懷孕前後 今日: 0 | 主題: 330561

積分: 1510

1^#

發表於 18-7-27 15:57 |只看該作者 |倒序瀏覽 |打印

本帖最後由 elingfu 於 18-7-27 16:22 編輯

生完十日好想打個作為紀錄
七月十六日早上八點第41週0天呢日食個靚早餐就入院進行催生了小b太舒服無論我點青蛙蹲佢都唔出黎
入到醫生換衫磅重就要同老公byebye了我係訓近窗的產前房熱屎我入到去其他病床有不同的媽媽可能係陣痛中或見紅或穿水
等到九點幾十點醫生巡房先進行內疹看子宮的成熟度及塞藥
總共有兩個醫生一個應該係實習嘅一個就資深嘅實習嘅俾我個子宮3分而資深嘅就比我個子宮5分真係好大差別總之我子宮話要7分先落去催生俾佢地內疹完下體唔舒服同見紅了中間又有啲實習學生嚟跟啲護士學摸bb位聽心跳當佢哋去摸你個頭嘅時候係有啲緊張有啲怕羞嘅隔左一個鐘左右一位男醫生幫我塞藥又有四個實習學生睇住我真係超尷尬塞完藥仲要博心跳機聽一個鐘由於BB係肚入面瞓覺姑娘話拎唔到數據用咗個儀器叫醒BB 要在量多半個鐘我就一邊餓多半個鐘因為個時係中午飯時間
中間我都有啲好疏既肚痛咁啦但痛既程度係可接受的
而附近床都有換人有啲開左度數可以落產房轉個頭又換一個新媽媽我發現床位真係幾緊張咁五點半探病時間老公黎左我又開始痛啲了挨住老公傾左陣佢七點半又要走又留返我一個孤伶伶喺度到夜晚嗰時其實已經唔痛我對面床嘅女人又朝頭早八點痛到夜晚三四點中間不停呻吟同叫痛但係佢嘅鎮痛好唔規則真係直到三四點先可以去產房我就一邊愈黎愈緊張我訓又訓唔好
第二日（7月17日）醫生問我有無陣痛我話無咩佢話咁有可能要塞多日藥喎啲藥係令子宮成熟而可以進行催生的點知一摸又話ok喎可以今日催生我既開心又緊張拿拿聲腥信息同老公朋友講我要催生了因為落到產房就冇得開電話由於我係唔痛我係自己行落產房而另一個媽媽就係推落去
去到產房每人分配一間房換好衫訓上床駁左好多機有啲係滴藥水既仲有落抗生素既因為我中左b鏈有啲就監察你陣痛同埋BB郁動總之就好似五花大綁咁係張床到啦十一點左右開始我依家唔太記得啲程序大約係人手穿水同埋滴催生藥人手穿水之後有好大暖流流落嚟我心諗樓咁多水驚唔驚㗎真係想快快手生完離開間房一開始未點痛護士拎左本止痛方法既書俾我睇話一陣痛到無心情睇架了
慢慢點幾開始八分中開始一次陣痛仲捱到用呼吸法過左陣護士黎話陣痛太疏了我幫你再加催生藥水加左後愈痛愈密護士都間唔中入下黎話一係我俾笑氣你你可以簡止痛方法唔好咁死忍架喎
笑氣咪你索左wing wing地又唔係止痛既跟住痛到唔記得佢有無幫我打到止痛針了我係有要求既但竟然可以痛到忘記有無打...
好似兩三點左右姑娘內疹話嗯宮頸軟了好快開度數了我心裡面爆哂粗我痛咁耐只係軟左無開度數？！如是者又痛我忍唔住大叫我要打無痛分娩！其實唔係痛到想死我都唔想打因為知道佢既風險而產檢嗰時嘅助產士都唔建議我打好快麻醉科醫生黎左其實估唔到咁易被我打之前聽又話唔得閒拖住你拖到你就生話唔打得咁我諗可能怕左我呢個咁怕痛既媽媽卦因為由內疹塞藥我都成日叫我係個抽血都怕既人但竟然走去生bb咁囉

