在呢個forum常常見到一d媽咪說他們嘅人奶bb堅拒用奶樽,如果對於全職又只有一個bb的媽咪,這個問題未必太大,但我已有一個有仔仔又係在職媽咪,我囡囡唔肯用奶樽著實令我好苦惱
囡囡而家已經差不多18個月大, 佢出世時已經可以吸啜人奶,雖然由最初開始餵人奶都唔係一路順利但未到一個月,我已經可以全人奶餵囡囡,當一切已經好好嘅時候,媽咪要準備返工
我於返工前一個月開始訓練囡囡同儲奶,囡囡非常不合作,只要個奶樽一放近,佢就大喊,最初我日頭將囡囡俾我媽湊,我媽住我樓上,囡囡唔肯食奶嘅喊聲,我好清楚聽到,果時真係好心痛,好想上去餵佢,但我知道咁樣只係辜息,只會令囡囡更唔肯食樽
返工嘅日子一日一日逼近,但囡囡依然好固執,佢寧願喊到攰之後去瞓都唔肯張開口,每日都係等我黃昏時份去接返佢果時狼吞虎宴,而且明明戒咗夜奶,可能因為要保番日頭食唔足,佢又再要食夜奶,有時一次有時兩次,這種種令媽咪真係好苦惱
好彩婆婆有耐性,佢同我講叫我唔駛太擔心,bb的適應能力好強,只耍佢明白奶樽係唯一選擇時,佢肚餓就會食
到返工之後,最得人驚嘅紀錄係由我返工到放工,囡囡只係食咗兩安奶,係呀,冇錯,係兩安!!!! 但日子就係喺呢d又擔心又氣餒嘅情況下不知不覺咁過去,囡囡慢慢適應用奶樽,雖然佢始終喜歡埋身餵,但最後都接受用奶樽,媽咪仲成功全人奶1年,而家一早一晚埋身,加媽咪返工時泵嘅幾安奶,再補牛奶,囡囡都叫做ok健康,喺中間訓練佢食樽果幾個月,囡囡試過一個月只係重幾安士
各位媽咪,如果你都有唔肯食樽嘅bb,千萬唔好氣餒,首先你應該慶幸,你嘅bb識揀好嘢(媽媽奶梗係好d啦!),另外唔好放棄餵人奶,以下係我少少經驗,希望對大家有幫助: -
1)要搵一個有耐性嘅人幫你湊bb,我好彩我媽好錫我囡囡,佢唔介意一餐奶分兩三次餵
2)最初要搵其他人用樽餵bb,你自己最好唔好俾bb見到你,如果佢見到你一定唔食,我自己直情出街或者落樓下
3)試用唔同嘅奶樽奶咀,肥樽同較軟嘅奶咀bb會容易受落,我都試用過3隻唔同嘅樽同咀
4)餵樽時試吓放音樂,同bb傾吓計,安定bb嘅情緒
5)俾多d時間,今日唔得明日再試,bb終有一日會學識
6)可以試用匙餵或杯仔餵,但我個囡就只係肯飲少少
曾經有兩個daycare owners同我講,如果佢有客人嘅bb係咁,佢地會要求客人同bb戒咗人奶先肯同佢湊,我當然唔會睬佢地,點可以因為自己方便而犠牲bb,bb已經因為見唔到媽咪而不安,仲要唔俾佢食媽媽奶?
花旗太太生活在花旗國，留意時差，你問我未必即時答到。
發表於 
返回列表
