吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 我99係生番

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1321 | 回覆: 9

[2009年] 我99係生番 [複製鏈接]

tuenyima

大宅

積分: 3713

1^#

發表於 09-2-12 14:41 |只看該作者 |倒序瀏覽 |打印

我99黎幫我坐月攪到幾乎產後抑鬱.

因我媽咪好早唔o係度, 第一胎時冇人幫手, 好甘, 冇得休息又冇乜食過D補野,攪到身體好差. 所以今胎本來我想請陪月, 但咁o岩踏正農曆新年, 好難請到人, 有d又一早俾人book咗, 所以老公就叫99來幫手.

99就好似俾咗好大恩惠咁, 但其實佢咩都冇做, 淨係煮野食, 我賓賓湊B湊到冇覺好瞓, 仲要做晒全屋家務, 仲要湊我大女, 俗D講, 真係痾屎都唔得閒, 99就成日攤係度, 仲有, 佢係完全唔識湊B的, 唔識開奶餵奶, 唔識換片, 唔識幫BB沖涼, 就連抱BB都唔係幾掂.

至於整野食, 就話我開刀咩都唔食得, 產後兩星期都冇煲過湯水, 後來我開聲佢先煲. 佢又竟然煎午餐肉, 開罐茄汁豆, 再煎隻蛋俾我就一餐. 我叫老公同佢講, 佢就玩野, 煮一大煲豬腳或者雞(真係好大煲), 然後由得我食三、四日, 邊有人坐月食罐頭同隔夜送?

有日我老公都在場, 99問我想飲咩湯, 我想多D奶水, 就話飲木瓜花生湯, 佢問:"食得咩?" 我話食得, 好多產婦生完都飲這個湯, 可以多D奶水. 點知佢竟然講粗口話:"你話得就得啦, 乜七你都食!" 我即刻呆咗, 唔知俾咩反應佢.

老公同99講叫佢有時可以幫吓工人洗幾隻碗或洗吓奶樽咁, 點知俾我發現, 佢洗D野係勁唔乾淨, 碗碟洗完仲有飯菜痴住, 奶樽洗完仲有一撻奶粉痴係度, 連奶咀都有, 咁我就唔敢再俾佢洗奶樽.

仲有, 唔知係老人痴呆定係乜, 成日講完D野又話自己冇講過, 我俾佢"陰"咗好多次. 總之就同佢溝通唔到. 所以出咗院返屋企之後幾日, 我就成日喊, 一路諗就一路覺得自己好慘, 咁辛苦陀BB十個月, 又咁辛苦生咗BB出黎, 坐月要食午餐肉......卒之有日頂唔順, 就SMS我老公(佢返緊工), 講佢亞媽D野, 我仲話如果呢個月坐得我唔開心, 我就返香港坐埋另外果半個月(因為我住係外國)! 嚇到我老公提早收工返黎.

[ 本帖最後由 tuenyima 於 09-2-12 14:42 編輯 ]

0 0 0

[img align=left]http://onfinite.com/libraries/487250/185.jpg[/img]

我愛小端宜 :-D

私人傳訊

tuenyima

大宅

積分: 3713

2^#

發表於 09-2-12 14:52 |只看該作者

仲有, 好討厭我99同老公個大哥, 成日係D細路面前食煙講粗口. 佢大哥可以一隻手抱住自己個女(一歲左右), 另一隻手擔住支煙一路食.

我好怕我大女見到佢地, 一來怕煙味, 二來怕學咗佢地爆粗.

因為佢大哥口頭禪係"X你媽", 咁大哥個仔(三歲)又學咗, 成日講"X你媽", 有日仲對住大哥講(我心諗抵你死, 成日係個仔面前講, 依家俾個仔用呢句野話番你自己), 當時我99就o係大哥隔離, 佢聽到個孫咁講竟然一D嬲都冇, 又冇教個孫唔好講, 相反, 佢竟然笑騎騎咁問個孫:"係咩? X亞女麻? 你夠唔夠力呀?"

你話佢地係咪生番?

好彩今個星期六我個仔就滿月, 99就會走, 如果唔係人都癲!!!!!

