吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 時政擂台› 警察的心聲

時政擂台今日: 0|主題: 60274

收藏本版

發帖

返回列表

跳至頁

查看: 3921 | 回覆: 53

警察的心聲

[複製鏈接]

12 3

jamlee309

大宅

積分: 3934

1^#

發表於 19-7-24 23:48 |只看該作者 |倒序瀏覽 |打印

轉載：

有好多人都好好奇，點解到今時今日警察都唔覺得自己有問題。點解埋沒良知，要去打壓示威者。係好多人既角度，警察失曬控，亂咁打人，甚至同黑社會勾結。好多人覺得好奇怪點解警隊三萬幾人都好似比洗左腦咁，又會好奇點解會有人支持政府同警察。

我作為其中一份子，或者由我以不同既角度分析一下。以下既觀點純屬個人意見，不代表任何機構立場，請大家冷靜落黎理解一下：

1)觀點與角度
角度既重要性我諗唔洗我多講，角度唔同，同一件事睇出黎既結果當然會唔同
尤其是在社會意見嚴重分裂既時候。
我嘗試站在示威者角度睇，本著為香港為下一代既理想⋯

0 0 0

私人傳訊

jamlee309

大宅

積分: 3934

2^#

發表於 19-7-24 23:49 |只看該作者

大熱天時有假唔放走上街頭。為自己認為對的公義以及社會各種不公平而發聲，到最後換來既係警方無情的清場。自己無衝擊、無用暴力、為何會受到如此對待？其後更被灌上了暴徒之名，也許的確會令人氣憤。

有些人覺得和理非已經沒用，認為必須勇武抗爭才能迫政府回應其訴求，而事實亦證明至少他們在於迫政府回應這一方面是成功的。附帶的則是社會進一步撕裂、更多的訴求、以及對於警方應對示威者方式上沒完沒了的爭論。

另一方面，香港警務人員一直學習的、相信的、奉行的，係依法辦事，不徧不倚，政治中立。作為執法者，警察的宗旨其實好簡單，法例係警察執法既唯一既標準

私人傳訊

jamlee309

大宅

積分: 3934

3^#

發表於 19-7-24 23:52 |只看該作者

亦係警察權力既根源。
唔理你咩背景咩立場咩理由，總之違法既事情警察就要去處理。如果還要去考慮犯法既人既動機同理據先決定執法與否，
咁就會容易出現徧私、導致執法不公。
然而，當這套警務人員一直信奉的標準用以應對示威活動時，彷似完全失效了。在警察角度，犯法既行為，係上述既基準下唔可能因為種種原因將其合理化。

有人認為，好多警察為左份人工，掩著良心，善惡不分，上級叫你做乜就做乜，盲目地幫政府打擊異見人士。其實不然，我接觸到既絕大部份警務人員，也是本著維護公義、維護法紀、為香港未來的精神站在街頭去執行職務。

私人傳訊

jamlee309

大宅

積分: 3934

4^#

發表於 19-7-24 23:54 |只看該作者

與示威者一樣，大家也是為著自己認為是正義公義的理念而站到最前，我們守護的不是政權，係香港既法治精神。可惜，換來的卻只是謾罵，情感宣洩，粗言對待，甚至暴力衝擊。「有糧出就預左比人鬧」，「有糧出做得好也是 well paid for it」，我相信呢啲說話放係任何行業上打工仔也不會同意。

近年既遊行示威活動，警務人員站在最前線。看到的、遇到的，是一班情緒失控既示威者，一些政治人物為求爭取曝光率帶頭煽動民眾衝擊警察防線，一些人借記者名義刻意地、有目的地阻礙警方執行職務。好多人無緣無故地挑釁在場警員。

私人傳訊

jamlee309

大宅

積分: 3934

5^#

發表於 19-7-24 23:56 |只看該作者

你可能未必認同呢啲睇法，但係這些正正係站在最前線警務人員最深刻的感受。�無奈地，作為公務員站在最前線的一員。
警務人員成為了民眾對政府施政不滿既發洩，甚至暴力衝擊既對象。

和平示威者當然唔覺得集會有咩咁暴力。
同樣地，比人粗言問候、掉磚同用鐵枝攻擊既前線警務人員睇唔到你個集會有幾和平。同一個時空，位置唔同，觀點亦唔同。
2)武力使用
好多示威者不明白警力為何要清場，亦不滿警方清場時過份使用武力。

