夫婦情感

跳至
   4


複式洋房

積分: 106


發表於 19-3-17 00:01 |顯示全部帖子
本帖最後由 lbalbee 於 19-3-17 00:23 編輯

我係全職媽咪,我同老公個關係已經差到去到冷漠對待,之前因爲湊仔問題加舖頭問題,同老公嗌到要離婚,我老公竟然同我講:你唔使旨意見個仔,我幾多錢都同你打官司打返黎。

其實我地生bb之前,已經傾好bb會返日間托兒所,因為我都諗住出去返工,屋企冇人湊,老公唔想請姐姐,所以選擇比bb返托兒所。但生完之後,我就發覺我個老公直情變左另一個人咁?佢完全溺愛個仔,咩都唔比,唔比我自己帶佢出街(如打針,要奶奶或老公姑姐一群人),到大d歲半左右,咁岩我朋友可以免費帶三個朋友入迪士尼,我朋友問我去唔去?我當然帶埋阿仔去啦⋯⋯點知出發前一日,我老公加埋奶奶發晒顛鬧我,話阿仔咁細個帶去迪士尼做咩?冇野岩玩?大佬呀⋯⋯唔通阿仔咁細個,我帶佢入去玩機動遊戲,過山車咩?梗係行下影下相之嘛,反正唔使錢去,之後又嗌交啦⋯⋯

過左幾日,有日我肚好痛肚痾,好唔容易接阿仔放學返到屋企,幫阿仔除緊鞋之際,我已經feel到已經急到就瀨,之後就沖入廁所,我係一路連行帶嗌我仔跟住我入廁所,我仔仲幫我閉門,之後係我腿與腿之間臭住陪我痾🙈🙈。夜晚我老公返到黎就諗住同佢當趣事分享下啦!點知我一講到沖入廁所......佢就發晒顛係咁鬧我,點解可以有得個仔自己係廳度?咁危險?有咩事點算?仲話:你就算真係瀨屎,你都要照顧佢安全先呀!跟住我話我都未講完?之後佢竟然入廁所,上fbpost講?之後我d朋友即刻whatsapp我,問做咩比老公公審咁大鑊?跟住當然又嗌交啦⋯⋯我當刻已覺得呢個人完全不可理喻?

我係全職媽咪,上面提到我個仔係返日間托兒所,最早8點,最遲6點接走,我原本都係諗住出返去返工,但我唔係一個做開文職既人,之前都係返行街,但唔係Sales,因為跑數太大壓力,所以只係做行街,但呢類工唔易搵,係未搵到呢類工之前,諗住搵下其他工先啦⋯⋯而我唔係做文職既人,所以要搵到朝95/半仲要放星期六日係好難,搵其他時間既工,我老公就會:你自己衡量下個仔緊要定份工緊要啦,或者叫奶奶幫手湊下接放學,我盡量搵8點前返到屋企既工啦,跟住我老公同我講,叫我唔好成日預佢阿媽湊孫?ok,我搵兼職,跟住就會久唔久聽到我老公話:挑,搵埋都唔夠我賣兩袋?咁我唔搵工又話我淨係識得問佢攞錢?大佬呀⋯⋯你係我老公,我唔問你攞,唔通我週街問人攞咩?就淨係返工問題⋯⋯就已經嘈好多次,因為佢一直覺得我唔落舖幫佢手,係我唔岩....

1,我之前係有落舖幫佢手,但我落舖呢,佢就要我11點去開舖,而佢自己開舖的話,就差唔多2點先落到去開。

2,冇人工比我都算喇,有日我發燒,都要我落舖(其實舖頭是街邊排檔,沒有冷氣,夏天熱到溶,冬天凍到喊咁),問題我真係頂唔順要走,係都要我繼續係度唔比我走,最終我當場喊,先叫我快d走(因為佢只做表面野既人,人前佢係好好先生,咁我當然知道佢做野好辛苦啦,先可能脾氣差,但都唔係咁架?)喊既原因係,究竟有冇當過我係老婆?