打既時候個人要打側捲埋唔可以郁有個姑娘幫手禁住你跟住佢度好位好細針插入脊椎再有一條長膠紙固定其實打完我都感覺到痛喎！佢話要保留我下身感覺唔係生唔到

好記得係四點十姑娘內疹話你開到5度了可以叫先生黎真係好開心好似見到署光咁其實喺產房嘅時間真係好難捱俾人五花大綁間唔中有人入嚟整下你咁你好痛但係啲人一路都會話你未生得五點半老公黎到俾我小左一餐因為太痛了同埋佢太慢黎到總之生緊仔嘅女人係唔好惹既佢就乖乖咁俾我鬧後尾講返佢從來未見過我咁惡陣痛黎我一手鏈住佢手佢一邊就幫我吸笑氣度秒如年到大約八點幾醫生終於俾我試生了！每一次鎮痛黎就給啖氣屙用腹力向下試咗好多好多次都唔得過咗一陣我老公俾人趕左出去因為佢驚到好似就嚟暈低咁產房入面除咗資深嘅醫生仲有幾個係學生四五個人不停同我打氣其中一個仲幫我撥扇嗰一刻我諗緊自己做咗啲咩偉大嘅事最終我都係難逃一剪其實陣痛係唔會蓋過嗰個感覺㗎都痛架努力左好耐我真係好灰大家仲不停鼓勵話大直路了見到bb頭其實真係諗起都痛下面俾人剪左好似仲有mark大跟住你又要用力向下屙一個人推你肚唔知出左幾耐力有一下姑娘話唔好屙住過一陣一舊大屎咁既感覺出黎了我真係虛脫咁滯啲護士嗱嗱聲幫佢清潔磅重同埋睇時間之後抱俾我睇對下性別就抱走了然後隔左好耐有人黎聯針打左麻醉都好痛囉尤其縫表皮難怪護士俾個笑氣我啦
縫完針姑娘叫返老公入黎佢話我滿頭大汗成身汗味同埋好似俾人強姦完咁真係從未見過我呢個樣我覺得生仔真係點樣都要比老公知道你嘅辛苦雖然最終生b個一刻佢出左去但係起碼個過程佢都有留底見證住我地既辛苦
咁就係我既兩日催生記了做左媽媽十日每日都在學習做媽媽望住佢真係好滿足我只希望佢健健康康就足夠了

0 0 0

私人傳訊

trinicecwy

積分: 1289

2^#

發表於 18-7-28 18:37 |只看該作者

elingfu 發表於 18-7-27 15:57
生完十日好想打個作為紀錄
七月十六日早上八點第41週0天呢日食個靚早餐就入院進行催生了小b太舒服無 ...

辛苦晒您啦
好偉大

私人傳訊

積分: 1510

3^#

發表於 18-7-28 22:36 |只看該作者

trinicecwy 發表於 18-7-28 18:37
辛苦晒您啦
好偉大

我覺得全天下女人都好偉大🙏🙏

私人傳訊

積分: 1019

4^#

發表於 18-8-31 20:25 |只看該作者

elingfu 發表於 18-7-27 15:57
生完十日好想打個作為紀錄
七月十六日早上八點第41週0天呢日食個靚早餐就入院進行催生了小b太舒服無 ...

我同你差吾多呀，明明話陪產，但係到生個陣就搵啲學生黎係咁摸宮頸，老公又比佢地趕左出去，本身話開左3-4度，比佢地撩多幾撩無啦啦話生得叫我柯，我已經痛到係咁嗌，係咁叫我吸笑氣...根本冇用既，仲要搵個學生黎縫針縫左好耐...結果我係度嘔

私人傳訊

yiphaulaam

複式洋房

積分: 311

5^#

發表於 18-9-1 01:08 |只看該作者

elingfu 發表於 18-7-27 15:57
生完十日好想打個作為紀錄
七月十六日早上八點第41週0天呢日食個靚早餐就入院進行催生了小b太舒服無 ...

