懷孕前後

跳至

首頁

尾頁
   0


別墅

積分: 642


發表於 19-7-31 16:22 |顯示全部帖子
我一直同奶奶老爺同住,大女歲半一直都由奶奶湊,仲有3個月二胎就出世,但最近我情緒真係唔多好。
本身未陀二胎我可以假日成日單拖呀女出下街,多啲單獨時間,但直到有左第二胎,行動就愈來愈唔方便,大女一直跟開奶奶,痴住奶奶,我知道,奶奶都錫佢,有奶奶湊的確係輕鬆啲。
但最近我又少左好多時間陪呀女,變左奶奶陪佢出去玩,我真係好傷心。
我已經係在職媽媽,放工已經好努力去補足返湊女時間,但佢歲半都仲唔係第一個痴我⋯我真係好擔心,二胎出埋世佢唔記得我先係媽媽。
由其每次佢扭計一定要痴去奶奶到扭抱,我個心傷心到裂開左咁(emoji)好似以為奶奶先係佢媽媽咁,到底呀女幾時先知道我係媽媽痴返住我?
有無在職二胎媽媽,或者兩胎都好近既媽媽可以比啲安慰我?
係咪真係到2歲會改善到問題?
我明白bb係鐘意痴住照顧者,但個心真係好難受⋯


大宅

積分: 2975


發表於 19-7-31 16:28 |顯示全部帖子
bebemiracle 發表於 19-7-31 16:22
我一直同奶奶老爺同住,大女歲半一直都由奶奶湊,仲有3個月二胎就出世,但最近我情緒真係唔多好。
本身未陀 ...

沒辦法的 不是自己帶就是這樣的 只好媽媽你看開一點


複式洋房

積分: 157


發表於 19-7-31 16:33 |顯示全部帖子
本人覺得,最好自己湊返,何況你仲要生兩個,莫講話奶奶會好辛苦,你自己都唔會開心,小朋友一定會痴照顧佢嗰個,本人有一仔,本身開頭未生前已決定俾奶奶湊,但生完返工後,發覺都係由自己湊最好,第一,奶奶一定會寵孫,第二,同奶奶管教方式唔同,小朋友好易會曳,扭計,唔會聽媽咪教,因為湊佢嗰個唔係你,所以我生完返左一個月工就辭職,全職湊,我老公一個月都係得二萬幾,我自己又無做野,但我點都決定自己湊,咁先負返起媽媽責任。

不喜勿插


別墅

積分: 642


發表於 19-7-31 16:49 |顯示全部帖子
Cherry812 發表於 19-7-31 16:33
本人覺得,最好自己湊返,何況你仲要生兩個,莫講話奶奶會好辛苦,你自己都唔會開心,小朋友一定會痴照顧佢 ...

如果可以自己湊,我就一早做左啦,老公收入都唔算高,無左我個份經濟壓力會好大,加上我自己唔想長時間對住老人家,衝突一定會更多。我自己都好想自己湊,可惜外在環境唔許可;(


別墅

積分: 642


發表於 19-7-31 16:51 |顯示全部帖子
@貓咪@ 發表於 19-7-31 16:28
沒辦法的 不是自己帶就是這樣的 只好媽媽你看開一點

所以我想知道,係咪再大啲佢會分別到媽媽?


男爵府

積分: 9433


發表於 19-7-31 17:00 |顯示全部帖子
佢仲細個姐…三歲會開始痴媽媽㗎,我眼見朋友既仔女比姐姐/長老湊都會咁,到返學就痴父母多d啦


水晶宮

積分: 55232


發表於 19-7-31 17:18 |顯示全部帖子
bebemiracle 發表於 19-7-31 16:51
所以我想知道,係咪再大啲佢會分別到媽媽?

分到,但唔等於會自動黐住媽媽
你放工後小朋友食飯/玩/睇書/沖涼/訓覺係你自己做返嘛?


別墅

積分: 642


發表於 19-7-31 17:42 |顯示全部帖子
Nbs 發表於 19-7-31 17:18
分到,但唔等於會自動黐住媽媽
你放工後小朋友食飯/玩/睇書/沖涼/訓覺係你自己做返嘛?
...

大住個肚除左沖涼做唔到,其他都由我做嫁~


男爵府

積分: 5390


發表於 19-7-31 18:25 |顯示全部帖子
我仔仔細個都係好痴奶奶,因為照顧者好正常
到左返學之後,個人開始識野,學校會教識咩野係爸爸媽媽,就會好好多
到現在五歲,都好時都會自己揀奶奶或者揀我去陪..(都好既,大家唔洗咁累)
我仲要唔係同奶奶住,但每次放假或者返去食飯,我都會爭取時間同佢玩。
放心,大個左就無咩野


男爵府

積分: 6446


發表於 19-7-31 18:27 |顯示全部帖子
即係咁,如果老人家唔係湊開而係一出現就寵小朋友,小朋友都會痴老人家,咁你係咪又會唔開心?又或者小朋友由工人湊,痴工人多啲,咁你又覺得點?自己要搵食就無辦法了,只有睇開啲


別墅

積分: 642


發表於 19-7-31 18:58 |顯示全部帖子
Longtimenosee 發表於 19-7-31 18:25
我仔仔細個都係好痴奶奶,因為照顧者好正常
到左返學之後,個人開始識野,學校會教識咩野係爸爸媽媽,就會 ...

