自由講場

收藏本版
發帖
返回列表
跳至頁

首頁
1

尾頁
   0
~仔仔媽咪~


水晶宮

積分: 51912


1#
發表於 09-5-9 22:37 |只看該作者
除咗父母自己要先做好榜樣外,平時大家會點教仔女做人既道理同道德觀?

我一直以黎都係用講道理既方法去教個仔,但無奈個仔真係過度活躍專注力不足(ADHD),同佢講,佢就左右耳都唔入,完全聽唔到人講乜...

早幾日我仔又LAI野,開始跟佢D同學仔去欺負同學,我當然噴火啦(何止出煙),結果我又是沒收哂佢所有娛樂(漫畫、遊戲機、電視),要佢還番買玩具分俾我同埋之後無做錯事,我至俾佢再儲番分要番D娛樂.

但真係覺得唔夠,我呢次見佢講極都'無料到'(依然犯事),我為求佢化咗灰都記得我要佢守既道理/道德,我呢幾日開始要佢每日抄句,抄到佢識背為止,初初要佢抄'我以後不再欺負人和不再取笑人",之後要佢抄'要愛人如己'、'己所不欲,勿施於人'呢D我咁多年經常同佢講既道理...

但我無讀書咁耐,嗰D金句真係有限公司,所以今日又專程去書局買咗一本孔子'論語'同埋成語故事番黎,要個仔抄同記同埋睇...我唔知呢個咁'老土'既方法work唔work,,,大家平時會有咩好方法可以介紹下?

我仔今年十歲半,係一個小學三年級生.相當頭痛.
私人傳訊

w_y


公爵府

積分: 25476

好媽媽勳章 2011精緻種植勳章 畀面勳章 環保接龍勳章


2#
發表於 09-5-9 23:08 |只看該作者
你會唔會喜歡要俾人罰抄 d 野呀? 唉....抄我覺得短期作用唔大. 小心反抗....你仔情況, 我朋友話佢仔都係咁, 佢會搵 d 書多圖少字又有趣的去教佢.
私人傳訊

Leomummy


男爵府

積分: 7723


3#
發表於 09-5-9 23:44 |只看該作者
仔仔媽咪,
唔好咁勞氣，你仔仔有過度活躍症，我諗佢自己都唔想更唔知咁做係唔岩 雖然我個仔無過度活躍，但佢都係一個極粗心大意既人，又極之貪玩，人哋做乜佢又會跟住去做，仲要係人哋識睇風頭火勢收手，我果個就唔識，所以往往被罰既一定有佢份!!! 甚至跟風去戲弄同學都試過，佢又好儍地會話番俾我知，通常我都會叫佢諗吓掉番轉頭係佢俾人蝦，佢自己又會唔會開心？又或者叫佢諗返以前幼稚園時被同學夾埋一齊玩佢，果時佢又會點？
總之我就未試過叫阿仔罰抄，我只係不停提阿仔 "己所不欲‧勿施於人" 呢個道理﹗就好似樓上所講，你罰仔仔抄書，會唔會冇咁好呢？我會偏向討論，又或者引用一 d 反面教材討論
私人傳訊

~仔仔媽咪~


水晶宮

積分: 51912


4#
發表於 09-5-9 23:52 |只看該作者
原帖由 w_y 於 09-5-9 23:08 發表
你會唔會喜歡要俾人罰抄 d 野呀? 唉....抄我覺得短期作用唔大. 小心反抗....你仔情況, 我朋友話佢仔都係咁, 佢會搵 d 書多圖少字又有趣的去教佢.


罰抄當然個個都唔鐘意做,但我就係諗,個仔做錯事,我罰佢做D佢唔鐘意做既野,佢會怕煩知驚,等佢都警愓自己唔好再犯錯,等自己唔會受到呢D懲罰囉.我暫時係咁諗...

你朋友既方法我一早做過,但個仔係唔聽我呢支笛,同佢一齊睇故事書佢又唔SO我再唔係發夢或者敷衍...跟手我見佢唔合作,自己都無心機再係咁樣方式教落去...我都係見平時佢好肯抄英文生字咁溫書,我至用番呢個方法等D道理可以從呢個'入口'入佢腦度,不過頭先再叫佢抄一版,佢已經係玩玩下咁既心態同我寫(專登寫到D字越黎越細隻)...所以我都係要再諗多幾個方法黎試.

