吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 不知所謂--徐穎文婦科醫生

懷孕前後今日: 3|主題: 330536

收藏本版

發帖

返回列表

跳至頁

查看: 13642 | 回覆: 6

不知所謂--徐穎文婦科醫生 [複製鏈接]

YanYeeMaMa

複式洋房

積分: 208

1^#

發表於 04-11-27 00:42 |只看該作者

不知所謂--徐穎文婦科醫生

正一衰人!我啱啱有第一胎時睇佢,我同佢講我有輕型地中海貧血!咁佢就叫我老公抽血驗吓有有冇貧血先!之後佢覆診同我講我老公似有地中海貧血,要再抽向Confirm!因我家庭醫生曾講過第日生BB如老公都有地中海貧血,就係有問題!但當時我只知d唔知d,所以好驚及立即喊咗出嚟!當時徐穎文無好詳細解釋如果老公都有地中海貧血會點,只係叫我哋驗血先!到一星期後嘅星期六!姑娘突然打俾我話我知老公都有地中海貧血!我就立即要求去診所覆診!佢叫我1200 hrs到,我立即同老公掉低工作,飛車去覆診!去到竟然只有一個姑娘响登記處同我哋講話我老公都有地中海貧血,而徐穎文趕住去接生!無得睇!個姑娘話徐穎文話我同老公係公務員,去政府公家醫院睇就得,公家醫院會教我哋點做!!!!!!咁就打發我哋走!
我好記得我當日响銅鑼灣失控地在街痛哭,因實在好無助!我上到徐穎文度,只知老公都有地中海貧血!其他乜都無解釋走叫我走!經朋友介紹下我即日睇咗尹鎮偉醫生,因尹鎮偉醫生知我嘅情況就立即睇我(平日佢Book好滿)!去到佢好細心解釋如果兩個夫婦都有地中海貧血會點,及有乜方法去驗BB正唔正常!因如果要响尹鎮偉醫生抽絨毛驗要$10,000,所以我同尹鎮偉醫生講話會去公家醫院做!尹鎮偉醫生好好人,立即打去贊育幫我排期及寫醫生信refer全俾贊育!我臨走唸住俾錢時,佢仲唔肯收我$,話都無檢查,傾計唔駛收$!!!我到而家都好感激尹鎮偉醫生,就算佢前排俾個女人告!我都唔覺尹鎮偉醫生為少少$,詭個女人!係個女人強求生仔之嘛!

對徐穎文有以下控:
1.要分2次抽血,唔一次過驗老公有冇地中海貧血!Total 要千幾蚊驗血!!!!
2.由頭到尾無解釋如果兩個夫婦都有地中海貧血會點!!!
3.只揾個姑娘打發我哋
4.無任何醫生信及報告refer我哋去公家醫院
5.睇小公務員,未問我哋就叫我哋去公家醫院睇,好似無$睇佢咁!!!(我同老公夾埋都有4萬幾人工)
6.就算趕接生,也可以改天叫我覆診!個姑娘只叫我哋去公家醫院,完全無叫我改天覆診!

總之八個字------不知所謂!毫無醫德!

有$去睇尹鎮偉醫生好過!!!!!!

私人傳訊

樹熊媽媽

禁止訪問

積分: 2585

2^#

發表於 04-11-27 09:56 |只看該作者

Re: 不知所謂--徐穎文婦科醫生

提示: 作者被禁止或刪除內容自動屏蔽

私人傳訊

kittenyan

大宅

積分: 4062

3^#

發表於 04-11-27 10:03 |只看該作者

Re: 不知所謂--徐穎文婦科醫生

YanYeeMaMa,

唔好嬲唔好嬲, 嬲就唔靚架喇~
最重要的係, 你個BB而家點呢?

我朋友睇過尹醫生, 佢都話尹醫生非常好!
至於呢個徐穎文, 又幾不負責任喎.... 咁都得架...

10-Jul-10: 9w3d 2.25cm 心仔卜卜跳呢~ :)
2-Aug-10: 12w5d 6.10cm 同媽咪say hi~
14-Aug-10: 14w3d 8.48cm 踢腳俾哥哥睇~ Hey！
11-Sep-10: 18w3d 12.86cm 醫生叔叔話我係女仔

:-D 555小寶藏 :-D 555 的 Flickr 相簿

私人傳訊

YanYeeMaMa

複式洋房

積分: 208

4^#

發表於 04-11-27 18:50 |只看該作者

Re: 不知所謂--徐穎文婦科醫生

多謝各位嘅關心,阿B巳快2歲了!
其實嬲都係其次,而係唔想其他媽媽有d咁唔好嘅經驗!

私人傳訊

YanYeeMaMa

複式洋房

積分: 208

5^#

發表於 04-11-29 00:50 |只看該作者

Re: 不知所謂--徐穎文婦科醫生

我見有d媽咪都有睇佢,comment都係一般,可想而知我無誇大!

私人傳訊

smallfish123

大宅

積分: 4722

6^#

發表於 04-11-30 14:53 |只看該作者

Re: 不知所謂--徐穎文婦科醫生

YanYeeMaMa ,
請問有沒有尹鎮偉醫生的地址,電話同收費参考??? 佢係吾係好好㗎?because I don't want to see 徐穎文anymore!!!!

私人傳訊

YanYeeMaMa

複式洋房

積分: 208

7^#

發表於 04-12-1 00:51 |只看該作者

Re: 不知所謂--徐穎文婦科醫生

又有媽咪睇完徐穎文嘅經歴,你話吖,我哋要寫咁多字申訴就知佢幾不知所謂:

PinkyBeBe 寫道:
YanYeeMaMa:
我睇o左你o係產前產後有關除醫生的文章了, 我諗如果我講埋我o既遭遇俾你聽你就知道你o個次都未算過份.

