義工
查看: 2252 | 回覆: 10
3歲唔想跟我


大宅

國民生產總值:3468


發表於 18-3-19 00:02 |顯示全部帖子
個女3歲,細仔就1歲,自從細仔出世后,家姐開始行為倒退,最近仲成日發卑氣,小小事大喊,一喊喊唔停,又作對,我全職湊佢,但仲有個細要照顧,我已準量比時間個大,但有時佢太曳,我都炆,可能會鬧左佢,實在平行唔到,有時知佢夾醋,但我可以點做呢,慢慢講,氹,鬧都試過,其實我知佢好想爭番爸爸媽媽嘅唯一,有時會講唔要細路,其實我都好心痛,真係唔知點佢可以開心啲…我平衡,平均唔到兩個小朋友

王國熱話
幾時有八達通錶開倉
邊道有返學鞋開倉?
雅蘭床褥,清倉大減價
shoe box開倉


伯爵府

國民生產總值:16837


發表於 18-3-19 14:50 |顯示全部帖子

回覆樓主

每日起碼獨對大嗰個半小時, 抱住鍚住同佢傾計
平時小錯認吓, 大錯話少句, 幫到手就讚佢
我都係大3.5 細一歲, 一湊二冇人幫
我老公有話我成日話個大, 我只好收吓火認住(自己都要學吓情緒管理)
細仔一訓左我就去抱住個大陪吓佢, 間中同佢玩癲吓, 有時同佢一齊食吓零食, 話佢大個仔先有得食。 有啲甜頭比吓佢。
細仔有時都吓個大, 我會扮蟹話細佬, 叫佢唔可以虾哥哥。 抱住大仔時, 細仔有時會搶埋黎, 我會左一個右一個, 2個一齊抱住睇電視
間唔中當哥哥好似baby 咁抱佢, 鍚佢, 我成日都同佢講媽媽愛你。
暫時大仔都唔算太曵。 我又會叫佢鍚我/ 爸/ 細佬。 之後又推細鍚返哥哥
始終, 如果大仔係獨仔, 就算3歲都仲係baby , 唔可以迫佢一下子做左(哥哥), 或大人。 包容體諒吓佢啦


大宅

國民生產總值:3468


發表於 18-3-20 15:15 |顯示全部帖子
rachel_tim 發表於 18-3-19 14:50
每日起碼獨對大嗰個半小時, 抱住鍚住同佢傾計
平時小錯認吓, 大錯話少句, 幫到手就讚佢
我都係大3.5 細 ...

我都有咁,老公都係話我成日話個大嘅,唉…我都知自己有時真係情緒失控咁,有時氹完佢,佢又係咁,覺得自己好失敗,又炆自己,又比初激到屎,其實對住個大我好唔開心,唔開心係自己令到佢反叛咁,其實佢有時啲曳,我知係想忍我主意,我有,但我做嘅野佢明幾多,係咪我做得唔夠好唔好夠多,成日諗唔係有個細出現佢唔會咁,覺得自己處理唔到兩個小朋友如何取平衡點


伯爵府

國民生產總值:16837


發表於 18-3-20 15:33 |顯示全部帖子
sumpo 發表於 18-3-20 15:15
我都有咁,老公都係話我成日話個大嘅,唉…我都知自己有時真係情緒失控咁,有時氹完佢,佢又係咁,覺得自 ...

本帖最後由 rachel_tim 於 18-3-20 15:36 編輯

寫大大個忍字貼係家提醒自己吧
過到哩關好重要
細跟住個大, 大嗰個失控細都唔會好
先忍, 溫馨提示大女先, 搵野比佢做比佢忙, set返好個routine 比大家, 例如8點起身, 10點落街放電, 11: 點油吓顏色, 12點午餐, 2點午睡等等
佢可能太得閒, 我冇精神時就放卡通片抱住2個一齊坐, 大嗰個只係希望有人陪吓佢, 所以我坐係到睇電話/ 雜誌都得(間中應吓佢講野....)
如果係大錯我會要佢罰企, 我都話話佢, 但希望唔好變成句句語氣好差, 可能幾分鐘前話佢, 原諒返佢就要大家好聲好氣(大人如果嬲/惡好耐, 結果小朋友情緒都好負面)
記住: 佢地都係最愛既baby。 佢地小人仔都只係犯小錯, 何必執著
細嗰個只係要食訓屎(肉體需要),其實你陪住個大, 細嗰個係附近佢自己識玩, 大嗰個先更需要媽媽(精神上)



