懷孕前後今日: 2|主題: 330303

收藏本版

發帖

返回列表

跳至頁

查看: 3551 | 回覆: 1

第一胎威記催生經歷（40週3天） [複製鏈接]

bear0626

別墅

積分: 555

1^#

發表於 18-1-29 22:32 |只看該作者 |倒序瀏覽 |打印

話說生既前一晚，無啦啦嘔左三次食左乜都嘔返出黎，諗住訓個靚覺無事啦～點知阿囡360度碌下碌下，郁到冇覺好訓，凌晨4點開始好像M痛既感覺，keep住痛到6點頂唔順拍醒老公去威記。
去到威記7樓，因為冇流血冇穿水，醫生檢查個時要成個拳頭塞落下面！！睇下宮頸成熟生得未，跟住安排催生。因為有排都未生得姑娘叫左老公返去訓陣先～

之後去駁機睇心跳，每次胎動都要禁一下，跟住到‘種豆’個part，係一個男護士，怕怕醜醜咁，唔洗講一定係實習護士啦，第一針吉落去，哇！起左一大個包，d血標哂出黎，好明顯失敗左啦，隻手即時變哂青色，真係想xyzx你！終於第二針就成功左，一額汗囉⋯⋯大左大約11:00落催生藥，一直都keep住M痛咁，期間聽到格離床叫得好淒涼，叫到好似劏豬咁，姑娘就話唔好叫啦，留返d力生好過啦～笑了

過左一陣，醫生過黎幫我穿水，側邊有實習生觀賞，問題係男人黎嫁囉，後生仔先監介囉～
因為開度數開得好慢，個時得2度，姑娘又再落催生藥，大約14:00，陣痛越來越強烈，痛到成係張床殿黎殿去，開始慘叫眼淚水都標出黎，又要禁食禁飲水，加上前晚嘔完勁肚餓又飢渴，姑娘見我眼濕濕咁樣，就叫老公過黎陪產。

大約四點幾，老公終於黎左，一見到老公，眼淚水即刻湧出黎⋯原來生仔真係好Q痛嫁⋯嗚
跟住叫姑娘比個波波坐下，開頭坐下係減輕到痛楚，之後又越來越痛，坐下彈下碌下都冇用，痛住大叫‘好痛牙，我唔生啦～’我諗全層都應該聽到我大叫，漸漸姑娘都懶得理我，由得我大叫。

0 0 0

私人傳訊

bear0626

別墅

積分: 555

2^#

發表於 18-1-29 22:33 |只看該作者

回覆樓主

因為仲係超級痛，約19:00改用聞笑氣，唔知係咪唔識用，好似冇乜作用，勁急屎又屙唔出的感覺，一直聞到22:00，個人開始wing wing地，老公講乜都聽唔入耳，淨係知佢好肉緊咁捉住我隻手叫加油！幾經辛苦終於開到8度，就過床入產房。

23:20入到產房，腿張開！醫生一直叫我大力D ，其實差半個鐘多D就8月1日，醫生問我等唔等到零晨00:00，我都想牙，但真係痛到忍唔到，大力屙左出黎，11:37 小帶子終於出世啦

最後要排埋個胎盤出黎，醫生好風趣咁話要唔要拎埋個胎盤返去煲湯，哈哈！聯針個下基本上係唔痛的。姑娘幫bb沖一沖身，就放係我個懷抱，個刻真係好感動，幾辛苦都值，醫生仲主動話要唔要幫我地影相，影完就隊個BB叫我餵人奶，抖都冇得抖下，不過佢哋教餵人奶教得好詳細，多謝一班咁幽默風趣嘅醫生姑娘。

長達廿個小時陣痛，好彩有老公陪住，唔係都唔知點挨，各位準爸爸一定要選擇陪產牙，你既陪伴真係好重要！原來生仔只係第一關，之後重重既難關等緊你～～～good luck~