從個日開始 我老公陪我返娘家住 我每晚只訓得一兩個中 甚至更少 因為真係變得全身都好吾舒服 又好怕忽然又有咩作動 又一直聽日話咩羊水有啲會滲出黎 難發現 但羊水一穿bb就好易感受 由於後期既分泌物真係好多 所以我一直係到懷疑到底係咪滲左羊水 搞到每晚都要去4,5次廁所，到最後一星期 發現咩徵狀都好似冇晒 又開始擔心會吾會逾期居留 到6.18係父親節 老公好期待 點知又落空
個晚我忽然間好想好想食甜品 老公帶我去茶木食完 話心願了左 係時候拉…點知 失眠左一整夜 第朝媽咪去左買送同早餐 當佢返黎我打算開餐時 忽然間bb好大力同之前一樣頂左下 但好似頂錯位 頂左去尾椎個邊 心諗 大獲了 衝去廁所…穿水好似瀑布甘
送去同入院既途中 個個都話第一胎會好奈 有排等 我12點上病房開始有輕微既m痛 兩分鐘一次（由於我平時痛開 所以覺得冇咩野）到3點幾4點 開始黎料 都係keep住兩分鐘一次 一次一分鐘 我認我怕痛 但我好忍得痛 當時痛到禁左兩次鐘 姑娘入黎開我係下面子宮痛 定成個肚 我話子宮 佢就話甘仲有排 由於當時特別病房冇位 所以到5點老公先入到黎 見我痛到面都紫埋 走去鬧姑娘點解吾幫我check 到5.45 姑娘俾佢鬧到入黎檢查先知已經開左兩度 仲一直拖 到6點幾差不多7點先入到產房 入到去 七點幾 啲姑娘話第一胎有排 多數一個鐘先開一度 叫我忍吾好用力 但我已經再忍吾住 我痛到瘋狂大嗌 根本忍吾到 連笑氣都係我老公幫我拎住 但其實吸笑氣好辛苦 而且冇乜作用 未吸之前都痛已經到wingwing地 我諗大概吸左六至七次左右 寶寶係20.07出黎了 見到bb 乜野痛楚都忘記晒 但又開始另一波波~縫針 姑娘話 吾好問幾針 因為會自己溶 我只知當初生時 佢話應該吾洗剪 點知我爆到差啲去到第三隻眼
縫左個半鐘
發表於 
返回列表