3,平時已經因爲個仔問題,成日都會嗌交,唔想再落舖增加磨擦再嗌得越黎越多。最終我奶奶落舖幫手(幫23個鐘)。所以兩母子成日比說話我聽,話我唔返工又唔落舖幫手,娶埋唔知咩老婆?


最近因為結婚週年紀念日,其實我都估佢唔記得,我見呢排關係咁差,諗住問佢出唔出去食餐飯?點知佢原來記得,仲話:咁點姐,又要慶祝架?佢d屋企人就當我只係為左結婚週年紀念日唔食飯慶祝,咁小事就發脾氣?唉....我真係心灰意冷⋯⋯真係唔想繼續再同佢一齊生活落去,再係咁落去,我真係冇病都變有病?係,我冇返工搵錢,但唔係我想架嘛⋯⋯請姐姐又唔比,叫奶奶湊又唔肯,返兼職又嫌我搵埋唔夠佢賣兩個袋?我都唔知可以點喇?我真係驚有日頂佢順帶埋個仔走,但我帶住個仔出去,又唔想返外家(因為已經冇地方訓),去朋友度?又好似唔係咁好,我自己一個就話。唉.......



其實我想問以我呢個狀況,我想離婚,但我老公已講明個仔爭到抵,但佢根本唔識湊,又唔係佢湊開,佢姑姐已講明幾多錢都會同我打返黎......而我係全職媽咪根本沒錢同佢打官司⋯⋯我連搵律師攪離婚d錢都驚唔夠?仲有咩方法可以爭到仔?



子爵府

積分: 11595

2019新春慶豚圓 畀面勳章


發表於 19-3-17 00:23 |顯示全部帖子
其實你老公係咪想你落鋪頭幫手?
從來改善關係,係比離婚簡單得多。。


複式洋房

積分: 106


發表於 19-3-17 00:27 |顯示全部帖子
回覆 jeremylui83 的帖子

佢係想我落舖幫手,但我唔係冇落過幫手,落去幫手個嗌交次數仲多左,所以我唔想關係繼續差落去啊!


子爵府

積分: 11595

2019新春慶豚圓 畀面勳章


發表於 19-3-17 00:31 |顯示全部帖子
咁你就要諗下點先可以嗌少啲交。。兩個一齊,你話佢一句,佢又回一句,兩個都要威,就會嗌交。。
如果得佢講,你唔出聲,交就嗌唔成。。


複式洋房

積分: 106


發表於 19-3-17 00:57 |顯示全部帖子
回覆 jeremylui83 的帖子

但佢而家已經講到明只要個仔...


大宅

積分: 2242


發表於 19-3-17 01:31 |顯示全部帖子
lbalbee 發表於 19-3-17 00:01
我係全職媽咪,我同老公個關係已經差到去到冷漠對待,之前因爲湊仔問題加舖頭問題,同老公嗌到要離婚,我老 ...

本帖最後由 Yusum 於 19-3-17 01:32 編輯

睇你篇文,睇咗咁耐,發覺你老公某程度上係個愚孝子,你應該係同99同住?對嗎?
以你呢個局面,首先要自己一家搬出去住,離開你99呢個是非精,好多時老公都係受99嘅説話影響到!
冰封三日,非一日之寒,你要找到問題所在,先可以解決問題!
你當日選擇嫁比他,就好清楚知道你老公係乜野人!再講,離婚對小朋友影響都唔小的,如果可以,我建議你嘗試補救,真係唔得再考慮離婚吧!
有小朋友唔同2個人,你一定要以小朋友為先作出考慮!


伯爵府

積分: 18972

2019新春慶豚圓


發表於 19-3-17 02:58 |顯示全部帖子
本帖最後由 858D 於 19-3-17 03:00 編輯
lbalbee 發表於 19-3-17 00:57
回覆 jeremylui83 的帖子

但佢而家已經講到明只要個仔...

