吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 分享一下, 我上一胎的生產過程

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1603 | 回覆: 8

[2009年] 分享一下, 我上一胎的生產過程 [複製鏈接]

crystal888

男爵府

積分: 9006

1^#

發表於 09-3-19 15:27 |只看該作者 |倒序瀏覽 |打印

我估, 呢度有好多第一胎的MAMI, 我講下我生第一個時的嘢, 同大家分享一下呀.

楊小豬在威記的日子:

16 NOV 05 01:00AM

係屋企發覺穿水, 即急叫老公叫佢起身, 我強裝鎮定, 叫老公換衫同幫我取走佬袋. 我就打999 CALL 白車, 醫護員不消10分鐘就到. 咁我地就先去左那打素急症, 再去威記 7E 病房.

16 NOV 05 02:00AM

到達威記, 辦入院手續, 約十五分鐘後進入7E 病房. 而我就繼續穿水, 但流量唔係好多. 但我就唔覺得痛.

16 NOV 05 02:30AM

7E 姑娘幫我做了簡單檢查, 就叫我去換衫, 姑娘話探到開2 度, 咁之後就叫我訓係一張病床上, 無再同我交代下一步係點.

16 NOV 05 03:00AM

既然無講下步點做, 咁我就係病床上呼呼地睡著, 其間, 我有肚痛, 但我以為自己係因為係之前一晚食得太多生果, 急便便, 我唔識分係唔係陣痛.

16 NOV 05 04:00AM

個肚又痛, 咁去廁所, 又真係有便便出, 咁我諗真係普通肚痛, 唔係陣痛, 之後姑娘仲叫我叫老公走先, 而我又真係好純情, 叫老公返屋企.

16 NOV 05 05:00AM

咁我返上病床繼續訓, 其間個肚都係痛, 但係我都唔知係唔係陣痛, 因為我可以訓成半個鐘先痛一陣., 後來有個姑娘再幫我探, 佢話開左5度, 要落去, 咁我就係半夢半醒的情況下, 上左另一張床, 去到另一間病房, 個時, 大概係6 點有多啦.

16 NOV 05 06:30AM

姑娘將我推到另一間獨立的病房, 用了一些器材圍著我的肚子, 當時我都不知發生咩事, 繼續在半睡的狀態, 到大概7點多, 有醫生到場, 我先開始肯定自己係產房.

16 NOV 05 07:15AM

就係咁, 我就進入生產的過程, 過程就好似急便便, 我又唔夠力, 一路都推唔到阿楊小B出來. 其間, 就俾醫生鬧, 太太, 你一定要一口氣推BB出來, 你係度叫痛都無人幫到你, 講完呢句對白, 就無再見佢. 其間, 有姑娘問我要唔要笑氣, 我驚自己唔夠清醒, 我拒絕左.

16 NOV 05 07:45AM

姑娘交更, 我都係生唔到, 痛就繼續, 後來因為姑娘話阿B心跳唔係好正常, 嚇到我將一生的力量用晒, 使勁將阿B推出, 但係個姑娘竟然未READY. 咁又要等下次宮縮, 我就喊住同姑娘講, 姑娘, 你唔好行開, 我就得, 我知要用咩力, 但我真係無晒力啦, 你唔好走開, 我應該生到, 個姑娘見我咁, 即刻放好晒D布, 工具之類的東西, 而我就係佢搞掂之後, 再宮縮.

16 NOV 05 8:12AM

我就出力生, 姑娘利剪一揮, 我就生左楊小B出來啦, 佢一出世, 就大喊啦, 安樂晒. 而我就無晒力, 係病床上邊, 等醫生處理會陰傷口.

16 NOV 05 9:15AM

醫生終於搞掂, 其間, 我都有俾阿B啜母乳, 佢好乖, 試左幾下, 之後佢同我一樣, 繼續訓. 我之後就被推上8E 病房.

16 NOV 05 10:00AM

當時, 我都清醒, 上左8E之後, 姑娘幫我更換了衛生巾, 而爸爸終於都出現啦, 因為之前楊爸爸返左屋企, 佢都唔知我生左, 但佢起身之後, 話左俾我媽子聽, 佢兩個就約10點到左醫院, 由7E, 搵我, 搵唔到, 去產房再搵, 又搵唔到, 結果先知我生左, 係8E搵到我. 都算係咁啦, 之後係約七個鐘搞掂, 楊小B重2.595KG, 係男仔, 面圓圓, 都幾可愛.

