吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 塞奶好返，收奶後再塞，入院放膿

懷孕前後今日: 23|主題: 330234

收藏本版

發帖

返回列表

跳至頁

查看: 4786 | 回覆: 16

塞奶好返，收奶後再塞，入院放膿 [複製鏈接]

flb_cyk

複式洋房

積分: 177

1^#

發表於 19-11-5 22:25 |只看該作者 |倒序瀏覽 |打印

餵咗三個月人奶，坐完月返工繼續泵奶，返咗工一星期後有一晚泵完奶後開始覺得個左胸有d痛，半夜訓到半夢半醒係有刺痛感，但無理繼續訓。
第二朝起身照泵完奶返工，返到公司開始個左胸愈黎愈痛，上網睇話用雪涷椰菜敷、狂按放奶、食止痛藥，即刻跟住做，完全無幫助，忍住痛同同事食晏已經開始發冷周身無力，返到公司都係等唔到放工，即刻飛的去仁安醫院睇醫生。

坐底檢查原來燒到39.3度，比醫生檢查原來個左胸的皮面最痛果個位都紅哂，佢開一星期消炎止痛藥、抗生素比我，話如果都唔好返就要再睇醫生。當時我求神拜佛千祈唔好好似網上的人講咁要放膿.......侍續.......

0 0 0

私人傳訊

flb_cyk

複式洋房

積分: 177

2^#

發表於 19-11-5 22:35 |只看該作者

返到屋企已經燒到40度，真係咁大個女未試過，食咗藥暈駝駝之際仲叫老公記得叫醒我泵奶.....
泵完又驚d藥會影響bb，都係無比佢食（雖然醫生話無問題）......然後果一星期努力泵努力推，好好彩無哂硬塊，但d奶個量變到少得可憐....
就係咁，係驚再塞奶的情況下，又見bb都無食人奶成個星期，我就開始食豬潤、韮菜、乳鴿，準備收奶。
一個星期後開始12個鐘先泵一次，奶愈黎愈少，再過多一星期後，發現唔泵都無谷。就滿心歡喜收奶成功........
點知過咗幾日，我黎返m,個量仲係正常的m量，黎m第二日，個左胸塞過的同一個位置突然腫同硬返，又好似有隻雞蛋咁.....待續....

私人傳訊

flb_cyk

複式洋房

積分: 177

3^#

發表於 19-11-6 16:10 |只看該作者

心諗唔通有少少奶谷返？但明明話收奶就唔好再泵.....咁我就打去問催乳師我應唔應該按返鬆佢，佢就話正常都要....
咁我就開始按下擠下，係有少少奶出，但少到係用滴黎計。按咗成個鐘都推唔鬆，仲鬼死咁痛，搞咗幾日每次按都生不如死.....無鬆過......跟住搵返上次食剩的消炎止痛藥，食完無咁痛，但仲係好硬。
之後約返同我接生的婦產科醫生睇，同佢講咗我情況，佢就話收咗奶唔會谷奶，我話真係好硬同痛，佢就幫我照超聲波，照到個胸入面有「抛」野係到，佢話都唔肯定係奶定係膿，所以開咗抗生素同消炎止痛藥比我，再比定張乳房科的醫生咭片我，叫我食完藥都唔得就再睇醫生......

私人傳訊

flb_cyk

複式洋房

積分: 177

4^#

發表於 19-11-6 16:18 |只看該作者

食咗兩日藥，除咗痛，個左胸仲好谷，所以唯有按同擠少少奶出黎，但右胸係一滴奶都無漏出過黎....
左胸硬的地方非常痛，但我仲好天真咁死頂同堅持狂按，覺得按到塞的野出黎就會無事，因為好唔想好似上網睇咁要插針放膿。

點知果幾日食住藥，每次按完都會即刻發燒，但係唔係高燒，反反覆覆咁，食到得返最後一日藥都無好轉......
最後又係返仁安醫院到睇醫生，醫生睇完話建議入院，佢話拖咁耐都唔好，好大機會都要抽針，所以我就即時入院。
果晚外科醫生黎睇一睇我，話第二朝會幫我做超聲波同抽針種菌......我咩都無問，剩係不斷問痛唔痛，可唔可以麻醉.......

私人傳訊

flb_cyk

複式洋房

積分: 177

5^#

發表於 19-11-6 16:27 |只看該作者

第二朝就落咗去照超聲波，係個胸非常痛的情況下要掃住咁照超聲波都好難頂，好好彩個幫我照超聲波的姑娘非常温柔，仲要好靚女......慢慢幫我照，無話大力壓落去。
照咗基本野，佢就call醫生黎，醫生就講解話宜家幫我消毒同插針抽組織，會照住超聲波咁抽.....
我入房前已經不斷問有無得麻醉，醫生話會幫我打枝麻醉針落個胸到，佢話要忍一忍。
我就話其實我唔怕打針同抽血，但因為個胸本身好痛，我驚再插野落去抽真係會忍唔到。
打之前我仲好天真咁問有無其他方法解決.....當然係無.....
咁醫生就幫我打枝麻醉針落個胸到，好快個胸就無咁痛，跟住佢就插針落去抽野，我隱約見到仲有條喉....

私人傳訊

rosanayan

大宅

積分: 1683

6^#

發表於 19-11-6 17:42 |只看該作者

依家情況>?我最後係要開刀...

私人傳訊

ihaveabigbb

別墅

積分: 612

7^#

發表於 19-11-6 17:46 |只看該作者

開刀放膿嗎？

私人傳訊

flb_cyk

複式洋房

積分: 177

8^#

發表於 19-11-6 20:16 |只看該作者

rosanayan 發表於 19-11-6 17:42
依家情況>?我最後係要開刀...

oh my god...唔好嚇我啊。
我星期一抽咗好多膿出黎，宜家仲有少少腫，醫生叫我再食一星期抗生素等覆診..........
呢兩日都仲有少少腫同痛.....
好驚啊(emoji)

私人傳訊

rosanayan

大宅

積分: 1683

9^#

發表於 19-11-7 10:46 |只看該作者

回覆 flb_cyk 的帖子

希望你快D好返啦..!!

私人傳訊

lisa寶寶

大宅

積分: 1058

10^#

發表於 19-11-7 12:58 |只看該作者

真係好慘啊，take care，我就試過都算驚險，右胸好大舊硬塊，成個上班胸都係硬，點按都唔得，漲到好重，搞佐成晚，又叫BB啜，都係唔得，我心唸死啦，可能最擔心的事要發生，我就繼續度體溫，又無發燒，但就係好硬，點按都唔通，又漲又痛，想喊都無眼淚，事已至此，都係要勇敢面對，跟住我就去沖涼，檢查到乳頭上有一粒白色的點點，我就唔知係乜嘢，就兩隻手好似ji暗瘡咁ji佢出黎，都好痛，點知ji出個白點之後奶水即刻飆佐出黎成個浴缸都係奶，硬塊即場軟佐一半，原來係塞左，我啦啦聲沖涼返去用泵奶器一路按一路泵奶，就完全軟佐，嚇死我，好彩發現到，唔係谷到聽日都唔知變成點..