睇來對大家情緒健康都好的 是此方案:
1. 你留低個仔畀佢地男家,自己離開。
2. 你自己學會「好女兩頭瞞」的技術,你個情況係 「好老婆兩頭瞞」學會乜嘢可以同老公講,乜嘢要瞞佢。能在此環境下生存到又舒服的。
當中沒有誰對誰錯,只是錯配。你唔適合做佢老婆。但有其他女人會適合同適應到的。所謂「適者生存」。


伯爵府

積分: 18972

2019新春慶豚圓


發表於 19-3-17 03:15 |顯示全部帖子
本帖最後由 858D 於 19-3-17 03:27 編輯
lbalbee 發表於 19-3-17 00:27
回覆 jeremylui83 的帖子

佢係想我落舖幫手,但我唔係冇落過幫手,落去幫手個嗌交次數仲多左,所以我唔想 ...

睇來你老公的家庭文化係媳婦(老婆)娶翻來係趁她年輕力壯,生個健壯好仔,就埋頭看舖,看舖。
好似以前鄉下賣頭牛翻來來用來耕田的。
叫你看舖,你又唔聽話,唔照佢意思來做。還要頂老世(你老公)的嘴,搞到哎交多過和睦。仲衰過請工人。由於你唔挨得苦。你既然年輕力壯都唔挨得,佢又唔夠本事來搵多D 請工人來做埋你做唔到的,要個體能衰弱的老媽來挨,佢睇唔過眼。
叫你湊仔,你又做得唔達標(以佢既標準來講),又係要個老媽來幫手。
以我見:他們的家庭文化 一切都係從經濟投資與回饋來衡量。唔係99搞是非,而係他們一家大小都如此同心協力 和 同志。所以如果搬開住,你老公一定反對,因為經濟上唔化算。直接影響,下降大家的生活質素。




伯爵府

積分: 18972

2019新春慶豚圓


發表於 19-3-17 03:19 |顯示全部帖子
本帖最後由 858D 於 19-3-17 03:25 編輯
lbalbee 發表於 19-3-17 00:57
回覆 jeremylui83 的帖子

但佢而家已經講到明只要個仔...

個仔,佢地一定爭硬,個仔是他們未來的經濟棟樑來的。
更加不會讓你有機會拿骨肉來勒索他們的資源金錢。

我如此從現實的人性有的思維角度來分析,本人保持中立,沒有誰對誰錯。即使我們在網上以筆評如何的錯,如何的衰,如三姑六婆 幫人打小人一樣幫你打佢地,用處也是零,因為始終改變不了他們,到最終,你自己還是要吃其果。


珍珠宮

積分: 46087

2019新春慶豚圓 2019勳章 醒目開學勳章 環保接龍勳章 15週年勳章 親子王國15週年勳章 親子王國15週年勳章


發表於 19-3-17 07:10 |顯示全部帖子
你老公都幾大口氣, 想問下佢賣咩袋咁巴閉, 講到你去返pt都唔夠佢賣2個袋?
斷估唔會係名牌袋掛, 見你話佢係街邊檔無冷氣, 最多咪係A貨大媽手袋? 賣2個俾夠佢150蚊好未? 我又唔信你去返PT搵唔到150蚊呀
我見d jm話如果小朋友咁細個, 多數都會判俾媽媽架(除非個媽有精神病/虐兒)
不過你老公係自僱人士, 同你關係又咁差, 一d都唔尊重你, 贍養費可能凍過水喇
如果離婚你當然係立刻申請公屋啦, 不過公屋都要等幾年, 你要諗諗住0個方面


男爵府

積分: 5757

2019新春慶豚圓 2019勳章


發表於 19-3-17 09:07 |顯示全部帖子
lbalbee 發表於 19-3-17 00:01
我係全職媽咪,我同老公個關係已經差到去到冷漠對待,之前因爲湊仔問題加舖頭問題,同老公嗌到要離婚,我老 ...

本帖最後由 Solarflare 於 19-3-17 09:08 編輯

如你咁既情況, 不如去找社工, 睇下你離婚的話有乜 options。例如仔判比你機會高嗎? 有冇得加快申請公屋?
點解當初要嫁呢個開街邊檔既男人? 你應該知道叫你落去幫手係遲早既事..

同埋, 明知你怕熱怕凍又唔捱得, 你老公又娶你番黎? 你地雙方係咪無了解清楚對方就結左婚?


