離左婚點解仲要個仔嘅出世紙?
同前夫離左婚4年幾,個仔跟我住,當初離婚我只係想盡快搞掂,所以我一蚊都唔洗佢俾,佢亦無能力俾,一直只係隔個月見個仔一次。
而我同佢都口頭上講好左,雖然大家唔陀大家,但都盡量唔好影響到個仔為前題,河水不犯井水。
到上個月,佢突然問我要個仔嘅出世紙,話佢有野搞要證明佢有個仔,我問極佢都唔肯講用黎做乜,只係答話唔會阻到我同個仔排公屋同報學校野,咁我仲更唔明用黎做乜,加上佢唔係一個負責任嘅人,當初都係大話到我驚所以離婚,我好懷疑佢另有企圖,我拖左佢成個月扮搵唔到。各位JM,可能我無知,到底有咩個人理由要用到個仔嘅出世紙?幫幫手