烹飪搵食今日: 14|主題: 138976

收藏本版

發帖

返回列表

跳至頁

查看: 11610 | 回覆: 12

[搵食推介] 一間俾員工玩死的飯店 [複製鏈接]

baby668

子爵府

積分: 10822

1^#

發表於 19-4-19 22:28 |只看該作者 |倒序瀏覽 |打印

本帖最後由 baby668 於 19-4-19 22:35 編輯

話說尋晚一家三口去沙田宜家傢俬睇嘢，睇完嘢又肚餓又落雨，於是就係嗰度搵食，見到有間八月花，諗都唔諗就沖咗入去，一坐低就先見到啲餐具，竟然仲有污漬，唔理啦諗住洗乾淨就算，跟住個侍應唔知攞咗啲乜嘢過嚟，我太太就好有禮貌咁同佢講，請問餐前小食仲有乜嘢選擇，跟住佢話仲有花生，然後太太好有禮貌咁問佢，請問仲有冇其他選擇，點知個位侍應突然西面，然後用極度不肖嘅態度同我哋講，其他小食要俾錢㗎，就轉身攞啲嘢走咗，同時我同太太兩個人嘅反應都係O晒嘴，當我哋洗完杯之後，西面侍應又過嚟幫我哋倒水，因為囡囡個碗仲有水喺度，西面侍應問使唔使倒咗佢，我太太好有禮貌咁同佢講唔使喇唔該，個西面侍應口噏噏細細聲係咁鬧，我大約聽到佢講，重俾個細路女玩水，因為佢一路行一路走，我唔知道佢鬧乜，總之就好似我殺咗佢全家咁樣。

其實唔係想針對任何人，我只想講，我唔係冇俾錢㗎，我絕對唔期望你俾好好服務我，但最小你都要有基本服務

講返食物水準方面，真心呢個價錢，換嚟嘅質素唔可以話高，$128 韓國蟹子卜卜砂鍋飯，佢最失敗嘅地方，就係落咗好多細小嘅炸鹹魚，令到個飯咬起上嚟好硬，平心而論佢個飯整得幾好味，但係呢樣嘢扣咗好多分

另外 338蚊嘅特價套餐，隻鹹雞味道可以，但絕對唔算有驚喜，但條魚因為佢上菜果陣用個爐不斷加熱，好快就令到個魚好(鞋)，整體嚟講水準貴，服務垃圾，食物質素未見突出，絕對可以講冇下次
223239k8z18kd48qnbkn9k.jpeg_thumb.JPEG