吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 現今香港社會又是怎樣一會事??????????

香港18區媽媽會今日: 0|主題: 156974

收藏本版

發帖

返回列表

跳至頁

查看: 1998 | 回覆: 19

[元朗區] 現今香港社會又是怎樣一會事?????????? [複製鏈接]

doraemon6628

別墅

積分: 570

1^#

發表於 09-3-10 02:22 |只看該作者 |倒序瀏覽 |打印

本人有個女兒今年7歲...因為學校及家中問題都同小女傾過
亦氹過都冇效..之後同小女駐校社工傾...之後該社工就搵小女啦..
但我小女回家我問她..社工哥哥有冇同你傾計..小女會答"哥哥只係
送左支筆筆俾我..叫我乖..."我就收到一張由個位駐校社工印出一張
紙"『乖乖表現』紀錄表"如該日做得好就有一個印仔...當然有獎勵啦就係我會猜個小朋友去玩或有禮物...其後我一個印仔都冇印過...
個位社工就問我女..社工問:『你這個星期乖唔乖呀..媽媽有冇印過印
仔俾你呀..』小女答:『有呀...仲印左3個呀..』..之後個位社工打俾我問..『XX媽媽..上個星期乖唔乖呀..有冇做哂功課呀..食飯快唔快呀..』我答:『都冇咩分別啦...同平時一樣』社工話:『唔係喎..你女兒佢話好乖好快食哂飯..好快做哂功課..你仲印過3個印俾佢喎...』
我當時就即話我都冇印過咩印仔...唔好話印印仔呀...我連張紙都唔知放左去邊...之後!!我問我女兒為何會同駐校社工講大話..女兒話:『
我有印仔..咁社工哥哥會有禮物俾我...我咪講大話....』
好啦...我覺得個社工唔知幫左我D咩...但我知個社工出發點係岩...
但會令個小朋友變左貪心同講大話...咁如果用物質去令個小朋友係
日常生活中表現好...換到小禮物作為鼓勵..咁將來大個咪會覺得自己
做得好..唔識既人咪會送野俾我...再危險啲如果有陌生人要同小女發
生關係..咁佢有利誘之下咪會應成...咁同個14歲媽媽有咩分別...

在6號果日我因為有事要出街..我做為媽媽同個女講:『我而家出街
明天唔駛返學你同我執好間房..我返黎會睇...』咁我就同佢爸爸講你睇住個女啦..我就出左街..之後..佢爸爸打黎話叫佢壽執房佢唔執走去睇書同細佬玩之後佢爸爸打佢...直至今日下午3:18P.M..我有個所謂駐校社工打黎..話我個女第上有痕行..已同我小女去緊醫院"仲要係途中啦"我問.."吓..咁點解你學校唔即打個電話俾我"佢(社工)話:
"教育處有指引可以唔駛通知家長"我話"我要同個女傾2句..想問下佢邊到痛...做咩會咁"社工話"佢(小女)同另一個女駐校社工傾緊計..而家唔得閑呀"之後收左線..我再打去該校同校長講..到底發生咩事
..點解唔事先通知家長陪同去..而要咁做...校長話教育處有指引..同時你女女好安全..你可放心我只好收線去到醫院....
事件發生左我做媽媽唔係要大家可憐我或話我...
我只係好想知而家現今社會係唔係咁呢???
1.我用左2個半鐘上網搵教育處指引話咩都唔駛通知家長..我搵唔到
我只係搵到拐帶兒童條例:話未有父母或監督權的人意願而拐走而兒童可定罪..個校長同社工講大話??
2.咩叫安全...係一個唔同自己父母下坐車如發生交通意外又有誰負責呢???
3.我有咩錯呢要同個女傾2句會仲大過同社工傾計??
4.用一個冇來電電話打黎..就算我到醫院又可以點搵到個女呢??

香港對虐兒睇得好重我知...但試問今時今日有邊個未俾自己父母打過..有邊個父母想打自己兒女..但要明白好似政府一句唔好打.唔好鬧.咁香港就唔會有D14歲的媽媽..香港唔會有D11.12歲入黑社會..
同時有日上到法庭...法官話D父母"養不教.父之過"
我唔想再有D咁學校會有D咁不負責校長.駐校社工同老師....
香港政府要諗下如果唔教好D小朋友今時今日就唔會話加健多個監獄啦...咁唔通又係我地父母錯喎....
自問如冇上一代D父母打過鬧過..會有今時今日D所謂高官...
"棒下出孝子"咁這句說話又從何而來呀??????????
錯我一定有錯..咁嚴厲的教道下一定會發生....
子女成材...有誰父母不想...曾生上職口口聲聲叫人生...又唔諗下點教....我覺得係冇意思....
如果時間有得倒留我會選擇2007年前既香港...
政府再係咁...我地D香港人唔會再有下一代...
而香港就會老化而再沒有香港這地方出現..

