吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 照輸卵管分享(超長文)

想生BB 今日: 0|主題: 109406

收藏本版

發帖

返回列表

跳至頁

查看: 5925 | 回覆: 21

照輸卵管分享(超長文) [複製鏈接]

MVLEUNG

大宅

積分: 1829

1^#

發表於 18-8-4 16:51 |只看該作者 |倒序瀏覽 |打印

最近多左好多照輸卵管分享, 唸左好耐打唔打好, 不過我照前都係上黎睇左好多之前JM既分享, 了解左會好好多所以係度同大家分享下.

利申我係一個勁怕痛既人, 做咩檢查都好驚(所以都拖左兩年至去照)之前抽血檢查都驚到震, 每次抽時渣實拳頭都會震個種.
試左兩年幾, 驗過好多唔同既檢查都冇事, 先生精子亦良好, 終於決定左的起心肝做埋輸卵管造影.

經婦科醫生轉介, 去左呢度好多JM都係度做過既雅蘭中心何XX 女醫生.
講真心理上係女醫生真係覺得無咁尷尬.
出發前一小時食左婦科醫生開既止痛藥(係我要求佢比因為勁怕痛而且見好多JM都有食定)

去到登記完簽左張紙證明自己一定冇懷孕, 之後坐陣等叫名, 當然心情係好驚超驚同勁驚, C6 係咁叫我放鬆D, 唔好唸咁多好快就出返黎見到佢架喇,係咁教我一緊張就深呼吸, 就會好好多, 雖然個刻係冇咩作用但心靈上都叫安心D

叫名入到去去個更衣室換衫, 全身脫淨個BRA, 再著上佢地比既一件連身袍,
一路換衫一路係咁深呼吸, 因為真係好驚, 好喇換完去左另一間房, 訓上一張冷冰冰既鐵床,
姑娘首先講解過程, 我已經忍唔住問佢係唔係會好痛, 姑娘話你唔好咁心急, 我而家會慢慢講

姑娘話會比M痛痛小小, 之後兩日都可能會有M痛感覺同會流小小血水, 如果無發燒同無持續好多日就唔洗擔心.
講解完姑娘就出左去等醫生 , 個刻真係勁驚, 因為真係準備照喇, 之後一路唸住C6, 一路係度深呼吸,
原來真係會有作用, 而且自己個心好傻咁唸住一句"為母則強"

我一定得.
照前上網睇過JM分享, 加上姑娘都有講, 越緊張就會越痛, 放鬆D會好D,
我唯有不停深呼吸盡量令呢個人放鬆哂.

過左陣醫生黎喇, 首先未做任何野前影左張X光先, 跟住醫生就叫我成個人訓到落張床最底既位置,
跟住佢話而家幫你消毒先, 跟住就用鴨咀夾撐開下面(如做過子宮頸抹檢查既都唔洗擔心)
跟住就塞支管入去, 個一刻我不停深呼吸令成個人係完全放鬆哂,
可能真係因為咁塞時我唔痛(因為見好多人都話塞管時好痛) 我完全無痛只係有小小唔舒服咁,
跟住醫生就叫我訓返上上面, 過左陣我已經FEEL到佢打左顯影劑入去, 初初只係FEEL到肚谷谷咁,
之後照左一張X-RAY, 之後再打, 一路打時突然FEEL到一下真係堅痛, 就係個一下, 我唸維持左3秒左右,
個下心唸死緊啦食左止痛藥都咁痛既??好彩一唸完之後就FEEL到好似下面拎左D野出黎咁鬆左同唔痛喇,
(因為醫生進行時無同我講做緊咩所以我只係估) 跟住再影完X-RAY醫生話好叻呀你, 好快完成架喇而家差一步,
最痛既時候已經過左架喇(個心即刻安落哂) 過左陣醫生話你做得好好, 好叻呀搞店喇已經, 之後個刻個心即刻鬆一口氣再同自己講, 我終於完成左喇, 驚左咁耐都唔敢做我終於成功喇.
跟住好心急咁問醫生知唔知有冇塞到?醫生話無咁快知, 你兩日後打去你既婦科醫生度問啦.

