車厘子bb 發表於 17-11-22 23:10
我老公成日覺得我家人睇唔起佢屋企，而我家人就好唔喜歡佢家人。
結婚前雙方家長見面，我同我父母去到酒樓，佢屋企人已經差不多食飽，我印象最深刻係檯面有碟生菜係食剩兩條，第一次見面我父母已經唔好感覺。
到擺酒，當時我同我老公有財政困難，佢老豆從來都冇問過我地，亦冇幫助過我地，雖然比錢唔係佢嘅責任，但作為父母，我自己覺得佢係毫無關心佢d仔女。
我父母睇唔起佢唔係覺得佢家境冇我屋企好，而且我父母睇唔起佢父母連自己嘅仔女都唔理，同親家飲茶就自己先到先食，覺得佢根本就冇禮貌。
結婚後極少上我老公屋企食飯，因為佢老豆都唔理自己嘅仔女，我地真係唔上好過上，少見大家都好過d，反正佢成家都係自己顧自己。
但原來我老公心中有條刺，話說前幾晚同佢d朋友出去食飯，佢朋友講佢老婆嘅姐夫係外家做人做到有幾咁假，我老公突然講左句，好似我咁，做人姐夫都做到好假。我個下打左個突，點解佢會咁講，知唔知好傷我心，知唔知個下隔離左右嘅朋友會點捻我地。
返到屋企我就心平氣和問佢講個句說話有冇考慮過我感受，我難受嘅唔係當時覺得自己冇面，而係覺得我家人真係當佢係家人，結婚後簡直就已經係家人，佢都可以當住我面前同d朋友面前講d咁嘅說話出來。
後尾佢就同我講，話我屋企人睇唔起佢屋企人。
我已經冇點理會過我老公兩日，我真係唔想面對佢，唔想對住一個對我父母懷恨在心而平時又笑哈哈嘅人。
我好心煩，究竟要點同佢傾呢個話題，依家大家都唔會提起呢件事，幾乎冇交流。
自從佢講左句咁嘅說話，我感覺就開始心淡，前幾日先開post問有咩男款銀包介紹，見佢銀包都好殘舊，現在我真係心淡曬。
究竟我要點繼續落去？
發表於 
返回列表
