義工

自由講場 今日: 3669|主題: 988360

123
跳至
查看: 1397 | 回覆: 40
想問好耐:有養狗嘅你請入


大宅

國民生產總值:1939


發表於 18-4-18 09:24 |顯示全部帖子
本帖最後由 kwclau 於 18-4-18 09:26 編輯

我從未養過狗。請問:
1. 狗狗鍾意lam你面或手的話,怕唔怕啲口水?
2. 有無比隔離屋投訴有狗味,或狗吠聲?
3. 狗狗會唔會咬爛傢俬或靚衫靚袋或毛公仔?
4. 狗狗痾完大小(假設佢toilet trained,識去厠所痾),pat pat 會唔會仲痴住啲排洩物? 跟住禽上你大比或梳化,咁覺唔覺得污糟?
5. 狗狗食野會唔會食到一地都係?惹曱甴?
6. 狗狗有病或離開時,會唔會好擔心/傷心?
7.有無其他野新手要注意?

多謝意見。


水晶宮

國民生產總值:56861


發表於 18-4-18 09:29 |顯示全部帖子
kwclau 發表於 18-4-18 09:24
我從未養過狗。請問:
1. 狗狗鍾意lam你面或手的話,怕唔怕啲口水?
2. 有無比隔離屋投訴有狗味,或狗吠聲?
妳係想養狗 ?? 停一停, 諗人諗先好喎 !!!


大宅

國民生產總值:1939


發表於 18-4-18 09:31 |顯示全部帖子
pbpk03845784 發表於 18-4-18 09:29
妳係想養狗 ?? 停一停, 諗人諗先好喎 !!!

唔會係短期,而家屋苑唔養得。放心,我一定唔會亂嚟。


珍珠宮

國民生產總值:31998

HiPP勳章(1) 2018母親節勳章


發表於 18-4-18 09:37 |顯示全部帖子
kwclau 發表於 18-4-18 09:24
我從未養過狗。請問:
1. 狗狗鍾意lam你面或手的話,怕唔怕啲口水?
2. 有無比隔離屋投訴有狗味,或狗吠聲?

1. 狗狗鍾意lam你面或手的話,怕唔怕啲口水?
愛佢的話唔會怕,不過當然有人話唔好比佢lam臉 (嘴) 會有菌。

2. 有無比隔離屋投訴有狗味,或狗吠聲?
冇。

3. 狗狗會唔會咬爛傢俬或靚衫靚袋或毛公仔?
會咬牆。

4. 狗狗痾完大小(假設佢toilet trained,識去厠所痾),pat pat 會唔會仲痴住啲排洩物? 跟住禽上你大比或梳化,咁覺唔覺得污糟?
每次都會幫佢抹patpat。

5. 狗狗食野會唔會食到一地都係?惹曱甴?
唔會。

6. 狗狗有病或離開時,會唔會好擔心/傷心?
一定會。

7.有無其他野新手要注意?
諗清楚先好養,一養就要照顧佢一世。


男爵府

國民生產總值:6812


發表於 18-4-18 09:42 |顯示全部帖子
kwclau 發表於 18-4-18 09:24
我從未養過狗。請問:
1. 狗狗鍾意lam你面或手的話,怕唔怕啲口水?
2. 有無比隔離屋投訴有狗味,或狗吠聲?

1. 我覺得睇隻狗既性格 我果隻唔會lam人
2. 我養果隻係史納莎冇咩狗味喎 但吠呢就真係有人行過會吠兩野 同埋我或其他家人返到屋企會狂吠歡迎 除此之外都唔會亂吠 所以冇人投訴過
3. 我有買狗狗玩具同埋d狗狗零食骨佢咬 所以我果隻從未咬爛野 除左佢偷食我地d麵包同生果
4 如果隻狗肚痾就會pet pet仲痴住啲排洩物 一般唔會
5. 我果隻狗狗食得好乾淨 如果跌左野食落地會自己食埋
6. 狗狗有病或離開時,會唔會好擔心/傷心? 呢個就一定㗎喇
7.有無其他野新手要注意? 真係諗清楚自己既居住環境同家人支唔支持養狗 因為係一世 仲有就係佢地老左真係會洗好多錢係醫療上 自己負唔負擔到


大宅

國民生產總值:2934


發表於 18-4-18 09:43 |顯示全部帖子
1. 狗狗鍾意lam你面或手的話,怕唔怕啲口水? <- 俾佢 LAM 完, 如果要食野既未洗手咯. ( 我教左隻狗唔LAM 我個咀, 最多LAM 我下巴, 我又覺得 OK, 之後洗返就得啦) 佢鍾意你先會LAM 你.

