意見反饋
義工

0-6個月 今日: 15|主題: 28333

查看: 9563 | 回覆: 18
點分「猛長期」定「口腔期」?


大宅

國民生產總值:2504


發表於 18-7-20 20:38 |顯示全部帖子
個半月大奶粉B, 前兩晚都可以瞓過夜,諗住戒夜奶,但昨晚半夜比佢啜拳頭嘅聲嘈醒,見佢合埋眼想啜拳頭,但時啜到時啜唔到而忟憎開始喊,就唯有餵奶。佢喊嘅時候也剛好在平日餵食嘅時間咁上下。今日日間剛剛食完奶,果頭就係咁瞓,有時仲食到尾已瞓著,比平日瞓得多,點叫都唔醒,一瞓醒但未到下餐奶時間又啜拳頭,暫時都係唔理佢喊,跟返每4小時一餐時間表。因為唔識分佢係肚餓定只想要搵野咬,所以想問吓點分?謝謝!

王國熱話
求救!!!慢性乳腺炎,有姊妹可以分享下嗎!?
生左粉瘤
朱古力瘤手術後
有冇媽媽做過痔瘡水解技術?


男爵府

國民生產總值:6418


發表於 18-7-20 21:58 |顯示全部帖子
babyfung61 發表於 18-7-20 20:38
個半月大奶粉B, 前兩晚都可以瞓過夜,諗住戒夜奶,但昨晚半夜比佢啜拳頭嘅聲嘈醒,見佢合埋眼想啜拳頭,但 ...

第三周,第六周,三個月,六個月,九個月都系猛長期
半夜易醒,煩躁不安,都系猛長期特徵


珍珠宮

國民生產總值:36692


發表於 18-7-21 16:04 |顯示全部帖子
dxf920 發表於 18-7-20 21:58
第三周,第六周,三個月,六個月,九個月都系猛長期
半夜易醒,煩躁不安,都系猛長期特徵
...

原來有咁回事,我當時有比奶咀所以都唔識分。


翡翠宮

國民生產總值:87363

BB防敏心得分享勳章


發表於 18-7-21 23:01 |顯示全部帖子
三個月前BB,我無特別幫佢戒夜奶。


別墅

國民生產總值:591


發表於 18-7-21 23:17 |顯示全部帖子
dxf920 發表於 18-7-20 21:58
第三周,第六周,三個月,六個月,九個月都系猛長期
半夜易醒,煩躁不安,都系猛長期特徵
...

例如第三、第六個月,係成個月都猛長?定只係其中一個星期?


大宅

國民生產總值:2504


發表於 18-7-22 08:03 |顯示全部帖子
回覆 dxf920 的帖子

謝謝!!但唔識分佢係想食野定係口痕要咬野。因為比奶咀佢都會啜,比奶佢飲佢又會照飲⋯
個時間係剛好兩餐之間或半夜,所以唔知點。


大宅

國民生產總值:2504


發表於 18-7-22 08:15 |顯示全部帖子
回覆 haha748494 的帖子

我對夜奶唔抗拒,覺得仲可以確保BB唔會餓親,飲食時間也規律好預一點。但係先生返工,由於我地同BB同房,佢唔想我餵夜奶時有機會搞醒阿B瞓唔返而嘈醒佢,佢又成日提及話身邊D朋友個個B都咁上下戒到夜奶,我因此事同佢吵過幾次,佢係都要試,所以唯有試戒夜奶,暫時仲試緊。不過實際唔係好清楚點戒,睇過好多帖,有唔同戒法。而家直情由6餐變5餐,但食量除左臨瞓前果餐比多半安外,其餘餐量同之前一樣無變,唔知咁樣有無問題⋯好多野唔sure, 因全職湊B, 又無時間睇和問咁多,好矛盾和無助。


大宅

國民生產總值:2149


發表於 18-7-22 08:45 |顯示全部帖子
babyfung61 發表於 18-7-22 08:15
回覆 haha748494 的帖子

我對夜奶唔抗拒,覺得仲可以確保BB唔會餓親,飲食時間也規律好預一點。但係先生返 ...

戒夜奶冇得迫亦冇特別方法,bb生理自然調節到會自己戒,我女滿月多少少自己戒左,我冇刻意同佢戒,但如果佢半夜肚餓醒左都係要俾奶食,一係你可以試下訓前個餐俾飽D,等bb訓耐少少,等佢自己慢慢調節


珍珠宮

國民生產總值:40017


發表於 18-7-22 11:28 |顯示全部帖子
RubyYu07 發表於 18-7-21 16:04
原來有咁回事,我當時有比奶咀所以都唔識分。

我都係而家先知道,原來係咁


複式洋房

國民生產總值:282


發表於 18-7-22 13:42 |顯示全部帖子

回覆樓主

我大女同細仔都無特別幫佢地戒夜奶,兩個都係全埋身喂,大女兩個半月時突然有一晚可以連訓6個鐘,之後就開始慢慢戒左夜奶,細佬就個半月到又係突然有一晚連訓6個鐘,而家2個月,有時訓到5個鐘,有時6個半鐘,都開始慢慢戒緊。但我都覺得如果半夜醒左bb要食都要喂,因為佢地有機會係猛長期,身體成長需要而食,又有可能吽牙仔又需要多d營養同能量。


