我好中意同小朋友玩，不過成日闖禍，分享兩個個案先。
太太侄仔自小好中意同我玩（BB 未識講野時成日打雀咁眼望住我
），我亦同佢玩得好high。佢大概兩歲嘅時候，有一架塑膠車，坐上去後兩腳響旁邊撐下撐下果種。有次我到佢家，佢叫我推佢，就同佢玩下啦，越玩越high，仲響個廰度玩飛車、掟灣（咪以爲屋企好大，其實成間屋建築面積500零呎，個廰好細）。點知有次掟灣勁得滯，佢成隻青蛙咁飛出去，個頭撞落張接枱嘅枱腳
，在場嘅仲有我太太，外母，我地第一反應係大笑，小朋友見到我地笑，佢又笑，不過就係咁用手捽自己額頭，應該好鬼痛。跟住就繼續玩啦，不過佢就話：“姑丈，我推你”
。
佢阿媽放工返來見到個仔額頭腫咗，問外母知唔知點解
，外母扮唔知。知道就大檸樂勒
。
另一單係有次去南京探朋友，果邊有個小朋友（約4-5嵗，女孩）好得意，我地都同佢玩得好開心。翌日起來，唔知講開乜，同佢鬥嘴，小朋友唔服氣，話將我賣咗去，我話我唔驚喎，佢就講將我賣到好遠嘅地方，我都話唔驚喎，佢繼續“加碼”，總之係遠到我搵唔返屋企啦。加咗幾次碼之後，我都係好得嘁咁話唔驚，窒咗一窒後，就罵我“臭狗屎！”。點知佢姑媽聽到，就罵她，並要罰企，喊到好淒涼添。
所以每次我同小朋友玩嘅時候，我太太都提我… “咪又做闖禍精呀”
發表於 
有時就係玩得太癲所以闖禍 
sorry...以後多些留意
返回列表