2. 有無比隔離屋投訴有狗味,或狗吠聲? <- 睇下你點教, 我隻狗本身都會吠, 老公用左1星期教到佢唔吠, 而家一個月平均吠少過5次, 其實唔過份既, 無人會投訴. 狗味既KEEP 住清潔咯, 如果係屋入面大小便, 咁你要清潔得快D , 用D除味既野清潔屋企, 保持空氣流通. ( 我屋企有2隻大狗, 但唔係室內大小便, 所以無咩味)
3. 狗狗會唔會咬爛傢俬或靚衫靚袋或毛公仔? <- 會. 我沙發都換左3張. ( 佢地細個個陣特別鍾意咬野, 衫同袋同公仔都要自己收好, 我都俾佢咬爛過小小) 佢地大左之後會好D.
4. 狗狗痾完大小(假設佢toilet trained,識去厠所痾),pat pat 會唔會仲痴住啲排洩物? 跟住禽上你大比或梳化,咁覺唔覺得污糟? <- 應該唔會, 佢地痴住既, 自己仲唔舒服過你, 你見到應該幫佢搞掂先. (我個2隻係出街痾的, 痾完返到屋企會即刻幫佢地清潔好)
5. 狗狗食野會唔會食到一地都係?惹曱甴? <- 唔會, 佢地會LAM 返乾淨
6. 狗狗有病或離開時,會唔會好擔心/傷心? <- 應該一定會啦.
7.有無其他野新手要注意? <- 養之前真係要諗清楚, 做個負責任的主人, 如果做唔到每日放狗既, 我覺得你唔好養. 同埋, 養左之後去旅行無以前咁方便, 我自己會放係屋企人度幫我睇住, 朋友會放狗酒店, 佢地同貓唔同, 唔可以放係屋度幾日唔理.
另外, 建議你做左狗義工先, 可以去SAA 度幫下手放狗, 接觸多D 狗狗, 放下狗, 幫佢地清潔下大小二便, 之後先再決定養唔養吧.


大宅

國民生產總值:4123


發表於 18-4-18 09:48 |顯示全部帖子

回覆樓主

你好concern衛生問題,狗嘅便便好大,我第一次處理直頭反胃(領養成犬)。另外,建議你睇訓犬書先,好多都唔suggest俾狗狗上床,加埋便後幫佢抹pat,應該問題唔大。


大宅

國民生產總值:1038


發表於 18-4-18 09:51 |顯示全部帖子
1. 狗狗鍾意lam你面或手的話,怕唔怕啲口水?唔怕, 不過最好唔會放條利入我個口...


2. 有無比隔離屋投訴有狗味,或狗吠聲?
我隻husky, 俾人話過佢狼叫... 自從之前隻狗過左身, 要keep住有人o係屋企陪佢, 咁就唔會慘叫... 佢好怕寂寞...


3. 狗狗會唔會咬爛傢俬或靚衫靚袋或毛公仔?
sofa, 櫃都爛... 唔想佢咬一定要放房再關門


4. 狗狗痾完大小(假設佢toilet trained,識去厠所痾),pat pat 會唔會仲痴住啲排洩物? 跟住禽上你大比或梳化,咁覺唔覺得污糟?
少, 除左痾爛屎...


5. 狗狗食野會唔會食到一地都係?惹曱甴?
唔好, 佢好鍾意乾淨, 不過自己都要勤d吸塵拖地


6. 狗狗有病或離開時,會唔會好擔心/傷心?
一定會... 之前隻狗15歲走左, 喊足一星期, 過左2年, 依然會掛住到喊..


7.有無其他野新手要注意?
一養左, 當佢家人, 無論點都唔可以放棄!!



珍珠宮

國民生產總值:47932

2018勳章 醒目開學勳章 畀面勳章


發表於 18-4-18 09:52 |顯示全部帖子
kwclau 發表於 18-4-18 09:31
唔會係短期,而家屋苑唔養得。放心,我一定唔會亂嚟。
妳係將會搬去可以養狗的居所而計劃養狗嗎? 係嘅真係恭喜呀! 我都好想養,無奈大廈公契唔容許。否則恕我直言,點解明知唔可以養都要養呢? 到時打算偷偷摸摸養,要狗狗戴滅聲頸帶防止吠叫、半夜冇人時才放狗? 定係大模斯樣,有人投訴時就用"可憐無辜的小毛孩"去搏愛心人仕撐妳遺規養狗合法化呢?
孩子之心有如泥膠,當它還是柔軟可塑時,請好好把握時間,塑造你心中所愛。「忙碌」、「疲倦」永遠不是好借口,孩子大得很快,今日拿不出時間會變成明日的遺憾!


