話說有日我個超好人女上師聽到我同其他同事講開呢套教材, 我話好貴唔捨得買, 跟住佢就話自己約十年前用左3萬幾蚊買左套俾仔女, 不過佢地唔玩, 有好多野都未開封, 所以佢拎左番教會俾D小朋友玩, 但教會D 小朋友都教大個, 唔啱玩。我女上師話可以俾左套教材我.......我當然開心都黎唔切啦, 不過我無出聲........
後來我諗番起, 其實個女上師可能只不過口快快未諗清楚就話俾我, 因為佢自己都有個親人有個幾個月大嘅BB女, 只係細我個仔幾個月, 論人情都應該送左俾親戚先啦.......SO, 如果佢當無講過我都唔會介意......
我而家反而諗, 如果我呀姐真礙於口齒問題拎套教材番黎, 我俾番3千蚊阿姐當係捐俾佢教會都好應該。而家我嘅疑問係究竟約十年前嘅迪迪尼教材還合時宜嗎?? 老實講我唔係一個富貴媽媽, 如果套教材已勁過時, 咁我就唔捨得再俾$喇.......真係進退兩難....
請問有無媽咪可以俾D意見我??
發表於 
返回列表