0 0 0

歡迎大家交個朋友做交流

私人傳訊

KEYIE

大宅

積分: 4350

2^#

發表於 09-3-10 11:50 |只看該作者

我唔覺得學校有錯喎~
又關政府事?????

私人傳訊

煒良媽咪

公爵府

積分: 27034

母親節2025勳章 2024年龍年勳章 2021可愛聖誕B勳章熱血勳章

3^#

發表於 09-3-10 12:19 |只看該作者

係成件事我冇任何意見!
獨留子女在家-7歲女+細佬, 你哋已經做錯

私人傳訊

謙仔媽咪

子爵府

積分: 10142

4^#

發表於 09-3-10 12:26 |只看該作者

原帖由 煒良媽咪 於 09-3-10 12:19 發表
係成件事我冇任何意見!
獨留子女在家-7歲女+細佬, 你哋已經做錯

佢冇獨留子女在家呀, 爸爸在家架, 不過打到個女有傷痕咋ma.

私人傳訊

doraemon6628

別墅

積分: 570

5^#

發表於 09-3-10 13:51 |只看該作者

回覆 # 的文章

因為學校話政府教育上係要咁做麻...
咁難聽句都係話政府有意識啦.....
今日我打去元朗負責該校主任...個位小姐
都話事太嚴重...亦話該校完全冇通知過..
咁我問個位小姐.."咁係咪學校講大話..將個波
交俾你地.."小姐話..""要向該校校長講點解事
前唔通知教育局及家長"

大家話該校講大話..我可以點做...

歡迎大家交個朋友做交流

私人傳訊

doraemon6628

別墅

積分: 570

6^#

發表於 09-3-10 13:52 |只看該作者

回覆 # 的文章

歡迎大家交個朋友做交流

私人傳訊

煒良媽咪

公爵府

積分: 27034

母親節2025勳章 2024年龍年勳章 2021可愛聖誕B勳章熱血勳章

7^#

發表於 09-3-10 14:36 |只看該作者

原帖由 謙仔媽咪 於 09-3-10 12:26 發表

佢冇獨留子女在家呀, 爸爸在家架, 不過打到個女有傷痕咋ma.

Sorry! 睇錯

私人傳訊

甜芋

男爵府

積分: 6996

8^#

發表於 09-3-10 14:42 |只看該作者

我當時就即話我都冇印過咩印仔...唔好話印印仔呀...我連張紙都唔知放左去邊...

學校社工俾咗好行為檢討表俾你,目的係想家長同學校對小朋友的行為,見好就讚.越做越好.但係點解你連張紙都唔知放咗去邊呢?你覺得係呢點上,應該點做好呢?

好啦...我覺得個社工唔知幫左我D咩...但我知個社工出發點係岩...
但會令個小朋友變左貪心同講大話...咁如果用物質去令個小朋友係
日常生活中表現好...換到小禮物作為鼓勵..咁將來大個咪會覺得自己
做得好..唔識既人咪會送野俾我...再危險啲如果有陌生人要同小女發
生關係..咁佢有利誘之下咪會應成...咁同個14歲媽媽有咩分別...

社工送小禮物俾你囡囡,係因為你囡囡的行為符合表格上所列的目標.而佢送0既,是否係好貴重的禮物呢?你囡囡識得講美麗大話,而想得到禮物,明顯佢想做好啲.只不過,係屋企冇做到.呢樣,你需要問社工,點樣同囡囡溝通.方法一定唔係用打. 打---只會令到囡囡越來越討厭你們.翅膀長硬了,就飛了.我真係諗唔到,因為囡囡唔聽指示去執房,俾爸爸打到,學校都知道.有冇需要用咁重的刑罰?!親生的囡囡,是你帶到呢0固世界上來的,為什麼要這樣對她呢?

快樂的甜芋快樂的甜芋

私人傳訊

甜芋

男爵府

積分: 6996

9^#

發表於 09-3-10 15:01 |只看該作者

試問樓主有沒試過,小時候俾父母打到有傷痕?你當時疼嗎?是否覺得烙印不去? 如果有的話, 是否應該換0固方法對待囡囡?

1.我用左2個半鐘上網搵教育處指引話咩都唔駛通知家長..我搵唔到
我只係搵到拐帶兒童條例:話未有父母或監督權的人意願而拐走而兒童可定罪..個校長同社工講大話??

恕我直言,樓主您需要上網揾同小朋友溝通的指引及點樣做父母的指引.你有沒有想過,為什麼學校會將你女兒送醫院?你去揾拐帶兒童條例做咩呢?

