吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 好多野唸....

夫婦情感今日: 0|主題: 42776

收藏本版

發帖

返回列表

跳至頁

查看: 2330 | 回覆: 17

好多野唸.... [複製鏈接]

san^^

民房

積分: 50

1^#

發表於 09-2-24 13:48 |只看該作者 |倒序瀏覽 |打印

我同老公經過五年的異地戀後決定結婚，老公係日本人，由於佢係大陸做野，婚後我遲左份工，搬去大陸同佢一齊住，婚後的生活都好開心，除左佢成日打麻雀，我唔係大陸的時候，佢幾乎日日都打。直到06年尾，我有左bb，由於考慮到大陸的醫療和照顧問題，我決定左搬番黎住，由於相隔兩地，只有長假期才可以見面，起初我大肚的期間，都未有太大問題，只是覺得好多野都要靠自己，好似買bb物品，去醫院險查等。到後來，07年9月bb 出世，問題就開始發生，由於照顧bb好累，好忙，已經沒有多餘的時間，所以我地通電話的時間已經冇乜，感情都好似淡左，再加上我大肚的時候佢又冇係身邊，到bb出世之後，佢又冇機會照顧bb，所以我感覺到佢沒有做爸爸的責任心，記得有一次假期，佢過黎，由於bb有斜頸問題，我同佢講一齊同bb去睇醫生，佢問我媽媽係唔係唔得閒，我可以同我媽媽去，佢想出去玩，最後我要求佢去，佢才答應。每次佢過黎，佢都冇乜照顧bb，事後我同佢講番，佢話我d屋企人成日同bb玩，佢唔好意思打擾喎。...
另外，係經濟上，我一直由大肚到bb出世，都係住我媽媽屋企，食和住都係我媽媽和我家人比，佢地都冇問過我攞家用，而我老公，佢會比一筆錢我，到我用完，再問佢攞，但其實哥筆錢唔會好多，我好節儉，基本上都係花費係bb身上，而且老公又唔係搵好多，所以我成日都驚唔夠用，好大壓力，我唔用，個bb都要用，而且我唔想問屋企攞，到09年頭，我搵左份野做，人工唔高，但至少我有一筆固定收入，唔需要擔心錢唔夠用，而bb ，我媽媽幫我照顧。
但係最大問題，我要唔要跟我老公番日本，係08年尾，佢掉番日本做野，我其實有考慮到跟他番日本，但係我一唸到，如果去到日本，每日都係我, bb 和老公的麻麻(我老公同佢父母和麻麻一齊住)係間屋到，做下家務，揍下仔，至於我老公和佢父母都要番工，每日7點出門，差不多8點先番到屋企。而且係日本又冇家人，朋友，自己本身又冇積蓄，基本上係日本我係搵唔到野做，依我老公的個性，佢唔會比晒佢d人工我，佢可能只會比d零用錢我，如果萬一我地感情有變，到時唔通我再番黎搵野做，到時人又老，又冇做咁耐野，邊個請呀.... 況且我覺得做野，有收入，開心過只係在屋企做家務和揍仔。另一方面，若果我去左日本，我好擔心我父母，我媽媽係我懷孕到揍bb，一直對我都好好，如果我走左，到佢老，都唔可以係佢身邊照顧佢，我覺得好對佢唔住。
但係如果bb冇老頭，我相信對佢的成長係好有影響。以前真係覺得愛情大過天，沒有唸太多將來的野，但至從有bb之後，人成熟左，亦會唸好多將來的事，亦都考慮到身邊的人。
我其實有同我老公講我的感受，但佢只係覺得如果唔一齊住，結婚就冇意義。

0 0 0

私人傳訊

FM94.8

禁止訪問

積分: 3310

2^#

發表於 09-2-24 13:57 |只看該作者

回覆 # 的文章

提示: 作者被禁止或刪除內容自動屏蔽

私人傳訊

longtingchun

複式洋房

積分: 297

3^#

發表於 09-2-24 14:11 |只看該作者

妳嫁得日本人, 就預咗必要到日本定居, 如我是妳, 就一定會跟老公囉, 尚且有老爺奶奶一齊住, 慢慢適應那邊生活啦, 學吓日文 !! 識吓朋友, 叫老公比多的錢囉, 日本幾好住呀 !! 到時多些打IDD問候妳媽咪囉. 或間中飛來香港探媽咪囉, 開心啲 !! 不要擔心 !! 除非妳老公不愛妳啦........ 不會吧 ??

