夫婦情感

跳至

首頁

尾頁
   3


洋房

積分: 96


發表於 19-5-31 05:40 |顯示全部帖子
本帖最後由 mamaelaine 於 19-5-31 05:42 編輯

老公識左d壞朋友成日去夜總會。次次都5,6點天光先返,去得好密。重點係我左陀緊bb個時佢都係咁,依沒生埋都係咁。有次我發現佢send msg俾個夜場女仔話想上去揾佢玩,言下之意即係之前坐完枱玩完印象深先交換埋聯絡方法。第二日我同佢發癲。佢勁死狗又發唒誓應承我唔會再去夜總會,但兩星期之後佢又再去玩,之後就一直都有keep住去,發誓當食生菜。我從來覺得佢只會去飲酒,因為我咩都唔識,佢講咩我就信。但之後佢一有機會出去,就肯定會去玩到天光先返。之前雖然我嬲但佢都會講佢去玩,但最近佢會講大話隱瞞,唔認但每次都會被我發現。佢會話去玩有咩大不了,又無做d咩,我話我又唔係現場你同d女仔做咩有邊個知。佢話講個信字,但你一開始已經隱瞞話無去玩已經講緊大話囉。佢暗示覺得無搞野上床就代表自己清白。我話無老婆會覺得個老公隔離有個女人會無問題,如果我隔離有個男人捱身捱勢得唔得?佢話唔可以。佢話唔明點解人地d老婆無野點解我咁敏感。我話如果你係咁鍾意玩你就唔應該揾我呢d女仔做老婆,你應該揾個同你一樣貪玩,大家各有各玩,咁你就唔洗每次都玩都瞞得咁辛苦。我話如果有一日我唔再在乎你你會好驚,我話咁我以後唔理你唔再過問,佢又話唔好佢好想我在乎佢。原來琴晚佢話同我都識個d朋友去食飯之後去唱k,原來佢同佢地食完飯之後去左同個朋友去夜總會揾陀地妹。佢個frd仲有帶女去酒店,我如果唔係餵夜奶打俾佢我唔知下場會係點。我仲坐緊月,初生bb咁需要精神去照顧佢都去玩女人唔幫輕下,仲要同我講係去應酬其實係去飲酒玩女人。初初仲要唔應去夜總會仲話我撩我交嗌,被我踢爆之後就應死狗。其實我地上星期先鬧完交因為我坐月病到死死下佢都去玩唔早d返展企幫下手,第日買左紮花道歉但我一眼都無望過。我同佢講有d野唔係話道歉就得,我真係好心淡。我地有個4歲小朋友,依家多多個初生。我內心真係好痛苦,佢早幾年唔係咁架,自從識左d朋友就變到咁。但佢地係生意伙伴所以成日都會一齊。去夜總會玩就會話要傾野應酬每次都係同一個藉口。最近一年玩得好密好癲,飲完酒返到屋企又會發癲整爛屋企d野好暴力好恐佈。佢依家個人變唒質,依家仲講埋大話,我愈來愈難面對佢... 我內心既感受好想同佢分開,但又有兩個小朋友,細個個先岩岩出世又好需要我,我都好想小朋友有完整家庭。我好簡單,從來都相信結婚會一生一世。其實佢唔飲酒去玩個時都好好,不嬲好錫大個個小朋友。但佢去夜總會玩我又真係接受唔到... 去婚姻輔導有幫助嗎?不過我覺得佢都係會照去夜總會玩,佢有得玩就會擺我唔知係咩位置。唔通真係要分開?好痛苦。如果你地係我會點?


伯爵府

積分: 19693


發表於 19-5-31 08:15 |顯示全部帖子
坐緊月都唔幫下手仲要出去玩,已經覺得呢個人唔可以一世,有所保留。今日唔離開只係為大局,你需要佢時,佢不在,攬緊第二個,到你能夠獨當一面的時候,佢既存在有意義嗎?


