吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 秋生的離別

懷孕前後今日: 5|主題: 330409

收藏本版

發帖

返回列表

跳至頁

查看: 2887 | 回覆: 19

秋生的離別 [複製鏈接]

秋生

民房

積分: 23

1^#

發表於 18-10-28 10:03 |只看該作者 |倒序瀏覽 |打印

中秋節那天到診所確定真的有了BB，呆呆的有點感恩，心想真到我了嗎？身邊的朋友都已生小孩，明天的我就能做媽媽！跟朋友談湊仔經。還記得那天用whatsapp告知親密好友時，肩中雀屎，心想，一定是幸運的降臨！
不久，告訴了必要告知的友人們，因本人活動多，日後不能出席的活動必須提前交帶。期間也得到好友的提點，照顧及關懷，落樓梯時老公也輕輕扶住我走, 是有點跨張。一直我也很忍口，而且每天食一至兩隻烚蛋，但有時遇到嘔口很差真的會到M叔叔開心一下(一週最多兩次)。

到了8週3日到港安靳嘉仁醫生照超聲波，但照不到心跳，醫生建議照陰超，但結果一樣。
當時醫生有3項建議: 1. 寫紙去公立醫院再檢查一次; 2. 今日抽血, 四天後再抽血驗HCG值; 3. 過多一週再照;
我選擇了抽血。但醫生口氣是否樂觀的，有點像嚇人。我回家再看其他人對靳醫生的評語也負面多。
老實說, 我和老公都不太擔心，因上網看到有的9~10週才有心跳，但回家這兩晚都惡夢中驚醒，醒後更不能入睡。
好彩有朋友的支持及安慰才過到這四天，老公更看了很多相關網頁資訊。

好不容易到了8週7日，抽血驗HCG值做對比，8點到港安抽血，早餐過後待到10點見醫生。
醫生2份HCG值報告在我眼前，數值下降了3萬, 約下降了30% (21/10 HCG: 108981, 25/10: HCG: 75891)
我真的呆了，後面醫生說的都聽不見。醫生問我有無問題，我說沒有，只想快點離開。
老公問醫生HCG值會否下降後再回升，醫生說雙胞胎發生這可能性會較大。醫生問要否照多次超聲波，照時胎只7w4d, 比起4天前成長了2d。醫生寫紙給我到屯門醫院做人流，說是流產，但做之前會照多次確保胎真的要流才做。

我們當天就去屯門醫院，我跟老公說有些人10W才有心跳，要不再等多一週吧！但HCG值己是很清楚及理性的數據，而且老公聽了醫生說，如是流胎，留在母體越耐越危險，可能會有毒素產生或突然出血。
我們還是到了屯門醫院，私家寫了急症的轉介信，不用排很久，到了醫院=>分流=>上病房約兩個小時多。
因我上房時已過了探病時間，老公先回去幫我帶日用品5:30再來探我。

常聽人說屯門醫院醫療事故及服務差，但我當天真的沒感覺到。可能看人吧！我好彩護士跟醫生都很溫柔細心，
約3:00做內陰超，醫生好細心, 圍住都子宮照佐好耐, 仲照我睇下個胎。佢話個胎10mm, 其實over7mm都無心跳就係流產，當晚再驗血，第二日照多次確認無心跳先流。醫生仲安慰我叫我唔好諗自己做錯啲乜，其實胎無心跳好普遍好平常，每5個懷孕婦女都有1個會咁。醫生真係好好。

第二日再去陰超無咁好彩，個姐姐好惡咁叫我除褲坐上去，個醫生唔講野, 一野將支陰超捧隊入黎, 仲要係好粗魯個隻, 真係有啲痛。都唔洗30秒就話無心跳要流產，叫我返床等見醫生。
醫生同我講解流產既方法，我擇選塞藥。11:30塞藥瞓低半個鐘，返到屋企食啲野就瞓，約3點又痾又嘔，3:15就排左個胎出黎，不上黎個陣真係手都震埋，不過要攞返醫院化驗，頂硬上。
再上床休息無耐又黎肚痛，上肚下瀉，我不停咁抹=>沖厠=>痾=>嘔, 上床瞓多陣又肚痛又打冷震，無耐又黎抹=>沖厠=>痾=>嘔。好想快啲停呀！第二日交埋個組織比故娘，總算告一段落。
呢段膽驚受怕既日子真難捱。

當日都排佐好多野出黎，唔知排幾耐先排清。
上網睇人地又中醫, 又飲花生湯, 又食木瓜黑木耳助排清，11月7日再返去照，排唔清就要刮宮，我想快啲調整好再生小朋友。希望唔洗刮宮啦！

p.s. 因中秋當日知到秋生既到來，所以叫秋生(老公24/9打趣的說)。

宜家目標係調理好先，希望不久將來可以在這交流懷孕心得=>分享做媽媽的苦與樂.

