意見反饋
義工

少年成長 今日: 5|主題: 14691

查看: 1578 | 回覆: 0
教仔女各自為政


男爵府

國民生產總值:5858

2018勳章


發表於 18-7-15 14:24 |顯示全部帖子
本帖最後由 csir3290 於 18-7-15 14:24 編輯

昨日出街食飯嘅時候隔離枱又係有個小朋友喺度不停扭計唔食飯,其實我聽唔清楚因乜嘢事扭計,只係聽到個媽媽 好堅定咁同個仔講,扭都係冇用如果唔食嘢就走。期間見到個爸爸揸住個碗想餵個小朋友食嘢,但個小朋友仲係喺度扭,個媽媽同個爸爸講唔使餵佢,最後個媽媽真係同個小朋友離開咗間餐廳。我老婆後來同我講話好慶幸我哋對仔女都冇試過喺街度咁樣扭計,我話因為佢哋知道扭都係冇用同埋扭計將會更大件事。其實有陣時都會諗幸好我同我老婆喺教仔女嘅理念上面都幾一致,從來都冇試過因為教仔女而有啲乜嘢拗撬,如果唔係阿仔阿女可能冇而家咁聽話。好多時我同我老婆都會發揮互補嘅作用,當我教緊阿仔女或者罰緊佢嘅時候,有陣時為咗唔畀自己再嬲落去都要冷靜一下,好多時呢個時候我老婆就會出手,問阿仔阿女知唔知自己做錯乜嘢,做錯嘢要點。經過我老婆同佢哋解釋之後好多時佢都會再自動自覺走嚟同我道歉。我覺得作為家長當教緊仔女嘅時候最唔想聽到嘅一句說話就係自己嘅伴侶當住仔女面前同自己講你做乜咁話對仔女啫。我總覺得父母喺教養子女嘅時候,無論你同唔同意都好,但係喺仔女面前都一定要表現得一致,因為當唔一致嘅時候,尤其係一個鬆啲一個個緊啲,啲仔女就會知道點樣可以避重就輕。當父母嘅價值觀或者方法唔一致嘅時候,仔女就變得無所適從。究竟乜嘢係啱乜嘢係錯,亦都好容易令到仔女混淆。 如果淨係父母教可能都仲容易啲,但當湊小朋友嘅人加埋老人家,工人同埋父母,如果咁多個人嘅理念或者方法都唔一致嘅時候,仔女就更加容易混淆。佢哋亦都會更加知道當有事嘅時候要搵邊個,點樣可以冇咁容易畀人罰。另外如果萬一出現一方唔同意另一方嘅教導方法嘅時候,就算點唔同意都好都唔應該喺仔女面前出現分歧,就算唔同意都寧可唔好出聲,由得一方自己去教,當仔女瞓咗或者自己兩個單獨相處嘅時候先至慢慢再傾清楚。小朋友係好聰明亦都學得好快,當你喺佢面前咁樣樣爭拗嘅時候佢就會知道當自己做錯野俾人話嘅時候就要搵另外一方,咁到頭來根本就教唔到仔女。 更加唔好以為喺仔女面前一個經常做好人一個經常扮演醜人嘅角色就可以教好仔女。教仔女 一啲都唔簡單,小朋友愈細個開始教就越容易教,但係作為父母喺教導子女嘅理念同方法上面,真係要喺小朋友未出世嘅時候就要大家傾清同埋大家諗清楚點樣教,如果唔係當壞習慣養成咗嘅時候你想教都會變得非常困難,所有有份教導同照顧小朋友嘅人,如果方法同理念一致小朋友就會更加容易受教,容易養成良好嘅習慣,教導仔女父母一定要互相支持如果唔係到最後受害嘅都係自己對仔女。

王國熱話
舉報賣廣告
有無妯娌關係
iphone睇bk好侄
有冇jm收到呢個訊息

你需要登錄後才可以回帖 登錄 | 註冊

  • 搜 尋
  • APP
  • 網 站
© Baby-Kingdom.com Limited. All rights reserved.