子爵府

國民生產總值:11471


發表於 18-4-18 09:53 |顯示全部帖子
kwclau 發表於 18-4-18 09:24
我從未養過狗。請問:
1. 狗狗鍾意lam你面或手的話,怕唔怕啲口水?
2. 有無比隔離屋投訴有狗味,或狗吠聲?

醫療係好大考慮之一,我朋友狗狗骨折,用咗十萬醫療費


大宅

國民生產總值:4642


發表於 18-4-18 10:01 |顯示全部帖子
beauty_shanshan 發表於 18-4-18 09:43
1. 狗狗鍾意lam你面或手的話,怕唔怕啲口水?
請問點訓練佢唔吠, 我用左好多方法, 佢都仲係見到其他狗, 小朋友就吠人叫人同佢玩, 又或响房時聽到房外有聲就會吠,不過以上情況不算嚴重


大宅

國民生產總值:2124


發表於 18-4-18 10:03 |顯示全部帖子

回覆樓主:

最重要現在住既地方一定可以養狗,之後就算遇到幾大問題都要不離不棄,你覺得自己真係可以做到先養狗,一養就是十幾年,而且狗狗老年會用好多醫藥費,獸醫真係好貴,一定要考慮清楚自己既能力


大宅

國民生產總值:4642


發表於 18-4-18 10:05 |顯示全部帖子
kwclau 發表於 18-4-18 09:24
我從未養過狗。請問:
1. 狗狗鍾意lam你面或手的話,怕唔怕啲口水?
2. 有無比隔離屋投訴有狗味,或狗吠聲?
其實上述問題好多係睇你自己想點同有無教佢, 例如你勤唔勤幫佢清潔或清潔家居, 你有無教佢或俾足夠玩具及活動俾佢等等, 如果你有心照顧好佢同教好佢, 以上都唔係問題。但要有決心無論如何都要照顧到佢終老, 永遠唔會離棄佢。


版主

國民生產總值:131872

2018勳章 夏天玩到顛 好媽媽勳章 醒目開學勳章 畀面勳章 版主 2011精緻種植勳章 環保接龍勳章 大廚勳章 BK猜猜猜慶中秋 BK Milk勳章


發表於 18-4-18 10:05 |顯示全部帖子

回覆樓主

1. 狗狗lam唔lam人係習慣,我隻唔lam
2. 狗狗吠要train。我住市區接受唔到佢騷擾人,所以一早教佢唔可以喪吠。狗種會影響體味,狼狗八哥出名大味,貴婦就少味唔甩毛
3. 睇習慣
4. 會抹pat架嘛,反而覺得貓用貓砂仲污糟。咁狗日日落街,你又接受到嗎?
5. 鯊魚咁一粒都無剩,惹咩鬼
6. 養得寵物就預左呢一日,人生一部分啦!我養鼠兩年就瓜,真係要有心理準備。醫藥費用都要有承擔
7.養狗,預一日落街兩次,打風落雨落雪都不改;狗仔唔舒服,主人即日請假,老闆可能會唔鐘意


版主

國民生產總值:131872

2018勳章 夏天玩到顛 好媽媽勳章 醒目開學勳章 畀面勳章 版主 2011精緻種植勳章 環保接龍勳章 大廚勳章 BK猜猜猜慶中秋 BK Milk勳章


發表於 18-4-18 10:09 |顯示全部帖子
tttt709394 發表於 18-4-18 09:48
你好concern衛生問題,狗嘅便便好大,我第一次處理直頭反胃(領養成犬)。另外,建議你睇訓犬書先,好多都 ...

