3歲或以上

跳至

首頁
12

尾頁
   0


民房

積分: 21


發表於 18-12-7 04:58 |顯示全部帖子
我係一個part time 補習老師,外國放暑假返嚟.

事源:補習社有個學生(三年級),平時都好唔專心做功課(會玩筆,lad係枱底,搞其他學生,同發岀好多無謂聲音).今日對功課佢有兩條MC做少咗,我就叫佢做返,好快佢就做好,以佢平時進度唔會咁快,加上係英文reading要睇文章先揾到答案,我再一睇佢個答案係同文章完全無關就知佢只係亂做hea我,想要我比答案佢改正.
我就發火勁惡鬧(係我最惡嘅一次,喉嚨都痛)發現佢之後有用心做返,同無再有唔專心行為.
由於我以前都係好曳嘅學生(會驚惡,鬧),加上今次經驗,發覺有啲學生真係要好惡對付先可以好好做嘢.
以前我媽好讚成我比補習社打手板.請問各位家長點睇呢樣教法?


大宅

積分: 4110


發表於 18-12-8 06:57 |顯示全部帖子

回覆樓主:

社會唔同咗,打手板當體罰,犯法架,唔好滯呀~


洋房

積分: 69


發表於 18-12-8 10:23 |顯示全部帖子
唔可以,依家社會係用緊高標準去對待老師,尤其是家長會用放大鏡去睇老師點對「每一位」學生,大細超先唔好理,仲要打手板,對現今家長而言無可能合理化,所以出於保護自己嘅立場,都係唔好掂


民房

積分: 21


發表於 18-12-8 18:55 |顯示全部帖子
Belovedkiddy 發表於 18-12-8 10:23
唔可以,依家社會係用緊高標準去對待老師,尤其是家長會用放大鏡去睇老師點對「每一位」學生,大細超先唔好 ...

好啦唔該晒,我以前補習社成日都俾人打手板, 加上當時啲家長都好贊成咁做,可能依家時代已經唔同咗我唔可以用以前嗰啲方法去教啲跩嘅學生(emoji)(emoji)‍♂️


男爵府

積分: 9375

2019新春慶豚圓


發表於 18-12-9 13:37 |顯示全部帖子
絕對不同意。無論如何。


大宅

積分: 4208


發表於 18-12-10 14:23 |顯示全部帖子
kentam_hk9738 發表於 18-12-7 04:58
我係一個part time 補習老師,外國放暑假返嚟.

事源:補習社有個學生(三年級),平時都好唔專心做功課(會玩筆, ...

本帖最後由 dativebond 於 18-12-10 14:24 編輯

唔好體罰,我都唔會體罰自己個仔,點會容忍外人咁做。

我覺得教仔要用體罰先得,係好差既教法。呢個世界有咁多方法唔用,係要用體罰先得?我歸咎係懶於思考,用強權令佢屈服,但必有反效果。

我認為體罰唯一有用既就係安全問題,例如佢想摸下個火爐,打佢手板,就有意思,令佢怕一些會引致佢安全問題既事物。但一般情況,如果唔係緊急到咁既安全問題,我連手板都唔會打。


別墅

積分: 832

2019新春慶豚圓 2019勳章


發表於 18-12-17 02:25 |顯示全部帖子
kentam_hk9738 發表於 18-12-7 04:58
我係一個part time 補習老師,外國放暑假返嚟.

事源:補習社有個學生(三年級),平時都好唔專心做功課(會玩筆, ...

個小朋友係咪有SEN?! 佢肯做返似係因為俾你嚇親。無俾耐性去教去了解學生,仲問可唔可以打?應該諗下自己係咪適合做老師啦!


珍珠宮

積分: 45321

2019新春慶豚圓


發表於 18-12-17 22:07 |顯示全部帖子
係我嘅話,絕對唔同意,而家乜時代亞!


珍珠宮

積分: 47031

2019新春慶豚圓 BB防敏心得分享勳章


發表於 18-12-17 22:17 |顯示全部帖子
我都覺得最好就咪打手板,因為好多媽媽都會唔分場合咁認為你係喺度體罰緊佢個小朋友


複式洋房

積分: 264

2019新春慶豚圓


發表於 18-12-17 22:24 |顯示全部帖子
完全吾接受


大宅

積分: 3676

2019新春慶豚圓 2019勳章


發表於 18-12-18 00:15 |顯示全部帖子
你都識講,鬧左個學生,佢驚所以即刻做返自己啲嘢,咁佢係驚,而唔係明白自己唔啱喎。咁打都一樣啦,佢驚啫,唔係知錯喎。


