吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 應該點?

大仔大女媽媽會今日: 0|主題: 177860

收藏本版

發帖

返回列表

跳至頁

查看: 983 | 回覆: 11

[2008年] 應該點? [複製鏈接]

tomato100hk

男爵府

積分: 9579

1^#

發表於 09-2-13 23:05 |只看該作者 |倒序瀏覽 |打印

失業後, 我做左full time ma ma差不多一個月, 屋企得我同bb, 所有家務自己做番!! 有時佢真係好令我激心, 我罵過佢, 有試過打佢(手仔)!! 我成日想教佢, 但好多時我一放低佢我就要做家務!! 同佢講叫佢自己玩! 我想做好d, 但都唔知可以點做!! 有試過打佢我自己都忍唔住喊!! 我應該點先可以做個好媽媽?

0 0 0

私人傳訊

灝灝B

大宅

積分: 2446

2^#

發表於 09-2-13 23:18 |只看該作者

放鬆d la！BB仲細ma！你都係未適應啫！

我家c6型完返咗香港都係日日無所事事la！我哋接返林林自己揍，點之林林又病、又出牙，成個瘦晒！

62覺得我霸咗佢個孫，就遷怒於我！c6就成世少爺格，話諗唔到自己前途就《本pair》，我又讀書少&不事生產2年！壓力一定有嘅！

不過好似08mar媽會班姊妹教，放鬆d，有事就講出嚟，bb一定可以慢慢教嘅！家務呢d嘢，同c6相糧吓，大家分工又好，睇開d顧掂BB嘅先都好！記得唔好俾太大壓力自己ar！

希望無教壞你la！加油ar！

私人傳訊

NokNam

大宅

積分: 1018

3^#

發表於 09-2-13 23:20 |只看該作者

放鬆d 啦.

老實講BB咁"痴"身, 真係好難做家務. 自己要接受有D野真係做唔到. 如果可以, 就等老公放假幫手至做. 平日就趁BB瞓覺的時間做野.

hee...hee...所以我屋企好亂, 過年都唔會俾人上o黎.

mouth:

私人傳訊

Freelance

大宅

積分: 2029

4^#

發表於 09-2-13 23:58 |只看該作者

我都係自己一個湊bb, 不過近呢一兩個星期bb真係好"痴"身, 放低佢行開兩步都要即刻爬過黎扯住我唔放, 真係想做少少o野都唔得. 所以, 下午我情願同佢落街/公園玩到攰, 返到屋企同佢沖埋涼, 食完o野等佢訓先開始做家務, 煲粥仔, 洗衫(掠衫就要等c6返黎幫手喇)...跟住大小姐又開始起身, 哈哈...真係咩時間都冇. 今日仲要人有3急一入廁所佢又即喊, 真係冇辦法惟有放佢係highchair, 係廁所門口啦, 可能佢鍾意聞陣香味掛, 不過佢又真係即刻收聲好開心咁望住我, 冇計啦人o地話自己一個湊會""痴"身d架.
有時好不容易等到daddy放工返黎, 終於有少少私人時間, 好似今日咁諗住做o下運動, 一開始跑步亞大小姐就喊住爬過黎要我抱, daddy點攪都唔掂..激c...我同大小姐講我唔要做肥mami呀, 比d時間我得唔得呀...結果我係要抱住佢跑步, 做sit-up...唉~~~
好少發"勞so", 咁q有個位講o下...舒服哂, 又再黎過啦, 不過見大小姐錫錫mami就開心哂啦.
加油呀, 全職mami!!!

私人傳訊

yy0402200

民房

積分: 128

5^#

發表於 09-2-14 01:17 |只看該作者

回覆 # 的文章

我都好有同感, 因為都係自己揍. 佢又勁痴身. 抱住佢炒餸都試過呀. 其它家務更加唔使講. 我諗通喇, 屋企亂就由得佢亂啦. 等佢瞓左先做家務.
不過可以時時刻刻睇住佢, 都係好開心.
大家加油呀. bb好快就大個kala. 要好好珍惜呢段"痴身"嘅時間呀.

私人傳訊

yau_yau

別墅

積分: 847

6^#

發表於 09-2-14 02:10 |只看該作者

慢慢黎啦, 依家佢地好難自己坐定定玩, 係鍾意周圍爬, 攪下呢樣, 攪下果樣, 可以無時停. 當我要煮粥仔時, 我就放我個女落high chair 度, 然後開dvd比佢睇, 佢都可以坐到35分鐘架, 咁咪做啲迫切啲嘅嘢先, 洗衫, 洗奶樽, 抹地等佢晏就瞓左先做, 又或者等佢夜晚瞓左先做, 其他就等鐘點攪點, 咁可以多d時間同佢玩~

