懷孕前後

跳至

首頁
12

尾頁
   3


洋房

積分: 87


發表於 19-11-7 10:29 |顯示全部帖子
我係一位新手媽媽,依家bb兩個月大喇。由我發現有左到bb出世九個幾月,過程一波三折,訓床訓足八個幾月。幸運地bb係38週順利出世,健健康康。依家喺哩度同大家分享下我既經歷,希望可以同各位宮頸短/需要訓床既媽媽們打打氣!


洋房

積分: 87


發表於 19-11-7 10:30 |顯示全部帖子
喺有左bb頭三個月,我一路都係搵盧乃本醫生做產檢嘅。果段期間我因爲作小產同胎盤低,斷斷續續咁見紅,只好一路食安胎藥同訓床,希望可以順利過到頭三個月。過左頭三個月,胎盤已經升番高,以為已經陀穩bb,但係我不時都會覺得下面有墜住既感覺。於是盧醫生就幫我度宮頸長度,第一次度有4.6cm,兩個星期之後度得返3.28cm。當時bb只係得15週,盧醫生話我既宮頸長度係短時間內變短,可能有早產、甚至係流產既風險。於是盧醫生轉介左我去睇孫錫鴻醫生,等孫醫生睇吓有無需要幫我戴宮頸環托。


洋房

積分: 87


發表於 19-11-7 10:31 |顯示全部帖子
我聽到盧醫生咁講,即時喊左出黎。以為捱過左最唔穩定既頭三個月就會安全,但係突然間又話會有早產、甚至係流產既風險。我已經又食藥又訓床,點解自己既身體會咁。我一行出診症室,就即刻打去孫醫生既診所,忍住泡眼淚同姑娘清楚講左自己既清況。當時臨近復活節長假,孫醫生既booking都好full,但係姑娘聽完我既情況,好好人咁安排我翌日下晝就可以去睇孫醫生。



洋房

積分: 87


發表於 19-11-7 10:31 |顯示全部帖子
第一次見孫醫生,孫醫生首先好仔細咁問清楚我既情況,再幫我照超聲波。孫醫生部機比荃灣港安果部清晰好多,可以好清楚咁睇到曬bb既手指腳趾,仲有3D同4D相睇。我地兩公婆第一次睇bb睇得咁清楚,都覺得好興奮。跟住孫醫生就幫我度宮頸長度。孫醫生好有耐性咁幫我照,佢話宮頸收縮同放鬆時既長度會唔同,所以要俾d時間量度宮頸喺唔同時候既長度。我既宮頸係放鬆既時候有3.89cm,收縮果陣有2.8cm左右。孫醫生話情況唔係咁差,但因為我都有肚硬宮縮既情況,所以建議我可以先食一個星期藥同訓床睇吓有無改善先,同埋叫我地唔使太擔心。


洋房

積分: 87


發表於 19-11-7 10:32 |顯示全部帖子
聽完孫醫生咁講,我同先生暫時叫做鬆一口氣。跟住果個星期我就跟足孫醫生指示食藥訓床。

一個星期後再返孫醫生度覆診。孫醫生幫我度宮頸,發現我宮頸長度又短左;再加上我既宮縮都頻密,於是決定幫我上宮頸環托。另外孫醫生都開左安胎藥同抗宮縮藥俾我,叫我要一路訓床,希望可以幫到bb足月先出世。自此之後,除左每兩個星期返孫醫生度覆診,我就展開喺屋企訓床訓到生既日子。



洋房

積分: 87


發表於 19-11-7 10:34 |顯示全部帖子
訓床既時間一啲都唔好受。除左覆診、去廁所、沖涼同食飯,其他時間我都係訓住床咁度過。我係由17週開始上托,一路到24週前我都提心弔膽得好緊要,因爲捱唔到24週,bb出世都唔會有得搶救,只會被當成醫療廢物。當時我仲貼左張進度表係房,寫左邊個日子bb就有幾多週。我每日都會望住個進度表,提醒自己要加油要堅持。


