GB2020 發表於 19-7-18 21:06
我收左線後忍唔住即刻爆咸左出黎,其實我都知錯say sorry,但我真係好唔鐘意等咁耐一句都唔覆人呢種行為, ...
下次傾到有不和意見時,妳試下記得同佢盡快講清畀佢知,妳唔係嬲佢。只係嬲個傾談結果,我需要一個人靜下,調劑翻自己既情緒。
當佢知道妳唔係嬲佢時,佢會容易D調整自己既負面情緒。
LEE 招係我同我前夫一結婚時上既婚姻輔導學翻來既。
其實我前夫都係好「小氣」,我唔用「小氣」來形容佢,我跟佢既形容法 用比較「敏感」來形容。 所以過去20年來,我磨練出每次遇到我地不和時,我會先溝通好話佢知:
1. 我唔係嬲佢。我有不滿情緒,係對事,唔對人,唔係佢既錯,我唔怪佢。(等佢平心面對我既負面情緒,唔好嬲翻我)
2. 我唔出聲,係我需要一個人思考,分析佢既意見同睇法。唔係冷戰。(等佢唔使誤會以後24小時我做D乜野同平時唔同都係衝住佢而行既。)
而家同我先生就好相處好多。佢從來唔面黑人既。或者佢收得好好,佢嬲人,如果佢唔講出來,人地都唔知佢嬲左人。可能我遲鈍,我真係唔知佢嬲我。但我前夫就會表現得好明顯佢嬲我。
對付我先生咁收埋自己情緒既人,我要用唔同招數,係要佢一發現自己嬲我,就要即時用語言話我知佢嬲我D乜野,等我當時件事,我既反應如何,我還記憶猶新,可以即刻同佢一齊處理左件事同平下大家既情緒。
上次,我先生嬲我,我當時都唔知,因為佢當時同即日又冇面黑,又冇比平時少TUM我。佢隔左成個月先有EQ話我知。佢話我當眾講野大聲話佢喔。我已經唔記得左我當時聲線,情緒係點樣。下次若遇上雷同情況,我可能會再就範。唔緊要啦,我已經同佢講好左,下次我有邊D地方激動嬲佢,佢會嘗試立即或儘快放心咁話我知。
Love is when the other person’s happiness is more important than your own ~ H. Jackson Brown