夫婦情感 今日: 3 | 主題: 42418

積分: 66

發表於 19-12-17 20:31 |顯示全部帖子

我估45，老公50，26年前拍拖，有3個仔女，10，7，5嵗
我地初認識時好窮，由負數開始，一齊努力，現在略有成績，有一間小公司，老公做執行，我管數，有4層樓，一間自住，3間諗住以後比3個仔女，全部都要供

由10年前開始，我地已有問題，細節唔多講，不外符互不體諒關心，零溝通，5年前都會鬧下交，呢幾年互當透明，公事由員工傳話，家事由仔女傳話。我地都無第三者，感情上無出軌。肉體唔計。

仔女教育方面，我全權負責，他就只負責和仔女玩。星期日和假期都是家庭日，會全家一起去玩。作為父親，佢有80分。但我們很少對話。氣氛有點怪，但仔女都習慣。3個仔女都係
開朗的。

私人傳訊

積分: 66

發表於 19-12-17 20:32 |顯示全部帖子

回覆樓主:

導火線：星期日去飲茶，我唔小心漏低張八達通在枱面。3個小時後發現。八達通內有3百幾蚊，每日可自動增值500一次。咁我返酒樓問，職員話無執到。我老公發脾氣，話要報警。我唯有同酒樓層員要求，在後巷的幾百張枱布中遂張搵，好彩最後我1個小時就搵到。不過好污糟，之後覺得自己好臭。

搵到後，我比返我老公，佢無反應。

我心諗，話晒兩夫妻，駛唔駛咁絕？唔見張八達通有幾大問題？係要我去巢枱布同垃圾？

私人傳訊

積分: 66

發表於 19-12-17 20:33 |顯示全部帖子

回覆樓主:

我真係好想離婚。之前我覺得為咗仔女有完整的家庭，也為了安穩的生活，我會就咁過就算。但我每日都唔開心。我好討厭自己係佢妻子既身份。我唔想同佢有任何關係

但如果離婚，我担心萬一佢再娶，本來留比3個仔女既物業，會比人分咗。而且如果離婚後，公司唔比我管數，我地4母子的生活會比而家艱難。而我亦相信自己出去打工，只能得萬幾蚊一個月。

就算離婚，我都唔會分居。為咗慳返住屋開支同仔女可見到爸爸，我地應只會分房。我老公應對呢個安排無意見的

私人傳訊

積分: 66

發表於 19-12-17 20:34 |顯示全部帖子

回覆樓主:

想請問大家，咁既情況下，係咪應該維持現狀就算？離婚我只是得啖氣，除此之外，我無任何好處。但我好抑鬱，每日都辛苦，唔開心。彷彿離婚係我對未來既唯一目標

講多少少，我老公係好絕既人，除咗仔女，佢對所有人都無情。佢不擅理財，亦唔計較錢。工作上佢係勤力既。我們的公司，可以無咗我，但唔可以無咗佢。如果離婚要賣晒啲物業，佢應無問題。但我唔想，因為賣咗買唔返，而且我想留比仔女，而我離婚後亦無乜供款能力了

婚姻輔導亦不必了。我同我老公既結，超過10年啦。唔可能，亦唔需要解了

大家可以比啲意見我嗎？

感激每一位給我意見的人

私人傳訊

mickeywinnie3

水晶宮

積分: 73978

發表於 19-12-17 20:37 |顯示全部帖子

dizzy00 發表於 19-12-17 20:31
我估45，老公50，26年前拍拖，有3個仔女，10，7，5嵗
我地初認識時好窮，由負數開始，一齊努力，現在略有成 ...