我都係瑪嘉烈生

都係催生，用笑氣真係wing到乜都唔記得，我落左催生藥之後一個鐘，陣痛已經係密到，3-4分鐘一次，痛咗12個鐘，中間淨係記得老公同媽咪喺探病時間呢過產房，其他好似斷咗片咁，直到有返意識嘅時候，係醫生同我講生得，叫我試下生，最後聽返老公講，原來我生嘅時候淨係開咗四度

諗起都覺得辛苦，就噉就捱咗12個鐘

私人傳訊

積分: 1510

6^#

發表於 18-9-3 20:41 |只看該作者

Ashley_kyu 發表於 18-8-31 20:25
我同你差吾多呀，明明話陪產，但係到生個陣就搵啲學生黎係咁摸宮頸，老公又比佢地趕左出去，本身話開左3-4 ...

我覺得縫針唔好傷口痛左好耐
又埋得麻麻地咁生左粒野
真傷心
不過啲學生幾好嘅好有熱誠係咁幫我打氣

私人傳訊

積分: 1510

7^#

發表於 18-9-3 20:43 |只看該作者

yiphaulaam 發表於 18-9-1 01:08
我都係瑪嘉烈生都係催生，用笑氣真係wing到乜都唔記得，我落左催生藥之後一個鐘，陣痛已經係密 ...

你咁快咁密我一開始係8分鐘痛一次㗎
我所有嘅止痛方法都用晒我都覺得痛
但係我唔明白開到四度點樣生？
我開晒度數佢唔剪果一度我都屙左勁耐屙唔出
一剪屙兩三下就出了
我發現我有段時間都斷左片

私人傳訊

yiphaulaam

複式洋房

積分: 311

8^#

發表於 18-9-5 03:56 |只看該作者

elingfu 發表於 18-9-3 20:43
你咁快咁密我一開始係8分鐘痛一次㗎
我所有嘅止痛方法都用晒我都覺得痛
但係我唔明白開到四度點樣生？

我bb出世時係細碼b，因為我以經痛左12個鐘，再生吾到就要食全餐，本身四度我以經想屙，個姑娘叫吾好，所以無屙到但到最后得四度，個姑娘叫我試點知又比我屙到

私人傳訊

yiphaulaam

複式洋房

積分: 311

9^#

發表於 18-9-5 03:59 |只看該作者

elingfu 發表於 18-9-3 20:41
我覺得縫針唔好傷口痛左好耐
又埋得麻麻地咁生左粒野
真傷心

我縫針既時候好好嫁，點知之過左4個鐘之後個助產士同我檢查傷口，話缝得吾好，所以又拆左再縫過

私人傳訊

積分: 1510

10^#

發表於 18-9-5 13:25 |只看該作者

yiphaulaam 發表於 18-9-5 03:56
我bb出世時係細碼b，因為我以經痛左12個鐘，再生吾到就要食全餐，本身四度我以經想屙，個姑娘叫吾好，所以 ...

我明, 有好長一段時間想出姑娘係咁唔俾
細碼好啊你無咁辛苦

私人傳訊

積分: 1510

11^#

發表於 18-9-5 13:28 |只看該作者

yiphaulaam 發表於 18-9-5 03:59
我縫針既時候好好嫁，點知之過左4個鐘之後個助產士同我檢查傷口，話缝得吾好，所以又拆左再縫過
...

