今日係我住嘅屋苑舉辦業主立案法團大會
我以前都未去過, 第一次去,
想去了解一下業主立案法團究竟係做啲咩? 又點樣做既呢...
兩點鐘準時去到 而結果係我個耳仔畀人虐待兩個鐘...
開始時主席講話都好正常, 之後到司庫報告17/18年嘅收支報表,
突然有一個後生仔起身, 話點解依家19年9月啦你嗰個會計報表係上兩年嘅, 我都係做會計嘅......
(咁啱我就係做會計行業, 我完全明白 18/19年度(1/4/18-31/3/19)三月截咗數, 都需要時間整理,入數, 入完數仲要交去核數公司核數, 核數公司要睇下佢公司嘅工作量多唔多, 排隊做, 做完呢一份核數報告
先可以正式在業主立案法團出報告)
然後就隔離左右開始一大班人喺度起哄, 依我所見呢D嘈嘈敝既多數都係好後生嘅,
我就好懷疑佢究竟係咪業主, 或者係有業主授權咗佢都唔定, 但係其中一個就係熱血公民
嚟緊我哋呢區嘅候選人之一
總之我覺得呢就係基本上係入咗一班為搞事而搞事嘅人,
你一句我一句咁, 我係完全聽唔到台上面講啲乜嘢, 點樣投票我亦都聽唔到, 淨係聽到一咋人好似街市買餸咁樣, 喺度嘈...
有個肥妹(同rthk個無禮肥記者差唔多)一路喺度嗌一路揸住個手機喺度影, 但係其實入場嘅時候已經講到明係唔可以用手機攝影,錄音,
咁佢隔離左右亦都冇人出聲㗎喎, 但係當台上面嘅司庫揸住個手機時, 就個個開始話點解你錄影呀? 唔得㗎喎! 然後就全部人就揸起個手機喺度周圍影啦....
跟住好艱難咁去到第四項, 就係投票嚟緊呢個業主立案法團嗰個代表人數,
好得意㗎喎, 有個動議咗13個, 跟住全部都係玩野咁: 100人! 777人!
跟住呢啲無厘頭嘅number全部彈曬出嚟, 總之就一路動議動議, 根本就唔畀你完...
到最尾呢有721個, 831個, 嗰個熱血公民候選人就周圍叫人投831個
我隔離嗰兩個師奶, 係揸住呢個熱血公民派街嘅潑扇(上面咁啱就係有嗰個熱血公民候選人嗰樣喺度)係咁叫呀, 粗口呀, 但留意佢最尾個句係: 最多我今日唔出中環既姐!
哦, 原來如此, 真相大白了, 我已冇必要再係留係嗰度受罪
關心自己屋苑我可以理解, 但你投訴完又唔聽台上代表解釋, 一味得個嘈字有咩用?
最重要係年年都唔出黎關心, 又話個主席唔聽意見, 但係主席都係以前選出黎點解以前冇人嘈?
偏偏今年俾幾個侯生仔搓住放大鏡捉字蚤, 夾埋一班無知婦孺又起哄....
點解香港會變成咁樣呀 ? 
真係好悲哀囉 
, 我見唔到前面有出路呀
發表於 
返回列表
