幾年冇去過臺灣，呢個假期決定帶爸爸媽媽同小朋友去一次，宜蘭啱小朋友玩，爸媽就想去花蓮，一於去齊呢兩個地方，滿足晒大家嘅願望。
要攜老帶幼，當然想複雜問題簡單化，朋友介紹咗包車，話揾小洪冇煩惱，介紹得就一定口碑好，事先聯絡咗佢，話佢知我哋嘅要求，佢sent咗啲行程建議過嚟參考，又幾好wor,啱我哋，就跟佢啦，連planning 都慳番。
Day1,我哋朝早抵埗，小洪已經揸車到桃園機場等緊，過完海關揾到上車啦，㗎車好正，福士vw，夠大，新車落地，一陣皮味，車上還裝了電視機，小朋友見到超中意。小洪後生仔一個，又好笑容，一於同佢做friends。出發啦，第一站先去Mr.brown咖啡城堡嘆番杯咖啡，影影相，接著小洪帶咗我哋去食最出名的甕窯雞，仲幫手拆骨添，比人服侍，有啲唔慣添;，食完飯，小洪又話帶我哋去食闻名的苛氏葱油餅，話唔試走寶⋯⋯去到見到人龍冇咗條尾，就知好嘢啦，排隊買咗，又香又脆，與香港出品確實唔同。繼續前行去到浸脚公園，爸爸媽媽好enjoy 去咗魚池浸脚，我就陪小朋友去對面試食& 買吓嘢，之後小洪車我哋去直去目的地幸福轉運站/幾米公園/丟丟噹森林公園，在童話世界裡面，我哋玩癲咗，爸媽以為自己仲細同我對仔女做埋角色扮演，小洪用佢嘅私人相機不停咁幫我哋影相，之後仲執埋相，sent返比我(影得好靚，今時今日仲有呢種服務態度，抵;）從童話的世界去到現實的梅花湖踩吓單車，relax吓咁就一日啦，好攰返歸啦，今晚住羅東夜市隔離嘅洒店，方便掃街。
Day2,出去食個簡單早餐（千祈唔好食留返啲quota,司機會一路介紹&帶我哋去食好嘢）出發，今日去花蓮，攀爬沿海的蘇花公路，司機好窩心提醒我們唔好玩手機，以免暈車，行呢條路，少啲技術都唔得㗎，睇住車外風景海天一色，司機技術又一流，好快到咗花蓮，佢帶我哋食少數民族特色料理，平靚正，幾特別，同以前臺北食嘅唔同。醫完肚，去花蓮出名嘅太魯閣國家公園，首先去老少咸宜堪稱臺灣最美的砂卡噹步道，行完砂卡噹我哋去到燕子口，行這個步道需帶安全帽，這是一個天然的大峽谷，峽谷的結構堪稱鬼斧神工、天造地設，值得一去，之後再去跟明信片图片一樣美麗的長春祠影相。雖然意猶未盡，但時間無多，司機要帶我們去出名嘅七星潭，七星潭海滩布滿大大小小石頭靚靚石頭，好多人慕名而去，漫步海邊吹下海風，又認真舒服。多謝一路上司機都幫忙照顧兩老及小朋友，真的好好人。一日行程完結返到今晚住的民宿，小洪幫手訂㗎，干靜企理，近東大門夜市，幾好。佢介紹夜市入面有間蔣傢棺材板（香港人叫棺材包）一定要試，重話如果要食無冇改良嘅老店就要去臺南。嚟到係要食咗先講啦，呢處都好正啊！
Day3,早餐食地道嘅公正包子，小洪車我哋去清水斷崖，本以為有乜特別，去到停車場見塞滿車先知係花蓮嘅熱門景點，即管去影下相，雖然同我想像有出入，不過影出嚟又的確幾靚。中午我們去南方澳食海鮮，好新鮮抵食。食飽又出發啦，沿路見到路邊賣菠籮（臺灣叫鳳梨），小洪落車幫我哋買，好甜唔黐脷，正👍🏻⋯⋯玩吓食吓之後到咗蠟筆城堡DIY，小朋友開心啦，輪到佢哋啦，買一張飛玩四樣嘢，又有有老師教，抵👍🏻⋯⋯玩完蠟筆城堡緊接住去到佢哋至愛的宜農牧埸，地方雖細，但勝在夠集中，裡面有baby豬、羊、雞鵝、魚、有識講嘢嘅鸚鵡，可以近距離接觸同餵佢哋食嘢，仲報名參加咗啲指定時段嘅DIY，玩埋小卡車，都係30蚊入場去邊揾啊！一浪接一浪大滿足地返臺北啦，不過車程真係長咗啲啲，要四個半鐘。
Day4，返香港，由天堂返回人間😅😅😅
總結呢四天臺北、宜蘭、花蓮的行程，必食生果鳳梨、芒果。小食苛氏蔥油餅、花生雪糕卷，蔣家棺材板。嘢飲檸檬屋苦瓜汁。嘢食甕窯烤雞，問鼎火鍋。必到宜蘭幾米公園，花蓮太魯國國家公園。不過去花蓮路途遙遠，最好余多一日時間。
整個行程都開心完滿，非常多謝小洪（Jerry)嘅細心照顧同安排，幫我哋影咗好多靚相，為我們一家帶嚟美好回億，他是專業導遊兼司機，景點導覽詳盡又介紹好多當地的風俗，特色美食比我哋，主動，熱心，值得推
發表於 
返回列表
