婦女醫護

跳至
   0


大宅

積分: 2015

2019新春慶豚圓 2019勳章


發表於 19-2-19 08:21 |顯示全部帖子
舊年1月抹片檢查有非典型鱗狀細胞,過咗時間做唔到hpv test, 6個月後再做抹片,結果正常,以為冇事,今年一月朱古力瘤覆疹時再做抹片,又係非典型鱗狀細胞,做埋hpv test, 中咗一隻高風險病毒-52!醫生話要做陰道窺鏡, 睇吓去到邊層,邊度有就‘批走’邊度,係屬於檢查+治療!我見你地話cin 1, cin 2, cin 3 咁,係咪做完陰道窺鏡先知?如果只屬cin 1,2,3 係咪‘批走’咗就冇事?
做陰道規鏡,痛唔痛?私家話可以半身麻醉或者瞓覺麻醉,邊種好d?


子爵府

積分: 12352

2019新春慶豚圓


發表於 19-2-19 09:43 |顯示全部帖子
dakit 發表於 19-2-19 08:21
舊年1月抹片檢查有非典型鱗狀細胞,過咗時間做唔到hpv test, 6個月後再做抹片,結果正常,以為冇事,今年一 ...

本帖最後由 Nbs 於 19-2-19 09:45 編輯

子宮頸內窺鏡 - 搽藥水落子宮頸再睇下邊到唔正常就咬d 組織去驗,主要睇下深度同程度去到邊,即係 CIN 1,2,3
如果範圍大或深,可以做電熱環小手術批走。如果情度唔犀利,好多都會自動正常返。
如果政府的,大部分都分開兩次做,兩樣都唔需要麻醉,兩樣都唔痛的 (正常情況下)。
如果私家,想慳時間同賺多 d 錢,好多都叫你去醫院麻醉直接做小手術。
不過點做都好,都有機會返發,所以之後悔壓路都要繼續做檢查。


大宅

積分: 2015

2019新春慶豚圓 2019勳章


發表於 19-2-27 18:33 |顯示全部帖子
Nbs 發表於 19-2-19 09:43
本帖最後由 Nbs 於 19-2-19 09:45 編輯

子宮頸內窺鏡 - 搽藥水落子宮頸再睇下邊到唔正常就咬d 組織去驗 ...

睇咗2個私家,一個叫我直接做窺鏡&手術,即時批走有問題,如果佢見到係深,會電埋,另一個醫生就話,先只做窺鏡,咬d組織去驗,如cin 1 ,等自己recover, 半年再check,如cin 2 or 3, 再做電!

究竟邊樣好d?直接做窺鏡&手術,醫生會唔會唔理三七二十一,全部皮批曬+ 電埋?

如只做窺鏡檢查,又會唔會咬唔中有問題的組織?如驗到cin 2 or 3, 要再做電時,又係唔係即係做多次?&要唔要等之前咬組織嘅傷口好返先再做?

其實真係有點迷惘,俾個「高風險」病毒 字眼搞到好驚!


子爵府

積分: 12352

2019新春慶豚圓


發表於 19-2-27 20:39 |顯示全部帖子
dakit 發表於 19-2-27 18:33
睇咗2個私家,一個叫我直接做窺鏡&手術,即時批走有問題,如果佢見到係深,會電埋,另一個醫生就話,先只 ...

非典型細胞+ HPV, 正路做法係睇鏡先。睇鏡搽完藥水已經可以有初步概念知道係輕微定嚴重,再咬組織去證實。正如你醫生所講,輕微的可以自己好返,嚴重的就要切除 (做電熱環小手術)。
但因為喺私家,好自由的,可能診所無得睇鏡要去醫院,有d 病人/醫生就會選擇一次過做埋,唔使分兩次去醫院或claim 兩次保險。
所以兩個醫生都啱,只係logistic 問題。



子爵府

積分: 12352

2019新春慶豚圓


發表於 19-2-27 20:40 |顯示全部帖子
有細機會睇鏡以為係嚴重一次過即場做電熱環,結果報告係輕微。不過係都唔緊要,都係醫治既其中一個方法,進取過等佢自己好返啫。
睇鏡miss 野機會亦細,除非壞細胞呢埋左喺窿仔入面。
做完鏡咬完組織基本上好快已經可以做電熱環,唔使等傷口好返,因為所謂傷口其實好細。

跳至
你需要登錄後才可以回帖 登入 | 註冊