原帖由 san^^ 於 09-2-24 13:48 發表
我同老公經過五年的異地戀後決定結婚，老公係日本人，由於佢係大陸做野，婚後我遲左份工，搬去大陸同佢一齊住，婚後的生活都好開心，除左佢成日打麻雀，我唔係大陸的時候，佢幾乎日日都打。直到06年尾，我有左bb，由於考慮到大陸的醫療和 ...

私人傳訊

123!@#

伯爵府

積分: 16607

4^#

發表於 09-2-24 14:13 |只看該作者

我會跟佢回日本. 因為呢個先係自己既 "家"
至於父母, 有無其他兄弟姊妹可以照顧佢地?
同埋, 我相信你唔會1世都唔回hk.
工作方面, 你去度日本, 學下野先, 等bb大d, 先去揾野做囉.
跟本無得諗, 除非你唔愛你c6啦.

私人傳訊

54heima

水晶宮

積分: 55644

5^#

發表於 09-2-24 14:15 |只看該作者

新移民的生活一定有某程度的困難...但是你當初的選擇...要為這個選擇負責...一家人齊齊整整最重要...
又或者...有冇可能叫你老公來香港溫工...

少奶奶的身份，丫頭的命...

私人傳訊

esse

大宅

積分: 2266

6^#

發表於 09-2-24 14:17 |只看該作者

如果你跟你老公回日本，你要有心理準備，佢會好多應酬...因佢地的文化係咁
我朋友個老公都係日本人，朋友唔係好識講日文，佢生左呀b要坐月，佢個奶奶完全係幫佢唔到，而且又係無朋友，無家人~ 所以到最後都係去左nz，所以你要有心理準備，佢地未必了解你的需要.

所以你要評估一下你的”可以”~

[ 本帖最後由 esse 於 09-2-24 14:20 編輯 ]

私人傳訊

questioning

大宅

積分: 3676

7^#

發表於 09-2-24 14:18 |只看該作者

其實你當初有左bb唔應該返香港住, 而家大陸有d醫院設備仲先進過香港, 你有bb既過程你老公一d都感受唔到, 斷斷續續咁分開左成2年幾, 佢要工作, 佢冇得揀, 但你作為佢老婆, 如果可以應該留系佢身邊, 所以你唔可以怪佢對bb冇咩感情..

至於佢要返日本做野, 你唔係又諗住同bb留系香港呀?? 咁結婚黎做咩呀??

「盡人事，聽天命」
好好珍惜所走的每一步
好好珍惜所遇到的每一個人
好好珍惜所擁有的一切

私人傳訊

54heima

水晶宮

積分: 55644

8^#

發表於 09-2-24 14:23 |只看該作者

原帖由 esse 於 09-2-24 14:17 發表
如果你跟你老公回日本，你要有心理準備，佢會好多應酬...因佢地的文化係咁
我朋友個老公都係日本人，朋友唔係好識講日文，佢生左呀b要坐月，佢個奶奶完全係幫佢唔到，而且又係無朋友，無家人~ 所以到最後都係去左nz，所以你要有心理 ...

我的日本朋友也話頂唔順日本的C9文化...所以嫁比中國人...

少奶奶的身份，丫頭的命...

私人傳訊

naviegirl

男爵府

積分: 7509

9^#

發表於 09-2-24 14:25 |只看該作者

如果唔一齊住，結婚就冇意義。有名冇實.

私人傳訊

esse

大宅

積分: 2266

10^#

發表於 09-2-24 14:26 |只看該作者

原帖由 54heima 於 09-2-24 14:23 發表

我的日本朋友也話頂唔順日本的C9文化...所以嫁比中國人...