洋房

積分: 87


發表於 19-11-7 10:35 |顯示全部帖子
仲記得戴完托之後去孫醫生度覆診,我同孫醫生講,我好期待每次覆診,但係每次覆完診時間都過得好漫長;而我唔係對醫生無信心,係對自己無信心。因爲上托之前我都訓床訓左好一段時間,都仲有其他問題出現。我真係好怕自己陀唔穩bb,因為我以前睇開既重醫講過我並唔係咁容易有bb既體質。跟住孫醫生攞左佢本紀錄簿出黎,俾我睇喺佢度上托既patients有幾多個係成功陀到足月生既。的確,佢本簿度有好多剔號,近年更加係全部都係剔號,每個剔號都代表住成功陀到足月生既個案。孫醫生話可以幫到我既嘢,例如上托、開安胎藥、打安胎針同叫我訓床,佢都已經做左,叫我唔好咁擔心。


洋房

積分: 87


發表於 19-11-7 10:35 |顯示全部帖子
孫醫生亦都叫我要放鬆啲,咁先可以減少宮縮。

時間一路咁過,24週、28週、30週、34週,每次去覆診孫醫生都有鼓勵我,而且見到bb一路喺我肚裡面健康成長緊,我個心就越黎越定。好唔容易終於捱到36週,可以唔使再食安胎藥同打安胎針,亦都趕得切係生之前剪返個頭髮。最後我喺38週生左bb出黎,bb出世時有差唔多七磅重,由孫醫生接生。整個過程由陣痛到生用左少過兩個鐘,聯左兩針,過程順利。生完之後,孫醫生仲幫我地兩公婆同bb影左好多相留念添。而我個名喺孫醫生本紀錄簿度終於都可以加個剔號喇。


洋房

積分: 87


發表於 19-11-7 10:36 |顯示全部帖子
後記:
以為生完bb就可以喺孫醫生度case closed 啦。點知我出左院一兩日就見唔舒服,可能因爲湊初生b兼喂人奶搞到無得訓咁滯。到左第三日朝早,我一訓醒就覺得天旋地轉,落唔到床。個人又好虛弱,飲多多水都覺得好口渴,兼且對腳腫曬。當日係中秋節翌日公眾假期,都唔知邊度搵醫生睇。我先生睇到我咁都嚇親,唯有試吓whatsapp孫醫生。孫醫生好快就call back我先生了解我既情況;另一邊箱亦即時聯絡左荃灣港安,安排醫院收我入院。跟住孫醫生好快就黎到醫院幫我檢查,診斷我係生完之後缺乏休息,搞到身體循環系統出左問題,嚴重缺水。


洋房

積分: 87


發表於 19-11-7 10:36 |顯示全部帖子
之後孫醫生安排我喺醫院訓一晚,吊一晚鹽水,叫我好好休息,之後就可以開開心心湊bb。第二朝我就恢復返體力,腳腫都褪曬,精精神神咁出院喇。個幾星期後我去孫醫生個太太(梁醫生)度覆診拆線,同梁醫生傾起偈講番先知原來我唔舒服果日佢地一家人原本準備入梅窩family day,後尾孫醫生收到我先生電話就即刻去醫院幫我睇症,梅窩之旅都cancel左。由此可見,孫醫生唔單止醫術了得兼有豐富經驗,亦都係一個以病人為先同好關心病人既好醫生。


