夫婦情感

跳至

首頁
12345...6

尾頁
   5


複式洋房

積分: 424


發表於 19-11-8 17:00 |顯示全部帖子
我同老公一齊左6年,最近比我知道原來佢呢排都同個女人傾計,我老公返工係好忙嘅,忙到有時午餐都無得食個隻,我知道佢返工壓力好大,佢都有同我講過佢工都唔想返,但要養兩家(我地同佢阿媽個邊)無辦法,當我知道佢原來一路都有同條女傾計,佢仲話同佢傾完個人輕鬆左,因為呢排真係好大壓力,直頭想過死,我係ftm又要湊仔,可能忽略咗佢,但我真係接受唔到佢同另一個女人傾計,佢誓神劈願話無見面無搞過佢,只係傾計,以佢嘅工作量佢又真係做唔出啲乜,佢放假一定係全日陪住我同個仔,我而家對佢好大介心,我成日疑神疑鬼,一有啲咩就忍唔住爆佢,搞到我地而家嘅關係都差。續


複式洋房

積分: 424


發表於 19-11-8 17:06 |顯示全部帖子
本來當我知道嘅時候,佢希望我原諒佢,應承唔會再搵佢,block左佢電話、whatsapp,比埋apple id我check佢行蹤,電話任睇,我亦都覺得我都可能忽略咗佢,所以我都關心佢多左,希望時間沖淡一切,好似以前咁,但係其實唔得,表面上我地好左,連愛都做多左(以前一個月一至二次),但係我個心裡面總係有條刺,佢個電話一響我就好緊張,最後又搞到嘈交,我可以點?


複式洋房

積分: 424


發表於 19-11-8 17:11 |顯示全部帖子
佢都同我講個女人有兩個女(我都見到個頭像係兩個女仔)離左婚,佢要偷食都偷個無仔女啦,根本就無嘢,只係傾計吹水,唔好再諗講過乜嘢,乜嘢都唔會發生,事情已經過去喇,你唔信我都無辦法。
佢開始覺得我煩,三日唔埋兩日又提起件事。(emoji)但我個人就係有咩都唔想收埋要即刻解決。


複式洋房

積分: 424


發表於 19-11-8 17:18 |顯示全部帖子
同埋我都感受到佢真係一路比緊信心我,啲朋友搵佢去整車佢話要陪老婆仔唔去,平時一個月會返大陸一次揼骨佢都唔去喇,日日日返工放工返屋企食飯放假又係陪住我地,又識得關心我叫我帶多件衫出街呀凍呀!關係真係好左嘅,係我個心好不安,成日覺得佢禁電話係同個女人傾計,我又會成日望佢whatsapp係咪成日在線上,又望個女人係咪又在線上,真係好大壓力,我就快癲咁,我應該點?


公爵府

積分: 26046

2019新春慶豚圓


發表於 19-11-8 17:21 |顯示全部帖子
佢地傾乜野


複式洋房

積分: 424


發表於 19-11-8 17:23 |顯示全部帖子
anna59 發表於 19-11-8 17:21
佢地傾乜野

佢del曬,我唔知,我老公就話有個人呻下講下返工嘢,不過佢都好老實咁話佢哋講嘢有曖昧


複式洋房

積分: 424


發表於 19-11-8 17:25 |顯示全部帖子
但我第六感覺得佢地唔係普通朋友咁簡單,但我又諗佢哋只係傾計,係咪我太小氣?


公爵府

積分: 28132

2019新春慶豚圓


發表於 19-11-8 17:25 |顯示全部帖子
你再嘈,再癲,就真係推個老公出去搵嗰個女人。因你太煩


複式洋房

積分: 424


發表於 19-11-8 17:28 |顯示全部帖子
FennieMan 發表於 19-11-8 17:25
你再嘈,再癲,就真係推個老公出去搵嗰個女人。因你太煩

我覺得我好似坐以待斃咁(emoji)我個心好唔舒服,好似有舊石頭壓住咁,我搵過社工傾,佢同你講嘅嘢一樣,我知道但好難控制。


複式洋房

積分: 424


發表於 19-11-8 17:33 |顯示全部帖子
我朋友都叫我反而要對佢好啲,男人會有內疚感,覺得始終你最好,就自然返黎你身邊,係你就係你。


別墅

積分: 630


發表於 19-11-8 17:45 |顯示全部帖子
回覆 mayce860914 的帖子

似乎你C6都知錯。咁你覺得仲有啲乜嘢佢可以做嘅,會令你舒服啲,多啲信心?


