母乳餵哺今日: 0|主題: 85706

收藏本版

回覆發帖

返回列表

跳至頁

查看: 3039 | 回覆: 1

Help!（bb 23日大）埋身餵 & 泵奶問題 [複製鏈接]

Ccccmmmm

洋房

積分: 68

1^#

發表於 17-8-5 17:20 |只看該作者 |倒序瀏覽 |打印

今日bb 23日人仔。出世到而家都係全人奶。埋身餵。一出世係醫院就3個鐘餵一次。出左院之後通常都係兩個幾鍾唔到3個鐘就喊扭計食晒手指肚餓要餵啦。呢兩日開始直程一個半鐘就叫肚餓啦。等多陣都唔得就爆喊。但比佢啜佢又啜15分鐘就停唔肯再食啦。佢時間食得咁短咁緊係好快肚餓啦。佢大小便都好多成日都要換片。所以我相信埋身餵係夠佢食既。
點先可以令個時間拉長返兩至三個鐘呢？
因為朝早一個半鐘餵一次真係人都癲。其實我都密密餵佢。不過晚上有時可能眼睏所以都冇咁密。試過訓左成4個鐘都未叫食奶。但係佢初生bb我就叫醒佢食奶。

同埋我九月中就要返工啦。所以打算早少少睇下儲唔儲到奶啦。但唔知點解泵得好少好少。30分鐘左右加埋50ml。健康院姑娘叫我一邊比佢啜同時另一邊泵。咁會多奶d。但我試左幾次都係得好少。我泵左3次夾埋得100ml。好氣餒呀。上網睇好多初生媽媽一次都有4 5 安咁多。人地話比bb 密密啜就會多奶d。咁我而家個半兩個鐘比佢啜已經好密架啦咁點解仲係泵得咁少。
係咪個奶泵問題？
滿左月我會唔會多奶d?上網睇好多媽媽都係返工前兩星期先開始儲奶。其實係咪我太早儲所以咁少奶？

其實我都唔想放棄餵人奶。所以我都好希望自己可以儲到奶第時返工果時可以比佢食。