珊瑚宮

積分: 102475

畀面勳章


發表於 19-5-31 08:22 |顯示全部帖子
花花b 發表於 19-5-31 08:15
坐緊月都唔幫下手仲要出去玩,已經覺得呢個人唔可以一世,有所保留。今日唔離開只係為大局,你需要佢時,佢 ...

十分同意。


珊瑚宮

積分: 102475

畀面勳章


發表於 19-5-31 08:24 |顯示全部帖子
mamaelaine 發表於 19-5-31 05:40
老公識左d壞朋友成日去夜總會。次次都5,6點天光先返,去得好密。重點係我左陀緊bb個時佢都係咁,依沒生埋都 ...

男人出去玩有十萬個籍口。
佢咁玩法,有二奶係遲早嘅事。
往後點做,你自己諗清楚。


複式洋房

積分: 332


發表於 19-5-31 09:11 |顯示全部帖子
咁又真係幾過分,有細路唔幫手仲出去玩


子爵府

積分: 14244

畀面勳章


發表於 19-5-31 09:49 |顯示全部帖子
呢個情況,真係要分開,因為人冇深刻的懲罰又怎會去改過?


男爵府

積分: 6943

2024年龍年勳章 虎到金來勳章 牛年勳章


發表於 19-5-31 09:55 |顯示全部帖子

回覆樓主:

如果你有經濟能力嘅話, 不妨考慮下離婚……


男爵府

積分: 6302


發表於 19-5-31 10:10 |顯示全部帖子
夜總會d 女又後生又靚,玩慣佐好難介得甩


侯爵府

積分: 24725

認識瑞士牛牛第二回 認識瑞士牛牛第一回


發表於 19-5-31 10:12 |顯示全部帖子
渣男一名~毫無責任心


男爵府

積分: 5215


發表於 19-5-31 10:25 |顯示全部帖子
一個賭,一個滾,都係死症,幾乎無得醫
俾期望既,十居其九都係一廂情願,樓主已實實在在經歷過,再俾,只係蠢

家,係要有溫度,無溫度既家,大家都辛苦

路不只一條,亦同樣唔容易行,樓主好好諗下吧


珍珠宮

積分: 34722

減齡達人勳章


發表於 19-5-31 10:31 |顯示全部帖子
酒吧都容易有女埋身,去夜總會真係甘乖剩飲酒?最初都還可以,之後見個個都買女出街,遇到個啱feel 嘅,又點會抗拒到引誘?
聽過有男人,次次去夜總會都會mark 同一條女,之後買鐘出街,再之後玩出感情,叫條女唔好做,養佢做情婦
你坐好月子先,身體緊要。之後諗清楚仲可唔可以同呢個男人行落去。有冇外家可以返,有就帶埋兩個小朋友返外家住一排,比大家都冷靜下


侯爵府

積分: 22211

畀面勳章


發表於 19-5-31 10:35 |顯示全部帖子
Heman2001 發表於 19-5-31 10:25
一個賭,一個滾,都係死症,幾乎無得醫
俾期望既,十居其九都係一廂情願,樓主已實實在在經歷過,再俾,只 ...

認同,原諒只會換來一次又一次失望,日日提心吊膽堅難頂。你話佢時通常會認衰,之後講講下又千萬個借口發返你圍,之後又重犯。


瑪瑙宮

積分: 127467


發表於 19-5-31 10:59 |顯示全部帖子
佢直頭係沈迷酒色, 老婆坐月 BB 剛出世, 都可以咁樣行開, 尼个男人重有咩責任感可言.

樓主坐好月先, 再諗後路吧.


大宅

積分: 1930


發表於 19-5-31 11:12 |顯示全部帖子
本帖最後由 hil_hy_c211 於 19-5-31 11:13 編輯

回覆 mamaelaine 的帖子

我覺得呢d男人根本就亳無責任心、亦肩負唔起做父親/丈夫ge責任,難以再同佢有互信ge關系!既然係咁,點解仲要一齊?
明白有小朋友係會難搞d,但唔通你覺得小朋友係咁ge家庭長大會係開心幸福? 唔好去奢望人會變,太愚蠢!