大宅

國民生產總值:3468


發表於 18-3-20 16:50 |顯示全部帖子
rachel_tim 發表於 18-3-20 15:33
本帖最後由 rachel_tim 於 18-3-20 15:36 編輯

寫大大個忍字貼係家提醒自己吧

其實我有時間已係比個大
但湊住個細,個細比較痴我
我想同個大做下啲文靜野坐定嘅,都難
不過有時湊到身心俱疲,我已冇再咁好耐性,自己知嘅


洋房

國民生產總值:71


發表於 18-5-6 01:52 |顯示全部帖子
sumpo 發表於 18-3-19 00:02
個女3歲,細仔就1歲,自從細仔出世后,家姐開始行為倒退,最近仲成日發卑氣,小小事大喊,一喊喊唔停,又作 ...

我就用洗腦形式,由細妹一出世就同佢講呢個係你既禮物,係你永遠既好朋友,叫佢幫手照顧細妹(例如換片幫手拎野,餵奶幫手拎奶樽,妹妹喊就引下佢咁)每次佢呷醋都會同佢講呢份禮物係只屬於佢一個,永遠既好朋友,而家妹妹都2歲半,平時相處都唔錯,反而啊妹知家姐會讓佢,仲識扮野


複式洋房

國民生產總值:113


發表於 18-5-8 15:44 |顯示全部帖子
我仔女相隔3年,呀哥依家4歲都好呷醋,連呀妹啲粥都要食埋,一人一塊餅,佢係都要咬呀妹嗰塊一啖。但我地出街都會只帶哥哥,傾計解釋好多次,但佢呢一年黎行為都無大進展,早幾日上一堂某教育機構既講坐,學佢地一套,反問小朋友,等佢地自己思考
例如,昨日我問:爸媽鍚唔鍚你?
哥答:鍚。
我:咁爸媽帶你出街多啲定妹妹多啲?
哥:帶我。
我:咁你話爸媽鍚邊個多啲?
哥:我
我:咁你可唔可以乖啲?
哥:可以
我:咁點樣可以乖啲?
哥:自己食飯,唔摟計
我:真係應丞可以乖啲?
哥:係,可以勾手指尾
我:咁爸媽鍚你多啲,你可唔可以幫爸媽鍚返妹妹?
哥:可以
咁勾完手指尾,呀哥真係自己坐定自己食飯,呀妹摟計佢仲攞架車仔比妹妹玩。


珍珠宮

國民生產總值:32898

2018勳章 BB防敏心得分享勳章


發表於 18-5-8 21:28 |顯示全部帖子
要多d贊下大果個,都要同你C6溝通下


子爵府

國民生產總值:13936


發表於 18-5-8 23:02 |顯示全部帖子
sumpo 發表於 18-3-19 00:02
個女3歲,細仔就1歲,自從細仔出世后,家姐開始行為倒退,最近仲成日發卑氣,小小事大喊,一喊喊唔停,又作 ...

其實你試下,單獨同個女相處會唔會有所改善


珍珠宮

國民生產總值:30134


發表於 18-5-12 23:12 |顯示全部帖子

回覆樓主

難免會顧此失彼,而且細b仲細,需要好多時間同精力放佢身上,其實做大果個真係有D可憐。媽媽難抽到身,不如等爸爸去彌補?


珍珠宮

國民生產總值:30134


發表於 18-5-12 23:13 |顯示全部帖子
wong8sister 發表於 18-5-8 15:44
我仔女相隔3年,呀哥依家4歲都好呷醋,連呀妹啲粥都要食埋,一人一塊餅,佢係都要咬呀妹嗰塊一啖。但我地 ...

呢個方法都幾好都係要慢慢做思想工作

你需要登錄後才可以回帖 登錄 | 註冊

© Baby-Kingdom.com Limited. All rights reserved.