2.咩叫安全...係一個唔同自己父母下坐車如發生交通意外又有誰負責呢???

學校將你囡囡送醫院檢查安全,定係囡囡俾人打到有傷痕安全?樓主點睇?

3.我有咩錯呢要同個女傾2句會仲大過同社工傾計??

我覺得,你依家0既錯,係打囡囡.

香港對虐兒睇得好重我知...但試問今時今日有邊個未俾自己父母打過..有邊個父母想打自己兒女..但要明白好似政府一句唔好打.唔好鬧.咁香港就唔會有D14歲的媽媽..香港唔會有D11.12歲入黑社會..

14歲的媽媽和11,12歲的小童黨,成因一部分絶對同佢地啲爸爸媽媽有關係. 就係打得多.溝通關心的少. 可能樓主都俾父母打過,所以,先有呢種棒下出孝子的觀念.

快樂的甜芋快樂的甜芋

私人傳訊

子峰mama

侯爵府

積分: 23818

好媽媽勳章

10^#

發表於 09-3-10 15:15 |只看該作者

原帖由甜芋於 09-3-10 14:42 發表
我當時就即話我都冇印過咩印仔...唔好話印印仔呀...我連張紙都唔知放左去邊...

學校社工俾咗好行為檢討表俾你,目的係想家長同學校對小朋友的行為,見好就讚.越做越好.但係點解你連張紙都唔知放咗去邊呢?你覺得係呢 ...

好讚成甜芋所說,我諗樓主鑽左入牛角尖了,適當既體罰固然有佢阻嚇作用,但只限於打手板和屁屁,如果打到小朋友連學校都覺得有"弱"兒成份就事態嚴重,變左唔係教仔咁簡單,自己骨肉點解可以咁殘忍?你先生咁打佢,你認同??
貼紙獎賞係廣泛既媽咪做法,你反而唔認同??

私人傳訊

webjen

珍珠宮

積分: 45725

11^#

發表於 09-3-10 15:16 |只看該作者

有時間上網投訴,去找教署指引,不如想想日後如果改善親子關係吧

mouth:社工都係想幫你!

[ 本帖最後由 webjen 於 09-3-10 15:19 編輯 ]

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!

私人傳訊

甜芋

男爵府

積分: 6996

12^#

發表於 09-3-10 15:21 |只看該作者

同時有日上到法庭...法官話D父母"養不教.父之過"

法官都有講:養不教,父之過. 而不是養不打,父之過.

我唔想再有D咁學校會有D咁不負責校長.駐校社工同老師....

社工肯幫你解決小朋友不願做功課及在家中的行為問題,我覺得佢好負責任.可以PM俾我知,係邊一間學校嗎? 因為我都有此需要.

香港政府要諗下如果唔教好D小朋友今時今日就唔會話加健多個監獄啦...咁唔通又係我地父母錯喎....
自問如冇上一代D父母打過鬧過..會有今時今日D所謂高官...
"棒下出孝子"咁這句說話又從何而來呀??????????
錯我一定有錯..咁嚴厲的教道下一定會發生....
子女成材...有誰父母不想...曾生上職口口聲聲叫人生...又唔諗下點教....我覺得係冇意思....

女兒講大話,責任不全在學校.父母才是重要.誰叫她管你叫媽媽? 點樣去教導,父母有需要學習及檢討.呢樣關香港政府咩事呢?你點知道今時今日的高官,係俾父母打出來的?你既然知道自己有錯,依家要快快去進修啦.

如果時間有得倒留我會選擇2007年前既香港...

2007年前,香港政府會幫港人教仔囡嗎? 時光倒流---你做多拉A夢呀?!

快樂的甜芋快樂的甜芋

私人傳訊

florence38

複式洋房

積分: 190

13^#

發表於 09-3-10 17:03 |只看該作者

完全同意 !!

原帖由 webjen 於 09-3-10 15:16 發表
有時間上網投訴,去找教署指引,不如想想日後如果改善親子關係吧 mouth:mouth:" />社工都係想幫你!

