婦女醫護今日: 1|主題: 34339

收藏本版

發帖

返回列表

跳至頁

查看: 6366 | 回覆: 0

電腦斷層掃描 CT Scan 全記錄 [複製鏈接]

RilakkumaPoon

別墅

積分: 573

1^#

發表於 17-12-18 09:51 |只看該作者 |倒序瀏覽 |打印

本帖最後由 RilakkumaPoon 於 17-12-18 10:26 編輯

因為腸胃同便便不太好，所以醫生安排照腹腔CT Scan

第一次照腹腔CT Scan，喺播道醫院照

照CT Scan 要訓响床度, 然後張床慢慢進入個圓型洞. 當個肚對準個洞, 醫生會指示病人幾時吸氣, 幾時呼氣. 洞內藏有掃描儀器/攝影機之類, 會開始轉動, 環繞身體拍攝. 拍攝時身體完全冇感覺, 冇不適, 唔覺得有野進入身體, 不過CT 係有輻射的, 所以護士都提醒有bb就唔照得. 入去個洞時都幾興奮, 因為睇電影就睇得多, 自己就從未試過, 而且個掃描儀器令人感覺幾先進. 我亦盡量同自己講, 去醫院當去個旅程咁, 見到D新野就試下, 影個360度斷層selfie.

照時要著手術衫, 唔可以著內衣, 所以我行路時同埋男醫生同我講野時, 我都不自覺做出祈禱手勢遮住前面.

第一次醫生嘗試唔用顯影劑, 但好似影得唔夠清, 所以第二次要用. 我當時手背已有個靜脈注射用的針口, 於是醫生同我講, 開始注入顯影劑, 會有D暖既感覺, 係正常既. 顯影劑會好似吊鹽水方式開始進入身體, 呢個時候, 我感到一股暖流由手背, 手, 經過身體, 再到達膀胱, 暖流匯聚响膀胱, 我又冇覺得發熱. 我覺得十分科幻, 好似電影中, 主角進行任務, 要注入一D能量, 運行全身, 個感覺好得意嫁. 另外如果有藥物敏感或哮喘之類, 要注射埋其他藥. 照完可以即刻行返上病房, 好似有姑娘陪同.

成個過程及完成後, 我都完全冇想嘔. 唔肯定係咪每人對輻射或顯影劑反應唔同, 同埋照身體唔同部位會唔會有不同感覺. 仲有, 我當日仲要抽血同做其他檢查, 所以成十幾個鐘冇飲水冇食野, 唔覺得想嘔或想去洗手間.

第二次响中環萬邦行化驗診所照，今次係照盆腔，檢查下子宮同卵巢。

今次响診所照冇咁過瘾了，但幸好都完全冇唔舒服。

上次由醫生全程負責，今次大部分由姑娘負責。
打完顯影劑，針口附近凍凍地，之後聞到藥水味，繼而全身發熱 (包括頭部), 身體中間反而冇，嗰種熱有d怪怪地，冇上次陣暖流咁渦心。

診所收費平少少，要4-5日後先有報告；醫院第日就有。