對於遊行示威，警務人員一直都被指引去盡量協助和平有秩序既示威活動，，專重基本法所保障的言論自由。

私人傳訊

jamlee309

大宅

積分: 3934

6^#

發表於 19-7-24 23:57 |只看該作者

但同時，警察亦有責任保障其他人既權利同安全，包括司機使用道路既權利、保持道路暢通、確保遊行示威順利進行既同時亦讓其他市民能繼續使用公眾地方、商戶能繼續營業。當情況失控時，法例亦賦與警察權力用適當武去驅散示威人士，以確保社會能回復秩序。

糾結在於，唔同人對於何謂情況失控以及何謂適當武力有不同理解。沒有用暴力既示威者當然覺得企係條街到無啦啦食煙食彈好有問題。站在警方角度，面對完全堵塞馬路、圍堵政府建築物和警署、用武器攻擊及不斷揚言將行動升級既示威者，使用胡椒噴劑、催淚煙以及橡膠子彈去驅散群眾以回復社會秩序，係適當而有效既方法。

私人傳訊

jamlee309

大宅

積分: 3934

7^#

發表於 19-7-24 23:58 |只看該作者

而且呢啲驅散人群既方式亦唔係香港警方獨有。

縰使個別情況下有警員可能使用了過份武力，是否就代表整個清場行動是無理和不合法的？令人不解的是，人們於追究警方有否濫用武力既同時，卻要求警方釋放所有用暴力既示威者。對於同樣係暴力既行為，為何會套用不同標準？有人會說著得起套制服就應該受更高既道德限制，那麼，如果我脫下制服，放下警察身分，我是否就可以以暴制暴而不受法律管制？
3)傳媒、資訊
現今社會資訊氾濫，媒體資訊往往求快、不求真，又或只是給你看有既定立場或目的既所謂真相。有些人不明白為何前線警務人員對記者展現不友善，

私人傳訊

jamlee309

大宅

積分: 3934

8^#

發表於 19-7-24 23:59 |只看該作者

而警員亦不明白為何有些媒體要故意將警察素做成為人民公敵。有些人更別有用心地製造假資訊黎抺黑警隊。「警察搵磚頭掉示威者」、「手錶門」、「警總外派人便裝假冒示威者」等等既指控其後都已經澄清。有人話警黑勾結，我可以大聲答你系天方夜譚。有人話警方計出黎既遊行人數唔准，但點解無人深究民陣公報既 200 萬零一人系點計出黎？可惜既系，好多人亦似乎無視一切，繼續選擇性地去相信和接受一些腐化左既資訊。

有人又問警察對於逃犯條例點睇，
又好奇怪點解好多警察同其他人覺得修例無問題。你問我的話，原因好簡單，因為我從來都無被要求過執行任何政治任務。

私人傳訊

jamlee309

大宅

積分: 3934

9^#

發表於 19-7-25 00:00 |只看該作者

我地受既所有訓練入面，都係叫我地政治中立，不要因個人立場而選擇性執法。
故此，對於一些片段中將警察描繪成為中央既政治工具，我覺得是完全失實兼誤導到的。何況，對於個修例議題支持與否，其實同警察執法好似無乜關係。

社會上亦有好多聲音支持警隊，大家卻視而不見，聽而不聞。甚至對支持警方執法既人進行網絡欺凌和公審，務求消滅所有不同自己理念既聲音。有好多支持警隊既人因為驚而唔出聲，難道呢個就係所謂既言論自由？香港所有人既意見是否都應該尊重？唔用社交媒體果啲人又有無人問過佢地意見？

私人傳訊

jamlee309

大宅

積分: 3934

10^#

發表於 19-7-25 00:01 |只看該作者

有人見到白衫人周圍打人之後係到笑，
同樣地，我亦見到唔少人見到警察或者支持警察既人比人打係到歡呼。大家除左割蓆，Unfriend 同埋互相話對方唔係人係狗同生物之外，係咪應該理解下對方既理念？係咪應該一同反對所有暴力行為？

4)總結
放下所有成見和爭論，我想大家冷靜諗下
若然警隊唔能夠有效地執法，究竟對個社會係好事定係壞事？個社會繼續分化同撕裂落去，誰又最終會得益？解散警隊，難道就可以解決所有事情？昨日搞到人心惶惶、商鋪落閘、恐佈謠言滿天飛，是否只是政府和警方的責任，還是各個持份者都有責任？