私人傳訊

701003

水晶宮

積分: 62647

畀面勳章

14^#

發表於 09-3-10 17:27 |只看該作者

身為父母，推缷責任，籍口堂而皇之

總之咩都係政府ge錯，咩都關1997事:;pppp:

私人傳訊

kahki_y

大宅

積分: 1248

畀面勳章

15^#

發表於 09-3-10 17:55 |只看該作者

其實一個7歲小朋友會唔會真正懂得何謂貪心，會唔會知道今日鼓勵她的小禮物變成長大後的陷阱，我相信呢點係好需要父母由細到大從旁教導，冇必要用呢個point去質疑社工做法，學校提倡家校合作，永遠係家庭行先學校殿後，家庭做得唔夠好學校可以點幫？

至於講大話，首先唔好著重佢為咩講大話，只要小朋友肯承認自己講大話已經係一件好事，邊個細個未講過大話？你同我都講過唔少。

我相信爸爸打佢出發點係想個女好，但係收到的效果人人不同，將心比己自己細個比父母打有邊次唔會憎死佢？如果因為驚而改一定唔係真心反省，不如俾個榜樣佢學，身教一定好過言教。

學校可以發現小朋友出問題係好事，試想想一班之中有咁多人，老師係咪先要關心他們才可以留意到呢？如果係傷痕太深令校方都有懷疑的時候，你又會唔會覺得你丈夫有點過火呢？

父母要幫小朋友行的路好長，如果唔不斷學習唔自我反省，只會重複又重複犯錯。

我是你的血液通過你的血管經過你的心臟走遍你身體每一個地方--I Love You 小俊B & 細細妹

私人傳訊

kathy^o^

別墅

積分: 922

16^#

發表於 09-3-10 21:28 |只看該作者

原帖由 子峰mama 於 09-3-10 15:15 發表

好讚成甜芋所說,我諗樓主鑽左入牛角尖了,適當既體罰固然有佢阻嚇作用,但只限於打手板和屁屁,如果打到小朋友連學校都覺得有"弱"兒成份就事態嚴重,變左唔係教仔咁簡單,自己骨肉點解可以咁殘忍?你先生咁打佢,你認同??
...

我唔讚同甜芋所說,佢只會樣樣話樓主事事唔啱,樣樣蹬到准,有心幫人的話就應該每節說話教人應該點改變教小朋友方法,唔係只係說樓主樣樣不是!!
我反而認同子峄mama

您好

私人傳訊

殷!!

子爵府

積分: 11059

17^#

發表於 09-3-10 23:32 |只看該作者

小朋友黎到呢個世界, 父母係佢第一個老師, 父母是一面鏡子, 對小朋友極為重要, 言教同身教都一樣重要, 我相信比多啲愛心和耐性, 唔須要用體罰, 都可以令小朋友變得乖巧, 想別人尊重自己, 問問自己有無尊重人先....

:wave: :wave:

私人傳訊

chan-loretta

男爵府

積分: 5603

冬日勳章畀面勳章 BK Milk勳章

18^#

發表於 09-3-11 00:39 |只看該作者

我認同甜芋所講~~

樓主當初選擇向學校及社工求助,結果又唔合作又唔反映意向,有問題係樓主喎! 小朋友言行舉指,直接反映出屋企如何教導,小朋友有不正確既反射行為,或多或少受屋企人影響,係時候要檢討一下.

原帖由 kathy^o^ 於 09-3-10 21:28 發表

我唔讚同甜芋所說,佢只會樣樣話樓主事事唔啱,樣樣蹬到准,有心幫人的話就應該每節說話教人應該點改變教小朋友方法,唔係只係說樓主樣樣不是!!
我反而認同子峄mama ...

[ 本帖最後由 chan-loretta 於 09-3-11 00:50 編輯 ]

私人傳訊

MusicPerform

民房

積分: 36

19^#

發表於 09-3-11 00:50 |只看該作者

現今生活壓力大，
人少不免會犯錯，
媽媽為自己的小朋友好是肯定的，
這個社會不斷在變，父母對子女的教育方式亦然。

你喜歡經常責罵你的人還是經常稱讚你的人?
你喜歡被命令還是與人合作?

關係良好，一切好辦

同一句說話，哪句較動聽?

"我而家出街
明天唔駛返學你同我執好間房..我返黎會睇..."

"媽媽現在上街，你明天不用上學，現在和弟弟玩一會，3:00去執拾一下自己的房間，好嗎?媽媽3:30回來，看看你把房屋執拾得多整齊"(抱她一下/摸摸她的頭)表示你在愛她、在乎她

私人傳訊

lovelyfrog

大宅

積分: 2972

20^#

發表於 09-3-11 09:51 |只看該作者

我都覺得向社工求助後，沒有與社工合作，還把所以責任推給社工，是一個不負責任既做法。
如果聽樓主的說法，學校沒有通知樓主直接送小朋友去醫院, 確實有些問題, 我認為學校應該問清楚樓主同個小朋友, 不能聽小朋友的一面之詞。但我同樣有個疑問，學校通常唔會想攪大件事, 但為何社工見到樓主個女會決定直接送個去check呢, 係唔係真係大得太過份令到學校都覺得虐兒，定係之前樓主已有前科, 所以學校有了這個決定？

小青蛙部屋(ken媽)

私人傳訊