跟住醫生已經出左去, 姑娘就叫我用紙巾禁住下面因為會有顯影劑出返黎, 就叫我行去換衫
(我有見過JM話姑娘會叫佢地訓陣休息下先但我又冇, 可能係佢地都覺得我冇事掛

)

如是者換好衫姑娘話你出去坐陣冇事就走得架喇, 出到去一見到C6真係想喊出黎因為可能之前太緊張但照完比我想像中無咁痛好感動.

姑娘話當晚仲會痛又或者會痛2-3日, 但我走左之後同C6去左食飯, 飯時只係FEEL到有好輕微既M痛感覺, 只係好小好小, 之後夜晚返去已經完全冇再痛過喇, 當晚都仲有顯影劑流出, 不過沖完涼後已經無再流了.

整個過程真係驚多過痛, 除左最頂最痛個3秒真係好痛之外完全冇野, 所以希望各位想照既JM都唔好再拖,
記得深呼吸令個人完全放鬆哂就無事, 大家都要加油!!

我係上個月照既, 雖然當個CYCLE婦科醫生都話造人係無問題仲開左排卵藥比我,
不過上個月無成功, 呢個月係第2個CYCLE食排卵藥, 又照完輸卵管希望有機啦.
唔知多唔多JM係照完輸卵管後好快BINGO?

P.S: 照完3日後去見醫生, 醫生話原本可能有小小黏液阻住, 但你好彩完全無塞到,
照完而家無事架喇, 知道無塞之後真係勁勁勁開心.

0 0 0

私人傳訊

mmbili

大宅

積分: 1616

2^#

發表於 18-8-4 18:46 |只看該作者

回覆樓主:

有時睇得多bk真係自己嚇自己，我未照前都以為好痛，但照果陣一啲都唔痛

私人傳訊

MVLEUNG

大宅

積分: 1829

3^#

發表於 18-8-5 03:21 |只看該作者

回覆 mmbili 的帖子

係呀, 不過有時JM打得好詳細又可以比我地了解左成個過程既唸到去最痛既打算但最後唔係好痛可能會好D
不過都係想鼓勵想照既JM快D行動

私人傳訊

Viviluby

男爵府

積分: 6618

4^#

發表於 18-8-5 03:37 |只看該作者

同意，我都係驚多過痛

私人傳訊

MrsBlueBlue

子爵府

積分: 10708

5^#

發表於 18-8-5 06:01 |只看該作者

回覆樓主

我照過痛到我pk
面都青曬嗰刻諗
我都係唔生

私人傳訊

Lollipop11

洋房

積分: 71

6^#

發表於 18-8-5 14:28 |只看該作者

MVLEUNG 發表於 18-8-4 16:51
最近多左好多照輸卵管分享, 唸左好耐打唔打好, 不過我照前都係上黎睇左好多之前JM既分享, 了解左會好好多所 ...

請問係未旺角個度，几樓可唔可以講下啊？同埋幾錢？thanks，我都好心急(emoji)(emoji)

私人傳訊

CS008

大宅

積分: 1907

7^#

發表於 18-8-5 17:25 |只看該作者

MVLEUNG 發表於 18-8-4 16:51
最近多左好多照輸卵管分享, 唸左好耐打唔打好, 不過我照前都係上黎睇左好多之前JM既分享, 了解左會好好多所 ...

或者咁講，每個人嘅忍痛能力同遭遇都會有所不同，分享自己經驗只係俾大家多個參考，就算同一間診所/同一個醫生，每個人嘅感覺都會唔同，但過程都大同小異，好似我咁，我本身都係打針抽血都驚嘅人，去照輸卵管都係頂硬上，而大家所講過程中嘅m痛我無，但就遇到不幸嘅事，來回放3次鉗3次導管，個果痛已經唔係幾秒間m痛嘅感覺，不過諗住'生仔仲痛啦'，過左去就算，但流啡流左好多日都未完