不影響孩子下也可以的！因為夫妻之間沒有愛情也難過

自由太多會令世人失去平衡

私人傳訊

積分: 66

發表於 19-12-17 20:48 |顯示全部帖子

回覆樓主:

我地而家每日都好似互相精神折磨對方，大家都辛苦

我心裡好希望佢會死，咁我就唔使煩離婚既問題

佢出面有無同女人訓，我唔想知。反之亦然

佢受傷或唔舒服，我會當睇唔到，甚至心涼。。。其實我本身對人唔係咁。。。我係一個熱心既人。。。我會關心公司的同事，朋友，仔女既同學。。。

同佢繼續一齊，令我變成唔係我自己。。。我竟然可以咁冷酷，黑心，喜怒無常。。。

私人傳訊

fitfit貓

積分: 2732

發表於 19-12-17 21:39 |顯示全部帖子

回覆樓主:

以你現時嘅條件，絕對悟贊成你離婚，無SO……你悟好諗著離婚後可以用你先生同一屋簷下，住同一間屋分房訓，以你老公性格，推斷絕無可能……

私人傳訊

rita1208

積分: 4752

發表於 19-12-17 22:00 |顯示全部帖子

dizzy00 發表於 19-12-17 20:31
我估45，老公50，26年前拍拖，有3個仔女，10，7，5嵗
我地初認識時好窮，由負數開始，一齊努力，現在略有成 ...

咁多年都冇試過同老公傾吓問題所在？？

睇落你們好需要第三方嘅幫忙！！使少少$自己先去見吓輔導（心理輔導嗰種），可能會同妳想法不一樣。

私人傳訊

chelsea_jbb

子爵府

積分: 11412

發表於 19-12-17 22:05 |顯示全部帖子

回覆 dizzy00 的帖子

維持現狀吧! 離左婚雖然係為左啖氣, 但有冇想過同時都會有其他煩惱? 倒不如自己好好愛惜自己, 無必要為個無情的人唔開心喎.
就算你抑鬱, 佢都唔會在孚, 咁虐待自己為咩? 係咪？

私人傳訊

積分: 66

發表於 19-12-17 22:10 |顯示全部帖子

fitfit貓發表於 19-12-17 21:39
以你現時嘅條件，絕對悟贊成你離婚，無SO……你悟好諗著離婚後可以用你先生同一屋簷下，住同一間屋分房訓， ...

係真係無so... 好蝕。。。
等咗廿幾年，而家開始先有啲好日子過，就咁放手，益咗下家。。。

但果啖氣，真係落唔到。。。我怕屈到病。。。

有時我和突然發癲，做啲唔係正常女人做既野。。。可能係為咗發洩鬱結、平衡情緒、投射心裡既傷感，亦都係寂寞。。。

私人傳訊

rainbow2016

男爵府

積分: 6506

發表於 19-12-17 22:15 |顯示全部帖子

如果我系你會離婚。仔女系甘既環境長大會吾好。雖然有父愛，但見到父母相處冷淡，心裡都覺得奇怪。
我比較自私同衝動。如果我日日都甘難受，一定離婚。最多以後出去揾工飬仔女。如果仔女吾體諒都無辦法。
吾通要等仔女大，樓供完，先離婚咩？到時都60，70歲。

私人傳訊

積分: 66

發表於 19-12-17 22:15 |顯示全部帖子

rita1208 發表於 19-12-17 22:00
咁多年都冇試過同老公傾吓問題所在？？

睇落你們好需要第三方嘅幫忙！！使少少$自己先去見吓輔導（心理輔 ...

我有同佢傾過，早幾年，我會寫信，發信息，或者同佢講我既感受。。。而佢每次，都係零反應：唔出聲，一句都唔回應我，亦唔會發嬲，更當然唔會氹我。。。總之就係無反應。。。

對上一次我同佢講我既感受，應係2年前。。。喺佢保持一貫箴默後，我同自己請，我唔可以再同佢傾，我地亦無任何討論既空間同餘地。。

私人傳訊

積分: 66

發表於 19-12-17 22:24 |顯示全部帖子

rainbow2016 發表於 19-12-17 22:15
如果我系你會離婚。仔女系甘既環境長大會吾好。雖然有父愛，但見到父母相處冷淡，心裡都覺得奇怪。
我比較 ...