翡翠宮

國民生產總值:87363

BB防敏心得分享勳章


發表於 18-7-22 15:22 |顯示全部帖子
回覆 babyfung61 的帖子

好明白,同為全職媽媽,大家加油吖。


男爵府

國民生產總值:6418


發表於 18-7-22 21:27 |顯示全部帖子
fogo766 發表於 18-7-21 23:17
例如第三、第六個月,係成個月都猛長?定只係其中一個星期?

其中一個星期。但可能有些bb從此大食左。


男爵府

國民生產總值:6418


發表於 18-7-22 21:29 |顯示全部帖子
babyfung61 發表於 18-7-22 08:03
回覆 dxf920 的帖子

謝謝!!但唔識分佢係想食野定係口痕要咬野。因為比奶咀佢都會啜,比奶佢飲佢又會照飲 ...

比奶嘴照啜,因為肚餓,當奶嘴系安撫。但仍會煩躁不安
照你的描述,一定系猛長期導致啼哭不止煩躁不安


男爵府

國民生產總值:6418


發表於 18-7-22 21:33 |顯示全部帖子
babyfung61 發表於 18-7-22 08:15
回覆 haha748494 的帖子

我對夜奶唔抗拒,覺得仲可以確保BB唔會餓親,飲食時間也規律好預一點。但係先生返 ...

聽你所言,你老公真系無育兒知識。點可以因為自己要訓覺,而漠視初生嬰兒的飲食需要?
一味顧及自己舒適,半夜不按wbb身體所需進行餵哺,第時影響bb身體發現。日後如果bbw生長緩慢過瘦弱,佢就唔要責怪他人


大宅

國民生產總值:2504


發表於 18-7-22 22:36 |顯示全部帖子
回覆 asukav6 的帖子

係嘅,我明白,也同意。會晚餐增量試試效果,阿B半夜醒也會照比佢食的。有時男人萌塞唔知可以點令佢地開竅。


大宅

國民生產總值:2504


發表於 18-7-22 22:47 |顯示全部帖子
回覆 80smum 的帖子

你點發現佢地可連瞓?我唔太肯定其他媽媽們對發現寶寶連瞓是如何定義,因為我睇好多帖都見D媽媽話發現BB連瞓就可戒。係唔係本來凌晨果餐你打算叫醒佢食奶,但見佢唔醒,可以瞓住食或唔願起身,就知道BB可以連瞓下去了?因為我發現較早前凌晨果餐餵B時,佢係朦朧中食奶,食完接住瞓。


大宅

國民生產總值:2504


發表於 18-7-23 08:55 |顯示全部帖子
回覆 dxf920 的帖子

我先生真係幾自私,可以有得阿B一直喊,佢大人就繼續瞓仲打埋鼻寒!我問,點解阿B喊成咁,佢都可以瞓到,佢話有得佢喊吓先,喊攰會瞓,或者真係喊得太耐先氹,我話:「你自己都瞓到一直扯鼻寒,咁又點留意到阿b喊得耐唔耐啫?!」佢就無聲出,或發我晦氣!原來有時結咗婚都未必會睇清一個人,而係要生咗B時先會知。


複式洋房

國民生產總值:282


發表於 18-7-23 16:40 |顯示全部帖子
babyfung61 發表於 18-7-22 22:47
回覆 80smum 的帖子

你點發現佢地可連瞓?我唔太肯定其他媽媽們對發現寶寶連瞓是如何定義,因為我睇好多帖 ...

我唔知其他bb既情況係咪同我對仔女一樣,所以我只係分享番我仔女既情況比你呀,佢地兩個都係夠鐘就會自己喊食既bb,所以未戒夜奶時,佢地都會隔2-2.5小時就喊食,然後一個月到就慢慢半夜會隔3個鐘先喊食,再之後突然有一晚全晚都無喊,一覺訓6個鐘先喊食,跟住如果成個星期都6個鐘先喊食,咁就開始戒夜奶喇,我女同我仔既情況都係一樣,另外因爲我地係同房不同床,同埋我都幾醒訓 所以佢一喊我就會即刻醒,而佢可以連訓6個鐘既第一晚,我都有2.5鐘自己會紮醒,可能身體慣左,見佢仲訓得好林,咁我就繼續訓,到第二朝佢既喊聲嘈醒我,我就發現佢連訓左6個鐘。


大宅

國民生產總值:2504


發表於 18-7-24 15:02 |顯示全部帖子
回覆 80smum 的帖子

原來係咁嘅, 咁我明白喇! 我個B就係時得時唔得瞓過夜。

你需要登錄後才可以回帖 登錄 | 註冊

© Baby-Kingdom.com Limited. All rights reserved.