一早喺香港租左wifi蛋，上次去仲有台幣淨，開左海外提款，我租左airbnb喺西門町，去到西門町先㩒錢。
day 1 : 中午12點3落機，搭巴士去西門町放低行李,去信義安和站既大樹先生的家，去到大概3點半玩到5點，夜晚book左6點半食南京三民站既鼎王，服務依舊好好
day 2 :早餐去食富宏牛肉麵，跟住1點半去到台北市兒童新樂園，玩到4點左右，call uber去陽明山屋頂上食晚飯，個景真係正，不過有小小凍。食完call返uber走
day 3 :11點左右去左money jump親子餐廳，有個旋轉木馬，都幾靚（唔知點解放唔到相)呢幾日閒日，去親子餐廳都好少人。2點走，返左西門町抖一抖。4點左右去華山文創園區睇巧虎既展覽。6點走，去左夏慕尼食鐵板燒，對上一次去係4年前，我覺得今次食好似好趕時間咁，除左主菜d野食整好晒，放喺後面架車度。不過整體都ok既食完就返西門町行下，訓教
day 4 :今日朝早去左程味珍食早餐，個魯肉飯幾好味，食完喺西門町買下手信，買左近排好多人比我食既鹹蛋麥芽餅，返房放低野，又同我個囡去江子翠站既貝兒絲樂園玩，可以玩全日，1599二大一細，有野食野一人一杯野飲，玩到唔願走。因為book左馬辣6點，5點半離開貝兒絲，食完馬辣就返民宿啦。
day 5 :我老公話要食返程味珍既魯肉飯做早餐，跟住就返民宿收拾行李，12點左右岀門口，今晚7點幾機，搭華航，所以就去左台北車站cheak in寄左行李先，咁就唔駛攞住行李周圍行。去左新光三越行左陣，去地下街又行左陣，2點幾去左食乾杯，食完就搭捷運去桃園機場。到既時候5點幾，就帶個囡去玩下sir滑梯等上機
發表於 
返回列表