我個大仔有次，大約7嵗，去朋友仔屋企訓，返嚟後佢好似大發現咁同我講：xxx既爸爸，放工回家後，錫咗佢媽媽！

原來喺我啲仔女既認知入面，父母係唔會親吻，亦唔會拖手。。。

我都知咁樣係唔好。。。但只能等佢地大啲，再解釋下比佢地知：人生總唔能夠完美。我地只能在任何惡劣中的環境中去適應、妥協、生存。。。

私人傳訊

crystal媽咪

寶石宮

積分: 328968

2024年龍年勳章 2024勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 2018母親節勳章 2018父親節勳章畀面勳章環保接龍勳章 BK Milk勳章

發表於 19-12-17 22:31 |顯示全部帖子

dizzy00 發表於 19-12-17 22:24
我個大仔有次，大約7嵗，去朋友仔屋企訓，返嚟後佢好似大發現咁同我講：xxx既爸爸，放工回家後，錫咗佢媽 ...

應該分開……我係你會身心疲累
但走到？

不要從別人的嘴裡去認識我

私人傳訊

積分: 66

發表於 19-12-17 22:36 |顯示全部帖子

chelsea_jbb 發表於 19-12-17 22:05
回覆 dizzy00 的帖子

維持現狀吧! 離左婚雖然係為左啖氣, 但有冇想過同時都會有其他煩惱? 倒不如自己好好 ...

維持現狀，喺計算上，係最好既解決方法。。。基本上我同我老公都有百份百既人身自由，大家都唔理對方在外面的生活。。。

但係，原來喺計算之外，有時當面對自己真實既感受時，理智已經唔能夠發揮作用。。。一種難以形容既傷感，會突然湧出，好似要吞噬自己一樣。。。無論點去自我安慰，哀傷既感覺都揮之不去。。。

維持現狀，我有時可以好滿足；但更多時候會腦中突然一片空白。。。

點評

wendy_jed

發表於 19-12-18 16:10

私人傳訊

Yusum

積分: 4154

發表於 19-12-17 22:58 |顯示全部帖子

dizzy00 發表於 19-12-17 20:32
導火線：星期日去飲茶，我唔小心漏低張八達通在枱面。3個小時後發現。八達通內有3百幾蚊，每日可自動增值50 ...

我睇到你一字一語出發點全部都顧及咗仔女同老公先，咁你自己呢？你寧願自己唔開心都希望屋企所有人快樂！你咁樣實在太委屈自己喇！
你應該要為自己而生活，你條快樂鑰匙已經完全交咗去其他人手上！只要你愛自己多一點，你就會快樂！
如果你真係覺得同老公已經係挽救唔到，大家無可能回到初心，而離婚對你又無好處可言，咁不如就當老公係一個合作夥伴形式去相處吧！不求擁有得多但求計較得少！
我覺得最低限度你要找返快樂嘅自己！
每天都努力打扮一下自己，睇到自己容光煥發，心情都會好d!係鏡中同自己講，我要做一個最快樂嘅自己，只要改變一下自己嘅唸法，其實快樂好簡單！

私人傳訊

fitfit貓

積分: 2732

發表於 19-12-17 23:16 |顯示全部帖子

回覆樓主:

樓主，明白佢傷透了你，以你現時嘅感情狀況，若果身边有另一個出現，悟理對你真心定假意，你都會飛撲埋去，對你自身係相當危險，你不自覺發出咗噤樣嘅訊息……

私人傳訊

Nbs

水晶宮

積分: 55714

發表於 19-12-17 23:38 |顯示全部帖子

回覆樓主:

兩公婆一齊但係無感情無physical contact無講嘢無溝通，仔女係感受得到，由你話大仔見人哋父母kiss 就睇得到。你以為咁樣叫一家人齊整，但仔女係看在眼內，父母唔融洽對佢哋將來對另一半/家庭概念影響好大。

私人傳訊

farm712

男爵府

積分: 7451

發表於 19-12-17 23:39 |顯示全部帖子

回覆樓主:

如果我係你，我會維持現狀，直到我揾到另一個，才提出離婚。畢竟你也要生活。現只好各自各精彩。

私人傳訊