再縫過............CHI SIN GA
之後傷口痛耐唔耐

私人傳訊

Nikitang1111

男爵府

積分: 8728

12^#

發表於 18-9-5 16:41 |只看該作者

回覆樓主

睇到都覺得痛
如果再揀過你會開刀定順產
我見好多人都痛10 幾個鐘，我睇見都驚

私人傳訊

積分: 1019

13^#

發表於 18-9-5 17:53 |只看該作者

yiphaulaam 發表於 18-9-1 01:08
我都係瑪嘉烈生都係催生，用笑氣真係wing到乜都唔記得，我落左催生藥之後一個鐘，陣痛已經係密 ...

睇黎我都係開左4度佢就叫我生，真係痛到痴媽根

私人傳訊

積分: 1019

14^#

發表於 18-9-5 17:54 |只看該作者

yiphaulaam 發表於 18-9-5 03:59
我縫針既時候好好嫁，點知之過左4個鐘之後個助產士同我檢查傷口，話缝得吾好，所以又拆左再縫過
...

我好似係學生聯，都吾知聯得好吾好

私人傳訊

積分: 1019

15^#

發表於 18-9-5 18:02 |只看該作者

elingfu 發表於 18-9-3 20:43
你咁快咁密我一開始係8分鐘痛一次㗎
我所有嘅止痛方法都用晒我都覺得痛
但係我唔明白開到四度點樣生？

本帖最後由 Ashley_kyu 於 18-9-5 18:03 編輯

我本身22/8預產，約左30號催生，點知28號晚就見紅入左醫院，到29號晚已經開始有陣痛，30號朝早10點醫生就同我穿水推落產房，我到2點幾都仲係話開左3度4度，但係陣痛好嚴重，一痛bb心跳就慢左，係咁叫我吸笑氣，成支比我吸哂...再換支新，止痛針都冇用都係痛到癲，因為痛到係咁嗌，跟住我feel到想柯屎，吾知係真係急屎隻柯屎定係生bb個隻柯，我係咁話想柯屎佢地就同我check，助產士撩完比學生撩，來來回回撩跟住佢地拿拿聲set野叫我放腳話生得，生個陣4點

老公都比佢地趕左出去冇得陪產，成個過程孤軍作戰咁

加上我聞氣聞到缺氧咁，係咁鬧我話太太你吾好再叫啦bb心跳低啦，痛就聞氣啦
搞到bb要用吸盤吸出黎，一生就比兒科醫生檢查淨係望左一眼，我仲要出血過多，佢地禁我肚個陣又叫我聞氣，聯針又聞氣，個學生又聯得耐搞到我係咁嘔

我懷疑係我係咁叫所以特登搵學生聯

生完bb要留a1，連埋身餵奶既機會都冇，而家bb係吾識啜乳頭，我要泵出黎比佢飲

私人傳訊

積分: 1510

16^#

發表於 18-9-5 23:16 |只看該作者

Nikitang1111 發表於 18-9-5 16:41
睇到都覺得痛
如果再揀過你會開刀定順產
我見好多人都痛10 幾個鐘，我睇見都驚

我想開刀
我唔想經歷陣痛...
但開左既媽媽又話復原好耐加痛

10 幾個鐘算少, 有個痛左廿X個中然後開刀

私人傳訊

積分: 1510

17^#

發表於 18-9-5 23:30 |只看該作者

Ashley_kyu 發表於 18-9-5 18:02
本帖最後由 Ashley_kyu 於 18-9-5 18:03 編輯

我本身22/8預產，約左30號催生，點知28號晚就見紅入左醫 ...

我無叫佢地CHECK, 我已痛到咩都做唔到
只大叫我好想柯屎啊
我老公係太怕俾人叫左出去
我係開始生D學生先入哂黎好似無撩我
生完推肚我又唔算好痛
係聯針我每一下都叫加聞氣
聞到就暈
個人話你生完架了咪叫LA
咁我真係好痛MA
我聽到好多人生仔都叫架啦

我BB住左A1兩日, 人地個個BB係身邊, 我就無真係好唔開心
出左院我有餵一陣人奶, 但我又少奶心情又差就放棄了

私人傳訊