我每天都帶我個小朋友返學(幼 稚 園).咁久而久之識左一 d 同班同學o既家長 (其中有 A太同 B 太).咁我地差不多每日送完仔女返學都會一齊食早餐(仲有一個 C 太,係 A 太的朋友). 我們都是家庭主婦. A太係一個年紀比我細而講說話有少少寸,但係人都幾好的人. B太都係細過我係一個喜歡炫耀自己點叻點叻,自我中心主觀己見o既人(之前有返工而家冇喇). 初初我覺得同佢地相處得都幾好(到而家識左佢地一年多),有講有笑,同埋去邊玩都會叫埋D 仔女一齊去的.但係我唔知點解近呢個幾月, A太同B太o既關係變得特別好,都唔緊要喇因為都唔關我事.但係我覺得我而家每天食早餐真係食得好委屈呀.因為我個人係一個好冇所謂,遷就人多人就我o既人黎架.咁我唔知點解有時同一句說話出自唔同人把口講出有唔同o既反應囉.第二 d 人講就好地地,但係我講每一樣野.我好肯定果樣野係咁,佢地都會話我錯, 仲會講埋一 d 好難聽或者暗寸o既說話黎回應返我.我都忍你地食晒落肚都算喇. 其實我真係唔想同佢地日日都食早餐喇. 同佢地食都唔開心食黎做乜呀.! 或者同佢地食少 d 會好 d o既. 但係我唔知點開口同佢地講好.因為我唔係係唔鍾意佢地.我唔係唔想同佢地做朋友 , 係個人見解唔同. 仲有我講完仲有好多胡亂o既猜測. 所以我都唔知點講好.
發表於 
返回列表