我個fd話，佢坐月，個99係咁整天婦羅佢食，又無湯水，奶樽又唔"圾"，etc

私人傳訊

yylrso

別墅

積分: 602

11^#

發表於 09-2-24 14:44 |只看該作者

一開始的時候你都會諗到有機會會返日本, 如果你唔跟佢返去, 是否想和c6離婚?我想你不是的, 而且那邊的學校比香港的好. 對小朋友係好d,環境都好d啦. 不過日本人的思想同香港人係唔同, 佢地會有好多限制. 所以你要有心理準備.

chingma

私人傳訊

san^^

民房

積分: 50

12^#

發表於 09-2-24 16:22 |只看該作者

睇到你地的post , 大多讚成我去日本。可能我對我地的夫妻關係不穩定，而且我又唔捨得我屋企人，所以到而加都取捨唔到。不過好多謝你地的意見。

私人傳訊

123!@#

伯爵府

積分: 16607

13^#

發表於 09-2-24 16:27 |只看該作者

原帖由 san^^ 於 09-2-24 16:22 發表
睇到你地的post , 大多讚成我去日本。可能我對我地的夫妻關係不穩定，而且我又唔捨得我屋企人，所以到而加都取捨唔到。不過好多謝你地的意見。

我都知係因為你感受唔到c6既愛, 所以你咪猶豫囉.
咁你仲愛唔愛佢呢?

私人傳訊

longtingchun

複式洋房

積分: 297

14^#

發表於 09-2-24 16:53 |只看該作者

若果你唔Sure, 先過去住吓適應吓先啦, 無壞咯 !! 妳可隨時番嚟香港嗎 !! 始終妳+BB+老公先係一個家嗎 ! 不要稔太多啦, 除非妳根本不愛妳老公, 冇稔過跟他一世..............

祝妳幸福啦 !!

原帖由 san^^ 於 09-2-24 16:22 發表
睇到你地的post , 大多讚成我去日本。可能我對我地的夫妻關係不穩定，而且我又唔捨得我屋企人，所以到而加都取捨唔到。不過好多謝你地的意見。

私人傳訊

yylrso

別墅

積分: 602

15^#

發表於 09-2-25 15:07 |只看該作者

婚姻係一棵植物,要每日灑水, 比營養先會開花結果的. 要有好既婚姻就要努力去培育先會有成果, 只係灑水唔落肥都係無同. 所以一定要雙方共同努力先可以開花.
好好努力吧!
祝婚姻愉快!

chingma

私人傳訊

juicypig

珍珠宮

積分: 30278

環保接龍勳章 hashtag影視迷勳章

16^#

發表於 09-2-25 15:31 |只看該作者

原帖由 yylrso 於 09-2-25 15:07 發表
婚姻係一棵植物,要每日灑水, 比營養先會開花結果的. 要有好既婚姻就要努力去培育先會有成果, 只係灑水唔落肥都係無同. 所以一定要雙方共同努力先可以開花.
好好努力吧!
祝婚姻愉快! ...

一個人之所以快樂,不是因為她擁有得多, 而是因為她計較得少

私人傳訊

FM94.8

禁止訪問

積分: 3310

17^#

發表於 09-2-25 16:28 |只看該作者

提示: 作者被禁止或刪除內容自動屏蔽

私人傳訊

414928

水晶宮

積分: 64448

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 HiPP勳章(1) 2018父親節勳章 2018復活節勳章 15週年勳章畀面勳章好媽媽勳章醒目開學勳章 BK Milk勳章 hashtag旅遊勳章 hashtag影視迷勳章認識瑞士牛牛第一回認識瑞士牛牛第二回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章食得好勳章笑得好勳章

18^#

發表於 09-2-25 16:40 |只看該作者

我覺樓主應該先跟老公去日本,凡事唔踏出第一步又點日後會如何?現在小朋友還細未入學,你去到日本適應下先,同時都要修補你們兩公婆的關係,看看情況再決定日後條路點行,因為小朋友讀書後,你的選擇會出現更多問題。
至於家人,你嫁左就預左唔可以時常在家人身邊了,到時多些打電話回來便可,至於工作....沒有一份工可以保證不會被炒的,放鬆一些吧,諗太多只會傷神^^