謝謝安慰(emoji)(emoji)(emoji)(emoji) 我明白照顧者對得多自然係會痴佢地多啲。唯有再等佢大個少少啦,生完有力氣要再陪大女多啲。


別墅

積分: 714


發表於 19-7-31 18:58 |顯示全部帖子

回覆樓主:

小朋友明白奶奶同媽媽既分別既,你已經做得好好,唔好傷心,生完坐好月再好好平衡下親子時間就得。唔好咁擔心啦!
我都係駝住個細,覺得少左陪個女出街玩,特別暑假係影響到佢多左係屋企,但真係太攰,支持唔到成日同大女出街玩


複式洋房

積分: 157


發表於 19-7-31 18:59 |顯示全部帖子
bebemiracle 發表於 19-7-31 16:49
如果可以自己湊,我就一早做左啦,老公收入都唔算高,無左我個份經濟壓力會好大,加上我自己唔想長時間對 ...

只可以講無辨法,我仔宜家歲半,我一路全職湊,宜家先識叫媽媽,我仲要一路以泥係咁日日教佢分媽媽,爸爸,佢宜家先識。
咁都要好睇你奶奶識唔識教囉


別墅

積分: 642


發表於 19-7-31 19:07 |顯示全部帖子
cometingliu 發表於 19-7-31 18:27
即係咁,如果老人家唔係湊開而係一出現就寵小朋友,小朋友都會痴老人家,咁你係咪又會唔開心?又或者小朋友 ...

你所講好似有啲離左題,不過如果大家都係做在職媽媽既,我諗不多不少都會試過有黎個情況同感受,唔知道你小朋友幾大,又係咪在職二胎以上媽媽,但每個媽媽對子女既投入程度、感受都各有不同,所以先想問下同路人。
講真「睇開啲」「唯有接受」「搵食無計」黎啲野又點會無聽過同唔了解,不過對我來說並不是一種加力和安慰而已。(不喜勿插)


別墅

積分: 642


發表於 19-7-31 19:08 |顯示全部帖子
phillis_chi 發表於 19-7-31 18:58
小朋友明白奶奶同媽媽既分別既,你已經做得好好,唔好傷心,生完坐好月再好好平衡下親子時間就得。唔好咁擔 ...

係,有種無力感,真係無咩力陪佢玩/跑,我會加油,多謝你!


別墅

積分: 642


發表於 19-7-31 19:10 |顯示全部帖子
Cherry812 發表於 19-7-31 18:59
只可以講無辨法,我仔宜家歲半,我一路全職湊,宜家先識叫媽媽,我仲要一路以泥係咁日日教佢分媽媽,爸爸 ...

咁奶奶都教得佢算好,成家人既角色佢好早已經識分別,只不過有時呷醋佢痴嫲嫲


水晶宮

積分: 55232


發表於 19-7-31 20:10 |顯示全部帖子
bebemiracle 發表於 19-7-31 17:42
大住個肚除左沖涼做唔到,其他都由我做嫁~

咁應該都會痴你喇
因為我都係咁,不過我返4 日半,放工放假全部都係個女,佢好跟我㗎


大宅

積分: 1126


發表於 19-7-31 20:33 |顯示全部帖子
我媽咪湊阿囡 阿囡而家差唔多26個月
都唔痴我 有得簡之下 係唔痴我


男爵府

積分: 6446


發表於 19-7-31 21:34 |顯示全部帖子
bebemiracle 發表於 19-7-31 19:07
你所講好似有啲離左題,不過如果大家都係做在職媽媽既,我諗不多不少都會試過有黎個情況同感受,唔知道你 ...

改變唔到環境就只能改變自己心態,無論幾多人勸你,你自己睇唔開一樣係無幫助。我係在職媽媽,陀緊第二胎十一月出世,大女2歲半,工人湊。基本上情況同你差不多吧,同路人都會有唔同感受,唔知你想聽咩說話。我女都痴工人,咁點?係咪要辭職?唔辭職唯有接受或者調整自己心態。有其他路嗎?


男爵府

積分: 6505


發表於 19-7-31 21:48 |顯示全部帖子
bebemiracle 發表於 19-7-31 16:22
我一直同奶奶老爺同住,大女歲半一直都由奶奶湊,仲有3個月二胎就出世,但最近我情緒真係唔多好。
本身未陀 ...


其實你個情況好普遍,好多人兩公婆返工,個小朋友比老爺奶奶/公公婆婆/姊姊湊。

我個仔係姊姊湊,由朝早起身到臨瞓前的三餐兩奶,加下午小食,再加埋沖涼洗衫,基本上都係姊姊包辦。

我哋只係收工後陪個仔玩下,同埋姊姊放假時自己湊。
但我個仔又唔會話只係痴姊姊而唔痴我哋喎!

我宜家都係陀住二胎,十周,雖然有時都覺得攰&不適,但都會晚晚有親子時間。

係了,我個仔係同我兩公婆一齊瞓嘅,晚晚臨瞓前喺床上同個仔玩成個鐘先瞓,可能係因為咁令到我哋同個仔親近咗。

不如叫埋你先生一齊多D親子時間拉近同個囡的關係!


首頁

尾頁

跳至