私人傳訊

~仔仔媽咪~


水晶宮

積分: 51912


5#
發表於 09-5-10 00:01 |只看該作者
原帖由 Leomummy 於 09-5-9 23:44 發表
仔仔媽咪,
唔好咁勞氣，你仔仔有過度活躍症，我諗佢自己都唔想更唔知咁做係唔岩 雖然我個仔無過度活躍，但佢都係一個極粗心大意既人，又極之貪玩，人哋做乜佢又會跟住去做，仲要係人哋識睇風頭火勢收手，我果個就唔識，所以往 ...


我明白你意思架,我都有咁諗過,但又唔想個仔養成搵籍口去犯錯既習慣,我同佢講,佢做任何事都要對自己既行為有承擔要自己負上全部責任,我同佢講,就算當初係D同學仔'鼓勵'佢去笑嗰位同學女醜樣兼夾吐兩啖口水落人地度,我話呢D野唔係人地叫你就做囉!我話呢D事佢有得揀做定唔做嘛!況且呢D行為連佢自己都輕易理解到係唔啱,咁既然自己分辨到是非黑白,又做咩繼續去做去傷害人?所以咩原因佢會做呢D事都好,總之都係佢唔啱,佢要負責要承擔.

我呢隻曳野ON居居架!我會理解到,因為佢無咩朋友,得一個老友記(亞氏保加症小朋友),嗰個老友又係精甩尾既,佢係真心當我仔係佢知己,但同時呢個老友仔成日响我仔面前成個大佬咁款,呢樣都係訓導主任咁同我講,之前我唔知係咁,只係知佢好鍚好保護我仔,但個老友仔耐唔耐又係老點我仔去搞其他同學,學校老師似乎都開始擔心佢地兩個太老友,好似想分開佢地咁(我當然唔想,難得有個鍚我仔既朋友),,,我都同個仔講,佢再係出事,媽咪會遞埋醫生寫嗰封信俾學校,要求學校同佢轉班,唔再同呢個老友同班,我仔都話唔想同呢個老友分開(真係有D覺佢地基基...)...所以暫時我都係用呢樣野黎食住我仔.但唔可以維持好耐,始終都要教掂咗個仔等佢唔好犯事先.少D都好吖...
私人傳訊

^Melody^


別墅

積分: 653


6#
發表於 09-6-7 13:55 |只看該作者
道理.. 其實正如你所講 佢地其實都已經知道應唔應該做..係好行為定唔好...所以罰抄作用唔大~ 除非咁"arm"佢要背寫既生字 係當中包括左係裡面 我就試過有次真係好嬲先叫佢罰抄..

而一般我唔叫做罰 我會同佢講 做所有事情 都有後果 . 就好似你同你仔仔講要承擔一樣~~好事有好後果 壞事當然也有後果. 所有野 你做左就要為佢負責任. 通常要負既責任 都係剝奪佢喜歡的事物.. 不過如果你覺得唔夠 可以將個期加長 唔止要做得好..仲要係有期..

例如佢喜歡睇戰隊 雖然我真係唔想佢睇, 不過又覺得小朋友男仔 大部份都鍾意睇 而且一星期就1次 我就由佢啦~ 試諗 自己細個都鍾意睇卡通啦~ 但當佢做左d唔應該做既事情 佢就個果星期就會無得睇.. 繼續大叫發皮氣 就會慢慢同佢講 再落去就會變2星期...3星期.. 個刻佢真係癲ga... 不過當佢知道再唔快d冷靜 就會咩都無既時候 佢就會開始靜落唻.. 比時間佢..真係好緊要... 不過就如先前我所講..有時真係覺得好沮喪...唯有再次同自己講加油~

另一方面...我仔仔 個性情都幾斤斤計較><
都係要同佢地睇多d書或者講故事.. 而睇咩書 我通常都係去圖書館搵.. 都好多選擇~ 我通常係我睇完之後 再係佢耳邊製造魔音~"~ 佢又都好明白咁... 但係到真係時又會係咁 不過又都睇到佢其實有進步.. 所以 都係只能同自己講... 加油

[ 本帖最後由 ^Melody^ 於 09-6-7 14:07 編輯 ]
發明千千萬，起點是一問。禽獸不如人，過在不會問。智者問得巧，愚者問得笨。人力勝天工，只在每事問。
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見