私人傳訊

world2008

複式洋房

積分: 233

7^#

發表於 09-2-14 12:24 |只看該作者

以上全職媽媽所講既我都有同感....
我係自己揍既..c6仲成日出差..最長成3個禮拜呀..除左阿b瞓教..真係你眼望我眼呀
我下午多數會出去行下..約人飲茶..relax下囉
全職媽媽..加油呀

[ 本帖最後由 world2008 於 09-2-14 12:27 編輯 ]

私人傳訊

yan_bluesky1

民房

積分: 84

8^#

發表於 09-2-14 17:40 |只看該作者

放鬆ｄ啦，你再唸埋ｄ唔開心的嘢，會抑鬱架．
你試下帶ｂｂ多ｄ出街街，等佢攰，返屋企咪瞓多ｄ囉！又或者試下joint - jo jo搞架p.c.club呀，有多ｄ媽咪一齊，多傾多講．會好ｄ架．
希望幫到你啦！！
努力呀！！

私人傳訊

kkrabbit

複式洋房

積分: 319

9^#

發表於 09-2-14 23:07 |只看該作者

我星期六, 日接BB返黎, 都要等晚上佢訓左覺, 先可以做家務. 我都唔理屋企亂唔亂, 飯我都唔煮, 唔好咁介懷啦, 有D家務做唔到就算, 或者妳老公放假時先做.

私人傳訊

corry

洋房

積分: 83

10^#

發表於 09-2-14 23:25 |只看該作者

又要湊b 又要做家務真係好辛苦既...雖然我唔係全職媽咪, 但一放工/放假都要用來湊b (幫輕公公婆婆手...阿b都好"痴"身...佢地都好辛苦) 家務做得幾多得幾多 law...唔好俾自己太大壓力..唔好想太多...bb仲細,唔會太明你想佢乖乖...bb慢慢大個,會好湊d 架la, 要好好對待自己...要有休息時間, 同bb一齊有開心既時候就當係鼓勵...多想 d 同bb快樂的時間...有唔開心找朋友傾下...or約埋d 媽媽朋友出來聚下分享下... 開心d~ 一齊再返屋企再努力囉~~
加油啊~

私人傳訊

bosch

瑪瑙宮

積分: 128521

2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

11^#

發表於 09-2-15 08:44 |只看該作者

你要俾時間俾你自己同bb 去適應. 我做全職媽媽, 初初真係攪到人到癲.

你要俾時間俾自己, bb 扭計就由得佢扭一陣, 咁你自己可以去沖涼, 食野上網等, relax一下, 或者放佢入網床度咁你就去做家務. bb 扭計果陣唔好理佢, 因為佢係測試緊我地既底線, 明明係對住佢都要唔好理佢, 扭得耐佢知道唔成功就自然會靜落黎.

bb手多多去攪一d野, 就要教, 輕輕打手仔都得, 教得幾次佢知你個底線, 咁佢就唔會亂黎. 你話你又罵又打, 你要分清楚, 係因為想教佢而打佢丫, 定係你打開就順便發洩自己既情緒!! 我個仔有時識分邊d野唔掂得, 佢有時見到我地喝住佢都會去掂架, 到我地走埋去定佢就好快咁爬去第二度, 好明顯佢響度測試我地既反應. 咁佢要咁玩我咪照追響佢後面, 扮要捉佢黎打.

bb 咁細個, 佢唔識分對與錯, 唔好以大人既角度去睇佢. 個個bb都八卦又手多多, 放手俾佢接觸多d野 (當然要安全), 有時對佢更有利. 我平均執1.5次屋, 朝早bb 攪到間屋亂晒, 我有心機有時間咪執, 冇時間咪執少少或者唔執 (咁有時我會去溫書, 或做其他家務, 懶起上黎咪上網或者跟埋佢去訓覺), 反正佢下晝又黎搗亂, 我唔急於時刻時屋企好整齊.

我有時洗衫真係一日都洗唔到架, 洗完根本冇時間去拎d衫去乾衣機度, 唯有等我老公返黎我至做到少少家務. 有時佢好倦, 食完飯響個廳度睇睇下電視就訓左, 咁我就連碗都洗唔到, 好多時咪拖到去11-12點至洗, 有時第二日至洗, 因為我仲要讀書, bb 同老公唔訓既話我冇可能讀到.

朝早或下晝天氣好的話, 不妨放低d家務同bb 出下去啦, 對你兩個都好架. 一次買起幾日送, 咁你又有多少少時間去做家務或者休息.

作息方面, bb 同埋你果餐可以一次煮2餐, 咁你可以慳到時間.

我做左幾個月全職媽媽至開始適應新生活. 當你適應左bb 既作息時間, 做唔同家務所需既時間等等, 咁你會覺得好好多架啦. 之前有bk 媽媽同我講第日仲可以有時間睇 dvd添!