洋房

積分: 87


發表於 19-11-7 10:37 |顯示全部帖子
總結我既經歷,我覺得有幾個要素係大大咁幫到bb平安足月出世既:
1. 要小心留意自己既身體狀況,一有咩唔妥唔舒服就要即刻睇醫生;
2. 要搵有豐富經驗既醫生做產檢。當日如果唔係盧醫生一早發現我宮頸短轉介我去孫醫生度,又或者無孫醫生一路咁睇住我既情況同幫我上托,我諗我都唔會有機會可以一邊湊住啊b,一邊打哩篇分享(bb出世後幫佢做檢查既兒科醫生聽聞我既情況,都同我講如果唔係孫醫生幫手,我既bb都未必可以順利出世);
3. 要好好跟足醫生指示,食藥訓床,唔好掉而輕心。訓床既時間難過,但總會過。見到bb平安出世,健健康康咁一日一日大,幾辛苦都值得。


洋房

積分: 87


發表於 19-11-7 10:37 |顯示全部帖子
希望各位宮頸短/需要訓床既媽媽們睇完我既分享,可以得到正面既鼓勵。你地既堅持同努力,bb係肚裡面都會感受到,同你地一齊加油。祝大家既bb都可以平安健康,順利咁喺足月之後出世啦!

點評

fs1214    發表於 19-11-9 00:01
nss711    發表於 19-11-7 14:39
yan1008    發表於 19-11-7 13:36


複式洋房

積分: 128


發表於 19-11-7 11:13 |顯示全部帖子
LilLilFish 發表於 19-11-7 10:34
訓床既時間一啲都唔好受。除左覆診、去廁所、沖涼同食飯,其他時間我都係訓住床咁度過。我係由17週開始上托 ...

睇到你話要捱到24週真的很深感受,我都係甘稔!!多謝分享,鄧你開心bb足月順利出世,祝福你地一家


大宅

積分: 2635

2019新春慶豚圓


發表於 19-11-7 11:14 |顯示全部帖子
恭喜你!

介唔介意你24週左右時宮頸有幾多?


洋房

積分: 87


發表於 19-11-7 11:29 |顯示全部帖子
minibsmum 發表於 19-11-7 11:13
睇到你話要捱到24週真的很深感受,我都係甘稔!!多謝分享,鄧你開心bb足月順利出世,祝福你地一家 :fortun ...

本帖最後由 LilLilFish 於 19-11-7 11:32 編輯

多謝你!捱過24週係我當時最低既目標。當我再捱到28週,就覺得時間過得快好多。果陣我就開始上網睇吓bb衫仔同用品,唔覺唔覺就可以捱到足月㗎喇,個人都開心番好多。加油啊媽媽!


洋房

積分: 87


發表於 19-11-7 11:30 |顯示全部帖子
ayako 發表於 19-11-7 11:14
恭喜你!

介唔介意你24週左右時宮頸有幾多?

果陣係2.3cm,同上托果刻差唔多。


複式洋房

積分: 333


發表於 19-11-7 11:58 |顯示全部帖子
LilLilFish 發表於 19-11-7 10:36
之後孫醫生安排我喺醫院訓一晚,吊一晚鹽水,叫我好好休息,之後就可以開開心心湊bb。第二朝我就恢復返體力 ...


你的醫生真係好好...好有醫德~~
(因為真係聽過有d醫生因為私人野唔理病人)

恭喜你+bb揀到好醫生


大宅

積分: 1097


發表於 19-11-7 12:20 |顯示全部帖子

回覆樓主:

睇完都覺得好感動,媽媽你好叻呀 媽媽真係好偉大,為咗BB幾辛苦都會頂硬上 亦都好好彩你搵到個咁好咁有醫德嘅醫生


男爵府

積分: 9223

2019新春慶豚圓 2019勳章


發表於 19-11-7 12:25 |顯示全部帖子
媽媽好叻


洋房

積分: 87


發表於 19-11-7 14:09 |顯示全部帖子
amychuu 發表於 19-11-7 11:58
你的醫生真係好好...好有醫德~~
(因為真係聽過有d醫生因為私人野唔理病人)

感恩遇到孫醫生,佢唔單止救左我bb,連私人私間都犠牲埋黎幫我睇症。佢真係一位好好既醫生。

首頁
12

尾頁

跳至
你需要登錄後才可以回帖 登入 | 註冊