單親天地今日: 6|主題: 18346

收藏本版

發帖

返回列表

跳至頁

查看: 3009 | 回覆: 10

懷疑自己有抑鬱，仔仔發展遲緩專注不足 [複製鏈接]

Rannie.april

大宅

積分: 1286

1^#

發表於 17-12-31 00:04 |只看該作者 |倒序瀏覽 |打印

都係多年既問題積積埋埋，以為自己好樂觀，但近排好似越黎越嚴重，好易情緒化流眼淚，或者又再一次呻下就可以挨過去？岩岩又喊左幾次，帶住個仔出去食野，一諗屋企人又忍唔住，再比個仔激一激，食緊都流左一行眼淚，點知我個仔突然話你唔好喊啦，唔洗擔心架，要笑呀，笑先乖架，佢識咁樣安慰我係頭一次，我即刻返回現實收拾心情，但出到門口又開始低落，平時見到d人表情唔友善我會好憎同好嬲，其他媽媽望住我，我會心入面鬧佢，有時心情偏激會衝口而出鬧左出黎，然後有d人擦身而過例如mk果類，行過笑笑口講事非，好似笑我同我個仔咁，我都會鬧返佢地，我覺得係由仔仔開始做語言治療同物理治療開始我變到咁，我好擔心，受盡外人冷言冷語，好地地做咩叫我個仔轉融合生，又未評估係，點解唔可以比機會佢，唔想佢覺得自己好奇怪，我又唔明點解其他小朋友要蝦佢，我好心痛，係佢放學話比人打邊到打邊到，又話比小朋友搶左佢禮物，唔明點解父母唔教好自己仔女出去蝦蝦霸霸，更加唔明點解會比一個5歲小朋友問我個仔佢點解冇爸爸，我唔明自己點解仔仔做錯事我教佢保護自己既時候太心急，偏激到人身攻擊佢，有時忍唔住鬧佢係咪弱智等難聽既說話，我好憎自己，我唔明我做左乜野受到咁既對待，衰人永遠都好幸福食緊花生等睇戲，我就每日都係對住個仔激氣，好似係個牢入面

0 0 0

私人傳訊

Rannie.april

大宅

積分: 1286

2^#

發表於 17-12-31 00:05 |只看該作者

我都想兩母子安安樂樂，外人唔明都算，我呀媽我幾個細佬係個群組入面單打我，又係我面前搞我個仔，有時食完煙又行近我個仔到錫佢，我鬧佢唔好逼我仔吸2、3手煙，唔聽照做，仲要有時偷偷地帶佢出去玩，當我個仔係佢地咁，知我冇老公，我女人仔係擺明易蝦，靜係識係我身上攞著數，知我每個月都有3千人仔，我幾個細佬叫我換，冇錯，係一對一，我話1000換1100，佢地話賺得少，我呀媽鬧我斤斤計較，佢地出去換比人賺，我心諗，我換3000，都係收佢地3200左右，我起碼已經蝕左一罐奶粉，佢地每月搵既錢係我3倍，我仲要一份錢洗2個人，仲要幫佢地買日用品，咁邊個可憐我？邊個幫我？我兩母子搞成咁仲貪便宜貪得落手？點解咁冷血？今日我仔唔小心搞到隻狗有泡泡，我已經幫隻狗沖返乾淨，佢地平時都唔關心隻狗唔理，今日我細佬老婆影完相發去群組，成班怪我個仔，比說話我聽，集體單打，我終於忍唔住退左群，我知我就快到極限了，我驚有日癲到覺得佢地成班比惡魔上身，激動到斬佢地，呀仔出年要做核磁共振我越諗越驚，乜檢查都冇做過，點解醫生可以直接做，唉，唔做係咪就唔洗怕生命危險？唔洗知結果。。我都係呻下，呻完可能好點