[ 本帖最後由 tuenyima 於 09-2-12 14:59 編輯 ]

[img align=left]http://onfinite.com/libraries/487250/185.jpg[/img]

我愛小端宜 :-D

私人傳訊

TobyChung

大宅

積分: 4057

畀面勳章

3^#

發表於 09-2-12 16:24 |只看該作者

送一個字比妳奶奶 - 堅

妳個B千祈唔好近佢咁多, 唔好大教壞細~~

私人傳訊

榛子果仁

別墅

積分: 643

4^#

發表於 09-2-12 17:01 |只看該作者

tuenyimama,

登你慘, 看到你的故事, 才知道我的是不外如是.

幸好你奶奶坐完月後就離開, 咁你就有機會回氣, 不用那麼屈住屈住. 你不如叫你老公煲湯俾你飲. 你可以試下買個高速煲, 我屋企用, 都係半個鐘至8個字煲好湯架啦. (但我無煲過上奶的湯水, 唔知d花生會唔會唔夠諗)

你住新加坡邊度呀. 以前我來過新加坡ttsh(醫院)實習個半月架, 個陣住novena(唔記得係咪咁串囉). 諗起那時, 實習完就去行街去玩, 去文東記食海南雞. 真係好開心.

不快的日子很快過去, 你有大女同細女陪你, 乜都開心番.
會為你祈禱!

私人傳訊

tuenyima

大宅

積分: 3713

5^#

發表於 09-2-12 17:22 |只看該作者

好彩之前有朋友過黎, 我託佢地買咗盒廿八方, 所以十二朝之後日日都叫做有湯水飲(因為開刀所以要十二朝之後先開始飲), 唔駛旨意個老虔婆

[img align=left]http://onfinite.com/libraries/487250/185.jpg[/img]

我愛小端宜 :-D

私人傳訊

tuenyima

大宅

積分: 3713

6^#

發表於 09-2-12 17:29 |只看該作者

原帖由 榛子果仁 於 09-2-12 17:01 發表
tuenyimama,

登你慘, 看到你的故事, 才知道我的是不外如是.

幸好你奶奶坐完月後就離開, 咁你就有機會回氣, 不用那麼屈住屈住. 你不如叫你老公煲湯俾你飲. 你可以試下買個高速煲, 我屋企用, 都係半個鐘至8個字煲 ...

多謝你呀! 我住新加坡bukit batok, 不過我依家o係馬來西亞, 因為其實我先生係馬來西亞華僑, 係新加坡做野, 後來因為bb國籍問題, 唔想咁複雜, 所以我o係馬來西亞生BB同坐月. Novena好多好野食o架! 不過我住新加坡咁耐, 食海南雞食到怕, 已經好耐冇食過喇, 反而好排住香港的美食.

[img align=left]http://onfinite.com/libraries/487250/185.jpg[/img]

我愛小端宜 :-D

私人傳訊

tuenyima

大宅

積分: 3713

7^#

發表於 09-2-12 17:32 |只看該作者

我都唔明點解99會咁樣, 其實我之前同佢冇乜野, 雖然係冇兩句, 但亦冇唔妥, 絕對係相敬如賓果隻, 我唔知佢為乜會咁對我.

[img align=left]http://onfinite.com/libraries/487250/185.jpg[/img]

我愛小端宜 :-D

私人傳訊

cceeccee

別墅

積分: 765

8^#

發表於 09-2-14 08:05 |只看該作者

我都想呻下, 99成日質疑我凑得好唔好, 一個問題問幾十次, eg. bb嘔奶 - 係咪成日都係咁?一日幾多次?有冇冷襯?重複問幾日.
又成日問屋企果D咩嘢黎, eg 我支Oliver oil 肚紋用的, 我媽煲比我的湯, 比大仔食嘅餸....等等.........
唉你咁唔放心, 不如你凑啦.

ccee

私人傳訊

skywalker2007

大宅

積分: 1041

9^#

發表於 09-2-16 11:41 |只看該作者

唔好唔開心啦. 有d老人家都好難相處架.

就算自己阿媽都覺得自己有經驗所以好多意見. 我係阿媽度坐月第2個星期就發老脾走佬返自己屋企. 後來平心靜氣同屋企人傾, 先返去阿媽度坐埋個半個月, 同堅持星期六返一返自己度.

而家阿媽好幫手仲好鍚BB, 我負責餵奶同換片, 阿媽就掃風同沖涼, 仲每日煮好多好野俾我食. 好開心. 我仲爭取到阿媽支持人奶..heehee