大宅

積分: 3259

2019新春慶豚圓 2019勳章


發表於 19-3-17 09:38 |顯示全部帖子
就咁睇,樓主係一個人頂佢全家,你無錢無後盾,畀男家恰到上心口


複式洋房

積分: 106


發表於 19-3-17 09:54 |顯示全部帖子
回覆 Solarflare 的帖子

其實我意思唔係想講我怕熱同唔凍得架,我只係形容個地方,婚前我有返工,間唔中落舖幫手,之後唔落舖幫手我上面寫左1-3個原因出黎,而唔係又怕熱又怕凍啊⋯⋯


複式洋房

積分: 106


發表於 19-3-17 09:57 |顯示全部帖子
回覆 cometingliu 的帖子

係啊,好冇助咁....


珍珠宮

積分: 31011

2019新春慶豚圓 2019勳章


發表於 19-3-17 09:58 |顯示全部帖子

回覆樓主:

睇到尼D男家,真心唔明點解有女人肯嫁~
女人呀~尊重自己多D啦~
你仲要做ftm,咪盞玩死自己~


大宅

積分: 1399

2019新春慶豚圓


發表於 19-3-17 10:01 |顯示全部帖子
樓主,既然個仔返日間托兒,你就照去做兼職啦,唔好俾人有話柄你靠男家養。
就算你老公話你揾得少又點,你要湊仔嘛!大條道理冇佢揾咁多架啦,好出奇呀?你做唔慣文職,咪試下屋企或托兒所附近餐廳侍應囉,揾少少都好,你都係洗自己錢,講嘢都大聲啲!


別墅

積分: 870


發表於 19-3-17 10:10 |顯示全部帖子
做個靚太 發表於 19-3-17 09:58
睇到尼D男家,真心唔明點解有女人肯嫁~
女人呀~尊重自己多D啦~
你仲要做ftm,咪盞玩死自己~

之前係好好先生?
為何變了?
因為小朋友出世?
我多口講句, 見呢度D jm話同奶奶住通常無好結果
可以分開住嗎


大宅

積分: 3738

2019新春慶豚圓 2019勳章


發表於 19-3-17 10:11 |顯示全部帖子
你唔好將個焦點放左係點樣滿足男家。

你諗下你自己想點先,佢要你返工就返工,湊仔就湊仔,自己有病都唔照顧好自己,淨係諗住點樣滿足老公嘅要求,你都唔尊重自己,佢點會尊重你?冇錢打官司唔係問題,政府有法律援助。
問題係你有冇決心去照顧好自己,照顧好個仔,而唔係就晒男家,任人魚肉?

url=http://www.TickerFactory.com/]
[img][http://tickers.TickerFactory.com/ezt/d/1;20722;104/st/20100203/dt/12/k/e75b/preg.png[/img]
[/url]


大宅

積分: 3738

2019新春慶豚圓 2019勳章


發表於 19-3-17 10:11 |顯示全部帖子
你老公好明顯一啲都唔愛惜你,佢嘅要求根本你點做都唔會滿足到,做得好唔會欣賞,做得唔好唔會體諒,你以為為咗頭家死做就得,結果頭家開心嗎?點樣照顧個仔,你同佢有同樣的權力去決定,冇必要一定要聽晒佢講,商量可以,鬧交就免,佢要鬧嘅,當佢唱歌,佢都係想逼你照佢意思,咁不如照自己意思
url=http://www.TickerFactory.com/]
[img][http://tickers.TickerFactory.com/ezt/d/1;20722;104/st/20100203/dt/12/k/e75b/preg.png[/img]
[/url]


珍珠宮

積分: 31011

2019新春慶豚圓 2019勳章


發表於 19-3-17 10:12 |顯示全部帖子
空巢媽媽 發表於 19-3-17 10:10
之前係好好先生?
為何變了?
因為小朋友出世?

都有人同99住係幸福嘅,只係比較少…
我見同99住,多數個老公都唔能夠獨立,結果梗係差D~
嫁男人同嫁男仔,係好大分別~

跳至
你需要登錄後才可以回帖 登入 | 註冊