我老公由去做植髮之前，到做咗直髮之後，用咗好多時間去了解呢個手術，究竟要注意啲咩同埋要駛幾多錢。
不過好慶幸，最後都揀咗做植髮手術，而家老公睇起上嚟，有自信左好多！
佢諗住去做植髮係因為，一開始有M字額，結果頭頂越嚟越禿，後來身邊啲朋友都叫佢快啲去做植髮，連我都係咁同佢講。
後來陪左老公去網友推薦嘅診所，診所個醫生都幾好嘅，不過睇完就話佢已經拖到第四期，而家想有頭髮只可以靠做植髮手術。
其實睇醫生之前，我哋討論左好耐。雖然植髮手術都幾貴，但起碼可以一次過解決晒我老公嘅困擾。做好決定之後，老公突然同我講：「我以後會好好賺錢㗎啦！」聽起上嚟有啲可憐，但係好可愛。
最後醫生專業嘅評估話，大概需要大約4000束頭髮，橫掂我哋之前都商量過，所以就即刻幫佢預訂做手術時間。
手術前幾日盡量唔好捱夜、唔好食煙、唔好飲酒，同埋手術前唔可以食嘢，呢啲嘢診所都係有提醒佢。
手術當日，去到診所就跟住姑娘嘅指示，寫病歷、換衫，仲有抽血同做輔助生長療程，等頭髮可以生得好啲。
我老公話手術過程冇唔舒服，全程淨係趴喺度或者瞓喺度，聽住醫生指示，佢哋叫你做咩就做咩。
唯一麻煩啲嘅係，手術之後要照顧同保養傷口。其實手術之後一個禮拜，診所有提供照顧，不過我哋唔方便過去，所以頭三日我幫佢洗頭同換藥，第四日佢就自己黎。
一開始我老公出去都帶住頂帽，驚人哋發現佢去植髮。診所姑娘定期安排佢返去覆診，慢慢佢啲頭髮越嚟越長，第二張相就係1年10個月嘅時候，我幫佢影嘅。我哋都覺得效果幾好，大家參考吓。
發表於 
返回列表