0 0 0

私人傳訊

eva_blythe

大宅

積分: 2820

2^#

發表於 18-10-28 12:03 |只看該作者

秋生發表於 18-10-28 10:03
中秋節那天到診所確定真的有了BB，呆呆的有點感恩，心想真到我了嗎？身邊的朋友都已生小孩，明天的我就能做 ...

樓主加油

好好休息
秋生執齊野，下一次會順順利利
唔好氣餒呀

私人傳訊

jlht

別墅

積分: 811

3^#

發表於 18-10-28 12:58 |只看該作者

加油, 我都係過來人, 好好調養好快就有, 我個女而家都7個月喇

祝好孕

私人傳訊

jlht

別墅

積分: 811

4^#

發表於 18-10-28 12:58 |只看該作者

加油, 我都係過來人, 好好調養好快就有, 我個女而家都7個月喇

祝好孕

私人傳訊

musiccisum

子爵府

積分: 11711

5^#

發表於 18-10-28 14:06 |只看該作者

秋生發表於 18-10-28 10:03
中秋節那天到診所確定真的有了BB，呆呆的有點感恩，心想真到我了嗎？身邊的朋友都已生小孩，明天的我就能做 ...

私人傳訊

google_hi

男爵府

積分: 5130

6^#

發表於 18-10-28 15:03 |只看該作者

唔好氣餒，時刻準備好自己!等佢話黎就黎!

私人傳訊

我要做媽媽

珍珠宮

積分: 47784

BB防敏心得分享勳章

7^#

發表於 18-10-28 15:31 |只看該作者

媽媽，加油亞，希望你可以快D調理好身子

私人傳訊

秋生

民房

積分: 23

8^#

發表於 18-10-28 22:47 |只看該作者

回覆 eva_blythe 的帖子

多謝妳，我會積極忍口同聽中醫話，希望不久既將來會有好消息分享...

私人傳訊

秋生

民房

積分: 23

9^#

發表於 18-10-28 22:51 |只看該作者

回覆 jlht 的帖子

想問呢位媽媽，流佐幾耐就再有？第二次有佐，有無心理壓力？

私人傳訊

秋生

民房

積分: 23

10^#

發表於 18-10-28 22:53 |只看該作者

我要做媽媽發表於 18-10-28 15:31
媽媽，加油亞，希望你可以快D調理好身子

多謝妳呀

私人傳訊

bchuma

男爵府

積分: 9375

11^#

發表於 18-10-28 23:06 |只看該作者

秋生發表於 18-10-28 10:03
中秋節那天到診所確定真的有了BB，呆呆的有點感恩，心想真到我了嗎？身邊的朋友都已生小孩，明天的我就能做 ...

醫生講得無錯每5個就有1個。我都試過，但係我而家已經係兩個小朋友嘅媽咪啦。你儘快調整好身體，秋生很快會回來你身邊

私人傳訊

eva_blythe

大宅

積分: 2820

12^#

發表於 18-10-29 00:56 |只看該作者

秋生發表於 18-10-28 22:47
回覆 eva_blythe 的帖子

多謝妳，我會積極忍口同聽中醫話，希望不久既將來會有好消息分享... ...

好好調理，我都係過來人
祝你日後一切平安順利

私人傳訊

Cindy曾

大宅

積分: 3422

13^#

發表於 18-10-29 10:31 |只看該作者

秋生發表於 18-10-28 10:03
中秋節那天到診所確定真的有了BB，呆呆的有點感恩，心想真到我了嗎？身邊的朋友都已生小孩，明天的我就能做 ...

樓主加油呀！其實很平常嘅真係好多人會自然胎停！
我十周時膀胱屙尿痛屯門醫院住院，五樓！超聲波醫生就幾好啊，太多OK！同房四個女人包括我有一個流產一個懷疑宮外孕，身邊亦有親戚嘅女流過啦，表姐都二個半月胎停呀！
如果你冇刮宮流得乾淨利落，做月子補補，加上秋涼保暖好身體，新年過後繼續努力！一定會有一個健健康康的(emoji)(emoji)！