我o係bb未夠兩個月o既時候睇o左我奶奶個醫生(佢睇o左廿幾年ga la) 發現我o係子宮頸口有一粒大息肉(當時醫生仲俾塊境我自己照o黎睇), 經醫生拿取細胞檢驗後發覺無懷細胞亦無大問題只係普通o既息肉, 但因為當時bb還未穩定如果做手術會有流產o既危險所以佢提議過o左四個月或bb出世後才處理.

期後我經睇開o既普通科醫生介紹轉睇除醫生(佢o地原來係同學o黎o既) 我第一次去見佢o既時候帶晒所有驗血報告及有關粒息肉o既報告去俾佢睇啦. 佢睇完後就話要同我再驗血及攞o的細胞去做多一次檢驗, then 佢叫我去另一間房俾佢檢查啦. 佢一入到o黎睇到粒息肉就話粒息肉好肉酸好核突好似粒椰菜花o甘, o甘我即刻問醫生椰菜花係咪即係性病o個d, 佢話係. o甘我咪話無可能因為我同我老公差唔多一日廿四小時都o係埋一齊(因為我o地一齊做o野)而且自有o左bb後我o地而經無性行為, 再加上我先生的性器官亦沒有異樣, 如果係性病亦唔會潛服o甘耐啦. 佢即時話椰菜花即係"疣"亦即係一o的過慮性病毒, 有時會生o係皮膚or手指上, 可能係o甘感染到都唔出奇. 當日我先生同奶奶陪我去睇醫生o既, 後o黎佢叫o左我先生入去睇bb o既 2D picture, 照完後我先生幫我整返好o的衫佢就過返隔離房啦. 之後返到屋企我同奶奶傾開計先至知原來去走去同我奶奶講話我o個粒息肉好似係椰菜花最好就儘快處理o左佢, 等我o個晚仲要同我奶奶解釋等佢唔好太擔心, 好采o既係我同我老公都互相信任我老爺奶奶亦明白事理ja, 如果唔係真係家變都似呀!

兩日後o的姑娘話報告出o左醫生要我o地出去見佢, 去到醫生話檢驗報告我粒息肉有唔正常o既細胞最好立即做手術, 但手術會可能導致流產. 我一聽到可能會流產時好驚bb有事驚到忍唔住喊o左出o黎, o甘我話我想諗o下. 佢猛o甘遊說我老公同奶奶要即日做手術 (因為佢跟住會放大假), o甘佢o地都好擔心我有事所以都贊成我做手術. 就係o甘我o係除醫生o既診所做o左手術, 佢做完後就話會攞粒息肉去做化驗, 仲同我要過o左24hrs bb先至安全, 如果我有流血或肚痛就要即刻入 St Paul or 養和 (因為佢o係度駐診o既), o甘我問佢有無電話可以聯絡佢但佢話唔駛o架啦你入到去醫院就會聯絡我o架啦. o個晚半夜有少少紅色o既血流出o黎嚇到我死又搵唔到除醫生wor, 後來好彩搵到我o地o既家庭醫生佢話流產o既情況唔係o甘o既好大可能係郁到個傷口o者, 最好俾我瞓床休息千祈唔好郁. 第二朝一早我奶奶打俾除醫生佢第一聽到就質問我奶奶點解唔即刻送我入醫院, o甘我奶奶咪解釋我o地住新界驚搭的士/救護車出會整親個傷口. 跟住除醫生就話如果我o地仲係好擔心o既就出去見佢or 入醫院啦.

兩日後又再收到o的姑娘o既電話話個報告已經出o左係無癌細胞o既但醫生要我出去見佢, o甘我咪問姑娘我可唔可以同醫生傾幾句? 佢叫我等一陣後話醫生唔得閒叫我過一陣再打去, o甘我問佢可唔可以fax過報告俾我, 姑娘reject 話因為呢o的係我o既私隠驚俾其他人收o左所以唔可以fax 俾我, o甘我話我係屋企o既fax 機但佢又話佢係新o黎o既所以唔知可唔可以o甘樣做要問o下先叫我再打過o黎搵醫生啦. 如是者幾次, 次次等好耐後都話醫生唔得閒要我再打過去, 終於個姑娘發老脾話醫生要你出o黎你就出啦做mud醫生要見你你都唔出o黎? o甘我咪同個姑娘解釋我住好遠, 出到o黎銅鑼灣o甘多人驚再整親個傷口 but final 醫生都係唔肯聽我電話要我出去.

我出到去除醫生話我個報告無o野粒息肉無癌細胞, 但佢話為安全起見suggest 我去照內規鏡, 又話要轉介我老公去睇皮膚科醫生check o下有無性病. 當日天要我去化驗所照ultra sound 照bb (其實對上兩次見佢已經次次照ga la).

最後我老公睇完佢轉介o既皮膚科醫生證明無事. 我亦經朋友介紹後去o左睇另一個行醫生及去了贊育做產檢. 我o係贊育做產檢時o個度再幫o係傷口位置抽取細胞做檢查, 報告係同第一個醫生o既化驗結果一樣.

我依家個醫生因為知道我有去醫院做產檢所以只係要我1.5mths先返去見佢一次, 好多檢查都suggest 我o係醫院做. but 除醫生o個陣要我兩星期返去睇佢一次兼少少o野就要我去化驗所檢驗及照ultra sound...

1. 我覺得醫生搵$好正常但搵$之餘唔好o下o下都嚇親人law, o個次我精神壓力真係好大成日都好驚bb會無o左.
2. 明明可以唔駛o係o甘危險o既時候做手術o既但佢竟妄故我同bb o既安全
3. 如果我同我老公唔係一齊做o野日見夜見, 佢o甘講真係會影響我o地o既感情