢個心同惱入面！到你全時間對住BB，就知好多野唔係咁容易！好多野要適應，同面對自己好多既情緒！不過邊學邊做！又有媽媽支援，一定可以做到！

私人傳訊

艾森

子爵府

積分: 11164

9^#

發表於 17-7-11 21:46 |只看該作者

你媽媽真偉大！湊大仔女到依加咁大年紀都一湊三！真心好好好佩服！

做ftm都無可能避免bb亂放野入口肚痾，bb口腔期靠放野入口黎認識，有病菌/病毒食左落肚肚瀉係人體自然保護反應，肚瀉係將「唔好既野」排出身體，排晒自然就無事。再講人成長遇到病菌/病毒係無可避免既事，而且可以從中提升免疫能力。

玩既時候睇唔實撞親頭....就算ftm睇到實，bb都會撞親，bb周圍爬又學緊企，第時學行跌/撞得仲甘。仲有ftm全職湊b都要去廁所、煮飯、食飯、做家務.....

最後，老公收入應付到唔等於一定支持你做ftm，做ftm最緊要係老公100%支持同明白ftm唔係響屋企歎世界，要老公支持同明白先好做ftm

私人傳訊

athena.m0403

複式洋房

積分: 225

10^#

發表於 17-7-12 10:43 |只看該作者

我覺得早D自己湊番, 因為感情要培養, 等再大D佢可能唔跟你或者冇咁close

私人傳訊

LuckyBBB

男爵府

積分: 8524

11^#

發表於 17-7-13 01:09 |只看該作者

回覆樓主:

簡單 d 講
一歲開始有意識
到一歲半已經好明白大人講既野
兩歲就已經識回應有自己主見，好難再改變

我覺得最遲要一歲半或18個月前就好自己揍番，否則有排改

私人傳訊

pakhop

珍珠宮

積分: 33785

2018復活節勳章

12^#

發表於 17-7-15 23:17 |只看該作者

回覆樓主

而家好自己湊啦！

私人傳訊

morning_ning

大宅

積分: 1916

笑得好勳章開心吸收勳章美好大世界2017勳章育兒性格勳章

13^#

發表於 17-7-15 23:38 |只看該作者

回覆樓主:

既然見到咁多問題，自己又覺得呢啲問題不能忽視，而老公又負擔得到...乜仲要諗咩？

私人傳訊

gee12

複式洋房

積分: 264

14^#

發表於 17-7-17 02:18 |只看該作者

回覆樓主

三歲定八十，照顧者係小朋友既模仿對象，總之小朋友身邊既人點，佢就學成點。我都係因為類似問題，所以一開始就做ftm。

私人傳訊

Ashley.coming

複式洋房

積分: 488

15^#

發表於 17-7-23 13:05 |只看該作者

回覆樓主

其實照你咁講冇話要幾時，如果許可由細個開始就更加好架拉，不過視乎你自己個心係咪真係捨得放棄工作做全職媽媽

私人傳訊

雞寶媽媽

複式洋房

積分: 303

16^#

發表於 17-7-26 09:40 |只看該作者

本帖最後由雞寶媽媽於 17-7-26 09:45 編輯

既然你自己咁有要求，老公又付擔得起，唔洗問人啦，一定自己湊返，立即湊返唔好再等，又唔洗婆婆咁辛苦，你又可以按自己要求教佢。

比人湊一定要接受到人地果套，講真你好高要求喎，你希望婆婆玩又要睇得緊，放野入口又擔心，撞親又心痛，又睇唔過眼呀哥仔女玩手機食零食，仲想婆婆教到佢道理，價值觀等九百幾樣野，你絕對要自己湊，婆婆咁辛苦一湊三真係無可能淨係望實你個BB，樓主都幾自私全部野諗自己，有無睇諒過自己媽媽?