咁養細狗啦,我養poodle督屎好細


珍珠宮

國民生產總值:34866


發表於 18-4-18 10:20 |顯示全部帖子

回覆樓主

1. 狗狗鍾意lam你面或手的話,怕唔怕啲口水?面我唔比lam, 我狗都知唔可以,但佢會情不自禁偷lam我一啖,手我比佢lam, lam完洗手,我養3隻對其中一隻狗口水敏感,要1年先適應到佢。
2. 有無比隔離屋投訴有狗味,或狗吠聲?每星期沖涼沒有味,沒有投訴,會教狗仔唔好嘈。注意某啲狗種很大味
3. 狗狗會唔會咬爛傢俬或靚衫靚袋或毛公仔?第一年會,小朋友牙痕咬爛梳化腳枱腳牆身及鞋。第二年開始唔咬野只玩公仔。
4. 狗狗痾完大小(假設佢toilet trained,識去厠所痾),pat pat 會唔會仲痴住啲排洩物? 跟住禽上你大比或梳化,咁覺唔覺得污糟?注意腸胃健康便便很靚不會濕pat pat, 佢痾完最好抹一抹pat。但總會有腸胃唔舒服的時間,你有心理準備可能成屋屎尿再跳上梳化,結果全屋大洗。我3隻狗10歲開始腸胃差左,我大洗屋幾次了,我當減肥。
5. 狗狗食野會唔會食到一地都係?惹曱甴?唔會,食野乾淨過你,你跌餅碎幫你清埋
6. 狗狗有病或離開時,會唔會好擔心/傷心?佢病你會精神崩潰,你當照顧人咁,老左又會老人病行唔到會瀨屎尿,睇次醫生最少1千,照下驗下3-5千,入院1萬起計。狗如同親人,想像下佢離開會點。當年我出嫁都攬住娘家狗喊幾次。
7.有無其他野新手要注意? 冇咩野唔好養,我呢3隻百年歸老後我唔會再養了,心力精力付出太多,我好愛佢地,但同時我又好想有自由,好想休息懶一下,養狗去旅行都唔放心,責任一生一世,停一停諗一諗。


大宅

國民生產總值:1939


發表於 18-4-18 11:27 |顯示全部帖子

回覆樓主:

好多謝大家發言。成日睇HKDR 之類的網頁,好想領養啲大年紀嘅唐狗,比佢地安享晚年。我自問愛心夠,財力都OK,只是無時間日日帶佢出去walk。可能過幾年搬屋的話,搵到有天台的樓,再計畫一下。我心只係想盡量幫到啲狗狗,要養都一定會係領養。


別墅

國民生產總值:837


發表於 18-4-18 11:31 |顯示全部帖子

回覆樓主:

我覺得你甘問得,吾養好啲


大宅

國民生產總值:4123


發表於 18-4-18 11:39 |顯示全部帖子
kwclau 發表於 18-4-18 11:27
好多謝大家發言。成日睇HKDR 之類的網頁,好想領養啲大年紀嘅唐狗,比佢地安享晚年。我自問愛心夠,財力都O ...

老狗真係少人要,多謝你


侯爵府

國民生產總值:24122

2018勳章 熱血勳章 畀面勳章 陪月勳章


發表於 18-4-18 11:42 |顯示全部帖子
1. 狗狗鍾意lam你面或手的話,怕唔怕啲口水?
- 完全唔介意
2. 有無比隔離屋投訴有狗味,或狗吠聲?
冇喎, 當然自己要注重清潔
3. 狗狗會唔會咬爛傢俬或靚衫靚袋或毛公仔?
BB時候可能會, 成犬後好少, 唔想俾狗狗咬到既嘢應該放喺佢掂唔到既地方
4. 狗狗痾完大小(假設佢toilet trained,識去厠所痾),pat pat 會唔會仲痴住啲排洩物? 跟住禽上你大比或梳化,咁覺唔覺得污糟?
開完大, 可以幫佢抹下pat pat, 唔覺污糟
5. 狗狗食野會唔會食到一地都係?惹曱甴?
狗狗食嘢lam得好乾淨, 佢一日都係食一至兩餐正餐, 即使污糟, 主人都可以幫佢清理, 點會惹曱甴, 反而我覺得有動物味, 少d昆虫爬入屋
6. 狗狗有病或離開時,會唔會好擔心/傷心?
除非唔愛佢, 否則都會擔心/傷心
7.有無其他野新手要注意?
諗下你往後人生既計劃係唔係即使係不同階段, 生活有不同變化, 都可以同狗狗一齊, 不離不棄, 只要存丁點懷欵保留, 都不宜養狗或寵物

123
跳至
你需要登錄後才可以回帖 登錄 | 註冊

© Baby-Kingdom.com Limited. All rights reserved.