複式洋房

積分: 424


發表於 19-11-8 17:47 |顯示全部帖子
Perpersis 發表於 19-11-8 17:45
回覆 mayce860914 的帖子

似乎你C6都知錯。咁你覺得仲有啲乜嘢佢可以做嘅,會令你舒服啲,多啲信心? ...

其實我諗除左叫佢係我面前打去比個女人同佢講叫佢唔好再聯絡,都無其他,因為行為上佢真係做到好好。


別墅

積分: 630


發表於 19-11-8 17:59 |顯示全部帖子
回覆 mayce860914 的帖子

咁你有冇試過向佢提出呢項要求?


公爵府

積分: 26046

2019新春慶豚圓


發表於 19-11-8 18:06 |顯示全部帖子
回覆 mayce860914 的帖子

不如請工人, 出去搵份工


大宅

積分: 1314


發表於 19-11-8 18:10 |顯示全部帖子
mayce860914 發表於 19-11-8 17:25
但我第六感覺得佢地唔係普通朋友咁簡單,但我又諗佢哋只係傾計,係咪我太小氣?
...

其實冇啱與錯。你要諗清楚你係咪真係決定原諒老公,如果你決定原諒你就要叫自己要真心原諒,以後咬脷都唔可以再講呢件事。唔原諒你就要準備承擔後果。你唔可以原諒一半唔原諒一半,三日唔埋兩日又攞返出黎講。


複式洋房

積分: 424


發表於 19-11-8 18:12 |顯示全部帖子
Perpersis 發表於 19-11-8 17:59
回覆 mayce860914 的帖子

咁你有冇試過向佢提出呢項要求?

我知道嘅時候,我有叫佢打俾個女人,因為係個女人打黎我先知呢件事,所以我叫我老公打返去問佢打黎做乜,開speaker一齊聽住佢講乜,我老公問佢打黎做咩,個女人話點解返大陸唔話佢知?(應該係返左大6收唔到信號,佢搵唔到我老公)我老公話:係呀,返左大陸!!之後就話同老婆一齊返大陸,我有老婆你知架喎!個女人就給左線。


複式洋房

積分: 424


發表於 19-11-8 18:15 |顯示全部帖子
anna59 發表於 19-11-8 18:06
回覆 mayce860914 的帖子

不如請工人, 出去搵份工

我住好細,一家三口房都無,唔洗諗,加上我仔有自閉症,我想親自照顧一手一腳。


複式洋房

積分: 488


發表於 19-11-8 18:15 |顯示全部帖子
mayce860914 發表於 19-11-8 17:47
其實我諗除左叫佢係我面前打去比個女人同佢講叫佢唔好再聯絡,都無其他,因為行為上佢真係做到好好。
...

打比個女人都無用,可以做戲比你睇,比你聽,我朋友個老公就係咁!你老公個心一定有個女人架喇,總之佢肯認錯,話肯斬纜,而你又比機會佢,就一定唔可以再提呢件事了,就享受佢對你的好啦,到時候有什麼事,個天自然會比你知道㗎喇


公爵府

積分: 28132

2019新春慶豚圓


發表於 19-11-8 18:17 |顯示全部帖子
mayce860914 發表於 19-11-8 17:47
其實我諗除左叫佢係我面前打去比個女人同佢講叫佢唔好再聯絡,都無其他,因為行為上佢真係做到好好。
...

如果你真係叫你老公甘做,佢只會覺得你咬住唔放。老實就算佢真係做咗,但佢私下再聯絡(更加小心),你又點?
如果你仲想挽救段婚姻,就比個機會大家,試吓放低(係好難),向前看,努力維繫,比多啲時間關心個老公,但你不停轉牛角尖,返而令関係更加差。


複式洋房

積分: 424


發表於 19-11-8 18:24 |顯示全部帖子
YcY1513 發表於 19-11-8 18:15
打比個女人都無用,可以做戲比你睇,比你聽,我朋友個老公就係咁!你老公個心一定有個女人架喇,總之佢肯 ...

我都覺得個天真係會比我知道,因為我老公話個陣唔知點解會聽佢電話,好似神推鬼擁咁

首頁
12345...6

尾頁

跳至
熱門主題
你需要登錄後才可以回帖 登入 | 註冊