有時就是要正視面對自己ge情感,既然接受唔到就唔需要強求自己去委曲求全!

我覺得樓住最緊要ge係自己小朋友ge身心健康,唔好比大人ge野影響到佢地!假如父母真係需要分開,都要比佢地明白呢d係大人相處上ge問題,就算分開左,佢仍然係個有爸媽愛的小孩!



男爵府

積分: 5215


發表於 19-5-31 11:13 |顯示全部帖子
本帖最後由 Heman2001 於 19-5-31 11:14 編輯
o_____o 發表於 19-5-31 10:35
認同,原諒只會換來一次又一次失望,日日提心吊膽堅難頂。你話佢時通常會認衰,之後講講下又千萬個借口發 ...

賭、滾點解咁難戒,有2個原因:心引,朋友

做得夜場既女人唔會錫身,只會為錢,唔通著樽領衫、長褲會吸引到男人嗎?呢d誘惑,男人去一次就叫"見識",第二次就"陪朋友去咋",第三次就自己去:"屋企個女人好煩",全部都係俾自己去滾既藉口,聽都聽唔少...

樓主妳而家要諗,係諗下點樣可以令自己同小朋友開心生活、成長,唔好俾一扎花、幾句說話就影響妳同小朋友既下半生

機會係可以俾,但千萬唔好盲目咁俾


男爵府

積分: 5215


發表於 19-5-31 11:20 |顯示全部帖子
Nancy20090615 發表於 19-5-31 10:59
佢直頭係沈迷酒色, 老婆坐月 BB 剛出世, 都可以咁樣行開, 尼个男人重有咩責任感可言.

樓主坐好月先, 再 ...
認同!

老婆由有左到生BB,即使唔為其他女人,都可以唔陪老婆,無責任心兼自私!

樓主,先養好自己身體,還有好長既路要行


大宅

積分: 1127


發表於 19-5-31 11:24 |顯示全部帖子
回覆 Nancy20090615 的帖子

十分同意! 坐好月先~


伯爵府

積分: 15553

2024年龍年勳章 2024勳章 2023年兔年勳章 2021可愛聖誕B勳章 減齡達人勳章 牛年勳章 畀面勳章 叻叻勳章 睛靈勳章 陪月勳章 BK猜猜猜慶中秋 冬日勳章 KMALL特別版勳章 BB防敏心得分享勳章 笑得好勳章


發表於 19-5-31 11:26 |顯示全部帖子
呢啲男日唔使恨,以後睇錢份上啦,可以成日去呢啲地方玩,即係有錢,照計妳而家生活應該無憂

而家妳仲坐緊月,無謂同佢反面,妳應該為自己為小朋友著想,儲個錢為日後打算


瑪瑙宮

積分: 127467


發表於 19-5-31 11:31 |顯示全部帖子
Heman2001 發表於 19-5-31 11:20
認同!

老婆由有左到生BB,即使唔為其他女人,都可以唔陪老婆,無責任心兼自私!

一般男人, 唔顧大都會顧細 (自己血脈) , 要仔唔要毑都大把人, 尼个死佬, 唔顧大又唔顧細, 唔配有老婆仔女. 玩少陣女人會死的嗎? 果 D 女人為你付出過乜?


男爵府

積分: 5215


發表於 19-5-31 11:36 |顯示全部帖子
Nancy20090615 發表於 19-5-31 11:31
一般男人, 唔顧大都會顧細 (自己血脈) , 要仔唔要毑都大把人, 尼个死佬, 唔顧大又唔顧細, 唔配有老婆仔女. ...
男人只係一個只顧自己既自私精!
未見過一個有自私精既家係開心的(除非個個都係自私精)!

首頁

尾頁

跳至