0 0 0

小豬獻醜123

私人傳訊

YumiYumi

別墅

積分: 681

2^#

發表於 09-3-19 16:37 |只看該作者

睇完之後覺得你好似好易咁wor, 連笑氣都唔用真係犀利, 你好似大部分時間都係睡夢之中, 半夢半醒就生左, 都幾好呀.
我第一胎痛左10個鐘, 之後又話子宮頸腫, 又話bb心跳drop, 又話個頭打橫出唔到, 最後都要緊急開刀, 真係激死. 所以好佩服你順產.

私人傳訊

crystal888

男爵府

積分: 9006

3^#

發表於 09-3-19 17:16 |只看該作者

係呀, 個個都話我傻人有傻福. 其實, 上一胎, 同呢一胎, 可能又好唔一樣.

不過, 朋友話, 聞左笑氣, feel 唔到痛, 真係生唔到, 所以死忍囉.

小豬獻醜123

私人傳訊

cb_jackie

複式洋房

積分: 372

4^#

發表於 09-3-20 22:53 |只看該作者

我想順產, 但驚到最後自已唔生性, 無力生阿b, 到頭來要開刀, 咁就慘喇, 肚又痛, 會陰又痛,

[ 本帖最後由 cb_jackie 於 09-3-20 22:55 編輯 ]

柏曦5月19日出世喇

私人傳訊

daisyc1

大宅

積分: 2166

5^#

發表於 09-3-21 09:07 |只看該作者

好羨慕你呀! 咁容易就生咗亞b, 我就好擔心自已, 我都係第一胎, 而且仲係高齡產婦, 而家好驚自己唔夠氣力生亞b呀! 如果可以好似你咁就好啦!

私人傳訊

crystal888

男爵府

積分: 9006

6^#

發表於 09-3-23 12:08 |只看該作者

呵呵, 其實我post 出來, 係希望大家輕鬆一下, 唔好太擔心生產的過程, 因為真係擔心都無用, 入到去係點都唔知, 中間好多變數.

可能我今胎, 又唔係咁, 不過, 盡量輕鬆D囉, 平時, 多D做下運動. 我上一胎, 都係成日周圍行下, 又上落樓梯, 現在住村屋, 日日係屋裡面上落一下樓梯, 加強一下自己的體力, 希望有幫助到時, 生得好D.

各位第一胎的MAMI, 真係唔好太驚, 太驚仲易令到自己生唔到架. 到其時, 要捱一刀就唔好啦.

另外, 剪會陰果一PART, 係俾人剪左都唔知架, 因為你PUSH 阿B 出來時, 都已經係幾痛, 果一下, 你都唔知剪左架. 嘻嘻, 講到好似無咩咁.

小豬獻醜123

私人傳訊

momolies

複式洋房

積分: 367

7^#

發表於 09-3-24 10:45 |只看該作者

係呀, 唔使驚會陰痛架, 其實生產中肚痛已經遮蓋哂其他痛架啦, 但BB一出來, 就好似大完便咁...舒服哂, 咩都冇哂FEEL, 所以大家記得先前休息充足, 到有人叫出力就一道力迫BB出來就得啦. 我上胎成日諗住"人人都咁生, 冇理由自己唔得既", 結果第二度力就生左BB啦!大家努力啊, 而家開始行多D啦!

.....祝大家產程順利.....

私人傳訊

HimHim_MaMa

別墅

積分: 719

8^#

發表於 09-3-25 15:53 |只看該作者

大家唔洗擔心喎!
我兩樣都試哂, 只是2008年1月生之嘛.

陣痛-->見紅-->入院-->穿水-->大痛-->
BB心跳唔正常(姑娘格2句鐘共看3次)-->
醫生話做手術(大痛足足痛咗6,7句鐘)

當時只想唔好再痛同 BB一定要安全及健康.
其他嘢都諗唔到了~~~~~~
結果BB健康, 自己亦都好開心

現在我又生第二胎了.
一切無有怕地享受陀BB在肚裡郁及"打思憶"

~生產全程都會在24小時內結束~
大家努力及放心吧!