大宅

積分: 4674

2019新春慶豚圓 2019勳章


發表於 18-12-21 23:47 |顯示全部帖子
bchuma 發表於 18-12-9 13:37
絕對不同意。無論如何。

我也觉得,打,只能暫時讓他聽話,但根本不是有效方法


男爵府

積分: 9375

2019新春慶豚圓


發表於 18-12-22 20:09 |顯示全部帖子
09daisydaisy 發表於 18-12-21 23:47
我也觉得,打,只能暫時讓他聽話,但根本不是有效方法

係 我都成日咁講 恐懼不代表服


大宅

積分: 3517


發表於 18-12-23 00:29 |顯示全部帖子
時代唔同了,樓上已經有JM講咗係犯法既,何況這不是你自己小朋友是人家的兒女,如果我係媽媽真係會好嬲

再且如果你真的從事教育工作,不如了解下一些坐唔定在別人眼中好曳既小朋友會唔會是特殊小朋友,例如專注力不足或過度活躍等..... 從事教育工作如果沒有愛心沒有同理心,但求教的最好個個都乖又易湊,唔乖就鬧就打,唔好好和小朋友建立關係再教好他們,sorry我唔會認為這是好老師


大宅

積分: 1129

2019新春慶豚圓 2019勳章


發表於 19-1-4 16:27 |顯示全部帖子

回覆樓主

其實你可能唔太啱做老師有無考慮下轉行?


民房

積分: 21


發表於 19-1-6 08:59 |顯示全部帖子
Ma12345 發表於 19-1-4 16:27
其實你可能唔太啱做老師有無考慮下轉行?

我諗各位家長誤會咗我,可能新家長係8090年代長大,你哋成長嘅時候未必會經常去補習社。
請俾我解釋下點解我會開呢個post,我以前小學返補習社(2000年代),當有做錯事嘅時候,真係會打手板處罰,當然係一啲嚴重嘅事先會啦。而我嘅家長亦都好贊成呢一種處罰方法,因為有啲小朋友真係要受硬唔受軟

講返我自己先,我自己係從來都冇打過學生,從來都無。但我個人認為,喺某D事上面係應該用呢種處罰方式俾小朋友知道嗰件事嘅嚴重性,例如:打架,攻擊其他同學,講粗口,毁壞物件 等等。
但係我亦都知道時代唔同咗以前嘅方法係依家未必可行,家長嘅接受程度都唔一樣,所以我開post問





大宅

積分: 1129

2019新春慶豚圓 2019勳章


發表於 19-1-6 09:38 |顯示全部帖子
kentam_hk9738 發表於 19-1-6 08:59
我諗各位家長誤會咗我,可能新家長係8090年代長大,你哋成長嘅時候未必會經常去補習社。
請俾我解釋下點解 ...

我細個成日返補習社,我俾過老師打手板,我什至做過私補無人誤會你,我個人認為你有依個諗法就唔太啱做老師

依家好多小朋友係特殊教育需要嘅小朋友,佢地唔聽話或你所謂嘅唔專心,佢地係控制唔到,更何況打依樣野係應該留俾父母決定或去做。

就以你單例子嚟講,小朋友唔專心,會唔會係你的教學方式唔啱佢呢,唔好樣樣野都怪左小朋友先,企係佢地角度諗下,用一個佢地接受嘅方式去解釋俾佢地聽。

我係個會打手板嘅媽媽,但唔代表我接受到有其他陌生人打我小朋友囉


民房

積分: 21


發表於 19-1-6 09:44 |顯示全部帖子
Ma12345 發表於 19-1-6 09:38
我細個成日返補習社,我俾過老師打手板,我什至做過私補無人誤會你,我個人認為你有依個諗法就唔太 ...

我已經講過我但係從來都冇打過小朋友,我亦都明白有啲家長唔接受,所以我先係到問,家長會點睇?
其實你明唔明。。。


大宅

積分: 1129

2019新春慶豚圓 2019勳章


發表於 19-1-6 10:07 |顯示全部帖子
kentam_hk9738 發表於 19-1-6 09:44
我已經講過我但係從來都冇打過小朋友,我亦都明白有啲家長唔接受,所以我先係到問,家長會點睇?
其實你明 ...

我知你無,我話有依個”諗法”,到底係你唔明定我唔明
其實樓上好多JM講得好好,我只可以話,肯花心機教小朋友嘅媽媽,係唔會讚成外人打自己小朋友我唔講咁白,我諗你會明嘅


大宅

積分: 2031

2019新春慶豚圓 2019勳章


發表於 19-1-6 16:52 |顯示全部帖子

回覆樓主:

好多年前已禁左打手板呢d體罰。我講我仲係學生既時候禁既。我過多2個月就39歲了

首頁
12

尾頁

跳至
你需要登錄後才可以回帖 登入 | 註冊